kabhii is nagaR tujhe dekhna, kabhii us nagaR tujhe dhoondna
kabhii raat bhar tujhe sochna, kabhii raat bhar tujhe dhoondna
mujhe ja-baja terii justujo tujhe dhoondta hoon mae ku-ba-ku
kahan khul saka tere ru-baru, mera is QadR tujhe dhoondna
mera khwaab tha k khiyaal tha, wo arooj tha k zawaal tha
kabhii farsh pe tujhe dekhna, kabhii arsh pe tujhe dhoondna
yahan har kisi se hii bair haii, tera shehr Qarya-e-ghaiR haii
yahan sehel b tu nahii koii, mere be-khabR tujhe dhoondna
terii yaad ayee tu ru dya, tu mil gaya, tujhe kho dya
mere silsilay b ajeeb hien tujhe chor k tujhe dhoondna
Posted in Urdu Poetry
