Hum ko kis ke gham ne mara – Ghulam Ali

ab koi aaye to kehna k “musaafir to gaya”

ho na duniya main koi hum sa bhi piyaasa logo
G main aati hay k p jaayn ye darya logo

kitni is sheher k sakhiyon ki suni thin baaten
hum jo aaye to kisi ne bhi na poocha logo

itifaaqan hi sahi par koi dar to khulta
jhilmilaata pas e chilman koi saaya logo

sab k sab mast rahe apne nihaan khaanon main
koi kuch baat musaafir ki bhi sunta logo

hongay is sheher main kuch us k bhi parrhne waalay
yoon to ye shakhs bhi mash’hoor tha khaasa logo

phir wohi dasht wohi dasht ki tanhaaii hay
wehshat e dil ne kahin ka bhi na rakha logo

G ki G hi main rahi hasraten toofaanon ki
ye safeena to kinaare hi pe dooba logo

band hui jaati hain ,pasaaren paaon
neend c neend humen ab na utthana logo

aik hi shab hay taweel,itni taweel, itni taweel
apne ayyaam main amroz na farda logo

ab koi aaye to kehna k “musaafir to gaya”
ye bhi kehna k,bhala ab bhi na jaata logo

Mujhey to Warta-e-hairaat Mein dal daita hai

Mujhey to Warta-e-hairaat Mein dal daita hai
Woh Baat Baat Par Apni Misaal daita hai

Koii Bhi Naqsh Bana’oun Us Kii Shakal Baney
Woh Merii Fiker ko kaisa Khyaal daita hai

Woh mumtahin hai mohabbat K Sakhat Parchey Ka
Har Imtehaan Mein mushkil Sawal daita hai

Bicharney lagta hai to mujh ko Aisa lagta hai
Badan Sey jaisey, rooh Ko NiKaal daita hai

Jaffa Ka Apni Usey Is Qadar Khyaal to hai
Laga Key Teer Nishaney Par dhaal daita hai

Main Mangta hon Waffa Ka Silla Faqt Us Sey
Jo Roz-o-Shab Ko Arooj o Zawaal daita hai

Bohet Sahey Gham-e-doraan Magar Suno Ehsaas
KHUDA Karey Sey Karra Waqt Taal daita hai

Mujhay tum yaad Aatay ho……..

Mujhay tum yaad Aatay ho……..
kisi sunsan sapnay may chupee khawahish ke hidat may
kisi musrofiat kay moor par
Tanhai kay sehraaoon may
ya phir kisi anjan beemare ke shidat may
mujhay tum yaad atay ho………..
kisi bicharay huay ki chasm purnam kay nazaray par
kisi beetay huay din ke thakan ke Ooat say
ya phir tumharay zikrr may guzare hue shab kay isharay par
kisi bastee ke baronaq sarak par
Aur kisi darya , kisi veeran jungle kay kinaaray par
mujhay tum yaad aatay ho…………….
maire chup kay kuwain may
aarzooyon kay badan jab tairtay hain
aur kinaray say koi bolay
to lagta hai ajal awaz dayte hai
maire baichainiyon may jab tumhare tundkho ranjish khatakte hai
tumhare bedoore sulagtee hai
ya phir jab maire ankhon kay sehra may
tumhare yaad ke tasveer jaltee hai, judai haat maltee hai
mujhay tum yaad atay ho…………..
mujhay tum yaad atay ho…………..
muqadar kay sitaroon par
zamano kay isharoon par
udasee kay kinaron par
kabhe veeran shehroon may
kabhe sunsaan rastoon par
kabhe hairaan ankhon may
kabhe bayjaan lamhoon par
mujhay tum yaad atay ho……….
suhaane shaam ho koi
kahen badnaam ho koi
bhalay gulfam ho koi
kisee kay naam ho koi
mujhay tum yaad atay ho………
kahen barish baras jaey
kahen sehra taras jaey
kahen kaalee ghata utray
kahen bad-e-saba tehray
tumharay aur mairay darmiyan Aakay Khuda tehray
to , maire zindage kay awal-o-akhir
tum is lamhay
khuda kay bad Aatay ho………..
mujhay tum yaad atay ho………..

Farhat Abbas Shah

abhe zid na kr dil-e-baykhabar

abhe zid na kr dil-e-baykhabar
k pas-e-hajom-e-sitam giran
abhe kon tujhsy wafa karay?
abhe kiss ko fursatain iss qadr
k smait kar teri kirchian
teray haq main khud say dua karay
abeh zid nakr dil-e-baykhabar
k tah-e-ghubar-e-gham-e-jahan
khan khoo gaye teray chara gr?
keh rah-e-hayat main raygan
kahan so gaye teray humsafar?
abhe ghumgusaron ke chaut seh
abhe khuch na sunn..Abhe kuch na kh
abhe zid an kar mairay baynawa
Abhe ho skay to sakhe mairay
sabhe kahwab rakh main dafn kar
abhe hoskay to yeh soch lai
k talo-e-ashq say paishtar
khen dard hai to hua karay
koi chot hai to khela kary
kbhi yun bhe ho ke sar-e-ufaq
teary dukh ka chand damak uthay
koi tees khudsay chamak uthay
kisse shr-e-zakhm farosh main
koi zakhm khudsay khreed kar
sabhe aks khud sya khurach kabhe
kise ayne pai an deed kar
KABHE YUN BHE JASHN-E-TARAB MANA
KABHE ISS TERHA SAY BHE “EID”KAR”

خداوندا تری مرضی

خداوندا تری مرضی
تو جو بھی امتحاں لے لے
نہیں ہم جانتے جن کو
انھی کا ہمسفر کردے
جو اس جیون سے پیارے ہوں
انھیں ہم سے جدا کر دے
تری مرضی خداوندا!
تو چاہے آگ پانی ہو
تو چاہے برف جلتی ہو
تو چاہے پھول چبھتے ہوں
تو چاہے خار خوشبو دیں
جسے چاہے بتا دے تو
محبت کس کو کہتے ہیں
جسے چاہے سکھا دے تو
عبادت کس کو کہتے ہیں
جسے چاہے ملا دے تو
جسے چاہے جدا کر دے
وہ جس نے غم نہ دیکھے ہوں
اسے غم آشنا کر دے
تری مرضی تو بن مانگے
سبھی کچھ ہی عطا کر دے
تری مرضی خداوندا
تو چاہے سب فنا کر دے
خداوندا تری مرضی
تو جو بھی امتحاں لے لے
ہمیں جس حال میں رکھے
فقط اتنی گذارش ہے
توجو بھی امتحاں لینا
ہمیں بس سرخرو کرنا

moti nahi hon rait ka zarra to main b hon

moti nahi hon rait ka zarra to main b hon
dariya tere wajood ka hissa to main b hon

ae qehqahe bakherne waale tu khush b hai?
hansne ki baat chor k hansta to main b hon

mujh aur us main sirf muqaddar ka farq hai
werna wo shakhas jitna hai,utna to main b hon

us ki to soch duniya main jis ka koi nahi
tu kis liye udaas hai tera to main b hon

aik aik ker k doobte taare sujha gaye
mujh ko b doobna hai,sitara to main b hon

ik aaine main dekh ke aaya hai ye khiyal
main kyoun na is se keh don k tuj sa to main b hon

Udaas RaatOn Mein Dil Kii BaStii Mein Aa Key Dekho

Udaas RaatOn Mein Dil Kii BaStii Mein Aa Key Dekho
Har Aik RaSta , Har Ik DaReeCha
tUmhari Aahat Ka mUntazir hAi
Flaq Sey Takta hAi Chaand tUm Ko Sitaarey tUm Ko bUla Rhey hAin
tUmharii Aamad Key mUntzir hAin
Magar Suna hAi K
tUm Ney Meri mOhabbatOn Ko bhUlla Diya hAi?
Waffa Kii Lou kO bUjha Diya hAi
Agar Yeh Sach hAi tO Phir Batao
tUmhari AankhOn Key Yeh JaZeeray
Brang SehRa Udaas kyOun hAin
gUlaab Chehrey Key Rang Mein Shamil
UdaaSiyOn Key Haraas kyOun hAin
tUmharey Sheerien LabOun Pey LarZaa’n
mOhabbatOun Kii Yeh Pyaas kyOun hAi
mUjhey YaQeen hAi tUmharey Dil Mein
Gye DinOun Key Khyaal hAin Kuch
Naye Saffar Key Malaal hAin Kuch
Naii RUtOun Key Sawaal hAin Kuch
Agar Yeh Sach hAi
tO Meri ManO
PuRaaney RaStey Pey lOat Aao
PuRaanii BaStii Mein kOii Ab Tak
tUmharii Aamad Ka mUntazir hAi
tUmharii Chahat Ka mUntazir hAi

wo aik zakham key har lamha taaza taaza rha

wo aik yaad key har lamha zehan mein jaagii
wo aik zikar key lehjey bhi hum badal na sakey

wo aik naam key jis naam ko na bhooley kabhii
wo aik raah key jis sey kabhi nikal na sakey

wo aik zakham key har lamha taaza taaza rha
wo aik dard key jis sey kabhii sanbhal na sakey

wo eik shakhs key har raah mein jisey dhoonda
jo saath saath kabhii do qadam bhi chal na sakey

yeh sochta hon nazar us kii kya karon “aadil”
key jaan bhi doon to mera hosla nikal na sakey

koii bhi dukh na milla phir teray malal key baad

gham e firaaq sey pehlay shab e visaal key baad
hai aur kya jisay dekhien teray jamaal key baad

tamam umr katti intezar mein apnii
koii bhi dukh na milla phir teray malal key baad

jawaab mil gya mujhey teri khamoshi sey
tumharey lafz kyoun khoye meray sawaal key baad

tumharey meray ta’aluq pey youn khizaa’n chaii
kbhii urooj nahii hai jisay zawaal key baad

main teri yaad key chehray ko dhaanp doon lekin
bachay ga kya meri jhoulii mein is kamaal key baad

wo ab kii baar milla is qadar takaluf sey
k kuch bhii na pooch paya main us sey haal key baad

~ Main Us Ko Bhool Kar Buhat Khush Hoon~

haqeeqat hai yaqeen kar lo main us ko bhool kar khush hon
mohabbat mar chukki hai ab main us ko bhool kar khush hon

badaltii rutt kii wajah sey tabiyet kuch bojhal sii hai
youn mera haal na poocho main us ko bhool kar khush hon

meray lehjey par mat chonko merii aankhoun mein mat jhanko
youn khairat sey na dekho main us ko bhool kar khush hon

tumhien kya weham hai kyoun raat bhar milney nahi aatien?
aey meri neend kii pariyo main us ko bhool kar khush hon

bhala kyoun roz bahaien aansoo kyoun mujh sey milney aatii hain
tum us kii yaad sey keh do main us ko bhool kar khush hon

udaasii sarey ghar mein phailtii jatii hai gham ban kar
har dewaar par likh do main us ko bhool kar khush hon

Batao Dil Kii Baazi Mein Bhalla Kya Baat GehRii Thii

Batao Dil Kii Baazi Mein Bhalla Kya Baat GehRii Thii
Kaha yOun tO Sabhi Kuch Theak Tha Par Maat GehRii Thii

Suno Barish , Kabhi KhUd Sey Bhi Bhar Kar kOii Dekha hAi
Jawab Aaya Un AanhOun Kii Magar BarSaat GehRii Thii

Suno “Pee” tUm Ney hOley Sey Kha Tha Kya, Batao Gey?
Jawab Aaya Kaha tO Tha Magar wO Baat GehRii Thii

Deya Dil Ka Sumandar Us Ney tUm Ney Kya Kiya Us Ka?
hUmien bUs dOob jAna Tha K wO SOghaat GehRii Thii

Waffa Ka DaSht Kaisa Tha Batao tUm Pey Kya Beetii
Bhatak jAna Hii Tha hUm Ko Whan Par Raat GehRii Thii

tUm Us Key Zikar Par kyOun dOobey jAtey hO KhyaalOn Mein
Rafaqat Aur Adawat Apnii Us Key Saath GehRii Thii

Nazar Aaya tUmhien Us Ajnabii Mein Kya, Batao Gey ?
SunO Qaatil NigaahOn Kii wO Zalim Ghaat GehRii Thii

misaal-e-parah jigar beqaraar rehta hey

misaal-e-parah jigar beqaraar rehta hey
ghuzaaR leta hoon shab din ka baar rehta hai

kisi ka yooN to hua kauN umar bhar phir bhi
mujhe kyuN ab bhi tera intzaar rahta hai

ya janti hooN maiN tu to wafa shanas nahiN
gila mujhe phir bhi hazaar rahta hai

subha phir maiN ne rukh-e-laala pe nami paayi
koi to mere liye ashk-baar rahta hai

sambhal sambhal ke uthao qadam bahaar aayi
chamaN bhi in dinoN kuchh khaardar rehta hai

tu paas ho na ho mere magar hama waqt
meri dua ka terey gird hisaar rehta hai

yeh aarzoo hey meri ik dafa tu keh dey zara
k is sheher mein koyi jaan nisar rehta hai

Apne Haatho Se Yun Chehre Ko Chupate Q Ho,

Apne Haatho Se Yun Chehre Ko Chupate Q Ho,
Mujh Se Sharmate Ho To Saamne Atay Q Ho…

Tum Kabhi Mere Tarha Kar Bhi Lo Ikraar-e-Wafa,
Pyar Karte Ho To Phir Pyar Chupate Q Ho…

Ashq Aankho Mein Mere Dekh K Rote Q Ho,
Dil Bhar Aata Hai To Phir Dil Ko Dukhate Q Ho…

In Se Vaabasta Hai Jab Mera Muqadar Phir ….!!!
Mere Shano Se Ye Zulf Hatatay Q Ho……!!

Roz Mar Mar K Mujhe Jeenay Ko Kehte Q Ho,
Milne Aatay Ho To Phir Laut K Jatay Q Ho…

Apne Haatho Se Yun Chehre Ko Chupate Q Ho,
Mujh Se Sharmate Ho To Saamne Atay Q Ho…

Wo pass tha to mujhay manzilain dikhata tha

Wo pass tha to mujhay manzilain dikhata tha
Juda hoa to wo khud rastay say bhataka tha

Main chal raha hoon mager rastay nahi simattay
Yay hadsa bhi meri zindgi main hona tha

Wo bheer thi k nazer say nazer na milti thi
Hujoom – e – shehr main her admi akela tha

Taras raha hai ab ek boond ki enayat ko
Wo admi jo samandr ki teh main rehta tha

Ghalat keh is kay yahan aag bhi na jalti thi
Ghalat keh sara dhooa’n meray gher say nikla tha

Chalo kay gir hi gai hai apnay boojh say deewar
Chalo keh sirf isi baat ka to jhagra tha

” Wasif Ali Wasif “

pyar key samandar mein bhaid bhaid rehta hai

pyar key samandar mein har utarney walley ko
kashtiyaan nahi milltien
door door tak janaa dhoop key musaafir par
saayebaan nahii khultey
is ajab samandar mein umar bhar kii ryaazat key
baad hum ney jana hai
jis trah fizaaon mein urney waley panchii par
bars ha bars mein bhii aasmaan nahi khultey
hijjr e be-karaan mein bhii bhaid bhaid rehta hai
raazdaan nahi miltey
baam o dar nahii khultey
har utarney walley ko kashtiyaan nahii miltien
aur mil bhi jaien to
badbaan nahii khultey
pyar key samandar mein bhaid bhaid rehta hai

Kabhi ye aaNkheiN udaas ho kar bheeg jaaein to laot aana

Kabhi ye aaNkheiN udaas ho kar bheeg jaaein to laot aana
Zard december ki sard shaameiN agar sataaeiN to laot aana

Hum issi jaga par roz aa kar tumhaara rasta takaa kareiN gey
Tumhey naey shehar ki nai hawaeiN raas na aaeiN to lout aana

Kisi ki baateiN buri lageiN to suno wahan pay zara na rukna
Kisi ki aaNkheiN agar tumhaari haNsi urraaeiN to lout aana

Naey sapney lageiN na apney to puraney sapney paas rakhna
Par dooryoN ki taveel raateiN har roz jagaaeiN to lout aana

Mehak ki rut meiN behak ke humdum raastoN ko kho na dena
Wafa ke jugnoo jab bhi tum ko sadaa lagaaeiN to lout aana

BaadloN meiN ghir gaey to hamaari yadeiN tang kareiN gii
Jab baarishoN ke shareer mosam dil jalaaeiN to lout aana

Naey dinoN ki nai khushbo bohat mubaarak ho tum ko lekiN
Gaey dinoN ki puraani yaadeiN lahu rulaaeiN to lout aana

Jisam aur rooh ka ajeeb rishta najaaney kis dum toot jaey
Suno tumheiN hum ake pal ko kabhi bulaeiN to lout aana!

meray KhwabOun k gUlShan main khizaaien raqs Karti hAin

meray KhwabOun k gUlShan main khizaaien raqs Karti hAin
meray hOntOun Kii Larzih main waffaien raqs karti hAin

mUjhey Wo Laakh Tarpaye Magar Us Shakhs Ki Khatir
meray Dil Key AndairOun Mein dUaien Raqs Karti hAin

usey Kehna K lOut aaye sUlagti shaam sey pehley
kisi Ki KhUshk aankhOun mein sadaien raqs karti hAin

nikalta hAi parii chehra kabhi jAb raat ko yaro
andhairey tOot jAtey hAin ziyaaien raqs karti hAin

utarta hOn kabhi Jab Bh KitaabOun k sumandar mein
kisi khwaabeeda chehray ki adaaien raqs karti hAin

KHUDA janey saad kaisi kaShiSh hAi teri yaadOun mein
main tera zikar karOn tO hawaien raqs kartii hAin

tum sey kehna tha k ab aankh mein aansoo bhe nahien

tum sey be-rangii e hasti ka gilla karna tha

dil pey anbaar hai khoo’n-gashta tamanoun ka

aaj tootay hoye taaroun ka khyaal aaya hai

eik mela hai preshan sii umeedoun ka

chand pas-murda baharoun ka khyaal aaaya hai

paaoun thak thak key reh jatay hain mayousii mein

pur-mahan raag-guzaroun ka khyaal aaya hai

saaqi o baada nahien jaam o lab e joo bhe nahien

tum sey kehna tha k ab aankh mein aansoo bhe nahien

Deewana Bana hAi To Deewana Bana Dey

Deewana Bana hAi To Deewana Bana Dey
Warna Kahien TaQdeer TamaSha Na Bana Dey

Aey Dekhnay Walo mUghe Hans Hans K Na Dekho
tUm Ko bhe mOhabbat Kahien mUgh Sa Na Bana Dey

Mein dhOond Rha hOun Meri Wo Shama Khaan hAi
Jo Bazm Kii Har Cheez Ko Parwana Bana Dey

Aakhir kOi SOorat Bhe To Ho Khana e Dil Kii
Ka’aba Nahien Banta hAi To bUt-Khana Bana Dey

‘BehZaad’ Har Eik jaam Pey Eik Sajda e MaStii
Har Zaray Ko Sang e Dar e Janaa’n Na Banay Dey

Muhabbat Dhund Main Lipti Hui Wadi Ka Mausam Hai

Muhabbat Dhund Main Lipti Hui Wadi Ka Mausam Hai
Chamakti Hai To Suraj Hai Barasti Hai To Rimjhim Hai

Muhabbat Naam Hai Kitne Musalsal Imtehanon Ka
Muhabbat Kar Nahin Sakta Ke Jis Main Hosla Kam Hai

Muhabbat Karne Walon Ko Sada Muskaan Milti Hai
Muhabbat Karne Walon Ki Zara Si Aankh Bhi Num Hai

Muhabbat Zindagi Main Zindagi Ka Eik Naghma Hai
Magar Yeh Maut Ki Dehleez Par Sadiyon Ka Matam Hai

Rat-Jagon Key Sehra Mein Khwaab Jab Ujar Jaien Tum Udaas Mat Hona

Rat-Jagon Key Sehra Mein Khwaab Jab Ujar Jaien Tum Udaas Mat Hona
Zindgii Key Mailey Mein Hum Agar Bicar Jaien Tum Udaas Mat Hona

Jin Pey Naam Likhey Hon Un Ujaar Shaakhon Par Kab Bahaar Aati Hai
Aarzoo Kii Tehnii Sey Jab Gulaab Jhar Jaien Tum Udaas Mat Hona

Jaan Kya Zaroorii Hai Dasht E Naarsaaiii Mein Eik Dua Bhi Poorii Ho
Hum Agar Rawaajon Kii Sooliyoun Pey Gar Jaien Tum Udaas Mat Hona

Waqt Eik Drinda Hai Aur Hum Sabhii Is Ki Dehshaton Kii Zad Mein Hain
Jab Yeh Be-Sakoon Lamhey Apni Zid Pey Arr Jaien Tum Udaas Mat Hona

Jabr Ki Fizaoun Mein Muskura Key Jii Laina Yeh Bhi Eik Ibadat Hai
Chahey Karb Key Saaye Meray Qad Sey Barh Jaien Tum Udaas Mat Hona

Kuch Bhi Ho Magar Apney Dilnasheen Tabasum Sey Zabt Ka Bharam Rakhna
Chahey Hum Bichar Jaien Kyoun Na Hum Ujar Jaien Tum Udaas Mat Hona

Yahaan Koii Aaiyena-Gar Nahi

Jisey Naaz Sheesha E Dil Pey Hai
Usey Shayed Is Kii Khabar Nahi
K Yeh Pathroun Ka Dyaar Hai
Yahaan Koii Aaiyena-Gar Nahi

Wo Musafir E Shab E Zeest Hon
K Kisi Ki Mujh Pey Nazar Nahi
Meray Raastey Kii Sehar To Hai
Meray Raastey Mein Sehar Nahii

Meray Saath Saath Ravaan To Hai
Koii Saya Sa Kisii Yaad Ka
Hai Wohii Shareek E Saffar Mera
Jo Mera Shareek E Saffar Nahii

Gham E Dil Tera Gham E Dil Sahii
Isey Kar Too Nazar E Gham E Jahaan
Wo Charagh Koii Charagh Hai
Jo Charagh E Raah E Guzar Nahi

Yeh Shameem E Ishq Kii Be-Dilli
Yeh Hyaat E Fan Kii Udaasiyaan
Merey Shehar E Gham Mein Hai Kon Sii
Wo Galli Jo Khaak Basar Nahi

Main Kisi Key Husn Kii Dil-Kashii
Jo Byaan Karoon To Bhi Kis Trah
K Nazar Key Pass Zubaan Nahii
To Zubaan Key Pass Nazar Nahi

Yeh Dyaar E Ghaflat E Shouq Hai
Na Humarey Saath Chaley Koii
K Guzar Rhien Hain Whaan Sey Hum
Jhaan Khud Humarii Guzar Nahii

Na Shameem Ghuncha E Dil Khilla
Na Milli Hyaat Ko Roshnii
Yeh Sehar To Aur Kisii Kii Hai
Yeh Sehar Humarii Sehar Nahii

Dewaney Mukamil Khat Nahi Likhtey

Usey Main Ney Hii Likha Tha
K Lehjay Barf Ho Jaien To Phir
Pighla Nahi Kartey
Prindey Dar Key Urr Jaien To Phir
Louta Nahi Kartey
Usey Main Ney Hii Likha Tha
Yaqeen Uth Jaye To Shayed Kabhi
Wapis Nahi Aata
Hawaon Ka Koii Toofaan Kabhi
Barish Nahi Lata
Usey Main Ney Hii Likha Tha
K Sheesha Toot Jaye To Kabhi
Phir Jurr Nahi Pata
Jo Rastey Sey Plat Jaye Wo
Wapis Mur Nahi Pata
Usey Kehna K
Wo Be-Ma’anii Adhoora Khat Usey
Main Ney Hii Likha Tha
Usey Kehna K
Dewaney Mukamil Khat Nahi Likhtey

Meri Muhabbat

Meri Muhabbat
Ayaan Nahi Hay
Na Kuch Kahoon To Yeh Mat Samajhna
Ke Tum Ko Main Chahta Nahi Hoon
Magar Kisi Se Kaha Nahi Hay
Kabhi Kisi Se Nahi Kahoon Ga
Khamoshion Ki Zuban Ka Qayal
Main Chup Rahoon Ga
Bas Ek Rasta
Nazar Ka Rasta
Khula Rahe Ga
Agar Nigahon Ki Bat Samjhoo
To Yeh Samajhna
Ke Chahtoon Ka Mukaan Hay Dil Main
Meri Muhabbat Nihaan Hay Dil Main

mujhay hayratooN say hai wasta meray dil ka qisa ajeeb hai

mujhay hayratooN say hai wasta meray dil ka qisa ajeeb hai
jo visaal ruut main bichar gaya woh tu jaan say bhi qareeb hai

mujhay hosh tha tu khbar na thi maiN jano’n maiN tha tu pata chala
woh jo meray dil ka makeeN hai wohi jism-o-jaaN ka haseeb hai

tujhay janta bhi nahi koi mera haraf haraf hai mu’etbaR
tujhay zar mila mujhay shuhratiN ye bhi apna apna naseeb hai

mujhay kon tuj se raha’ee day mujhay apna ap dekha’ee day
meray dil maiN ab bhi ghari huiwe teri arzoo ki saleeb hai

main mohbatoo’n ka safeer hoon mera kaam khushbo bakhairna
nahi is say koi bhi muamla k woh door hai ya qareeb hai

mujhay zinghi maiN sakooN milay yehi arzoo hai meray Khuda
mujhay teeraghi se najat day k tu roshni ka naqeeb hai

Hum Wo Be-Dard Hain

Hum Wo Be-Dard Hain
Khwaab Ganwa Kar Bhi
Jinhien Neend Aa Jatii Hai
Soch Soch Kar Bhi Jin Key
Zehnoun Ko Kuch Nahi Hota
Toot Phoot Kar Bhi Jin Key Dil
Dharakna Yaad Rakhtey Hain
Hum Wo Be-Dard Hain
K Jin Key Aansoo Aankhoun Ka Rasta Bhool Jatey Hain
Toot Kar Roney Kii Khwaahish Mein Jo
Baat Bey Baat Muskuratey Hain
Shaam Sey Pehley Mar Janey Kii Khwaahish Mein
Jo Jeetay Hain
Aur Jeetay Hii Chaley Jatey Hain

Aitbaar Tootey To

Aitbaar Tootey To
Wo Bhi Aisey Logoun Par
Jin Ko Apna Hum Jaanien
Jab Bhi Gham Sey Bojhal Hon
Un Ko Meharbaa’n Maanien

Aitbaar Tootey To
Aisay Zakhm Miltey Hain
Jo Kabhi Nahi Bhartey
Meharbaan Saaye Jab
Hum Sey Rooth Jaien To
Aisi Dhoop Miltii Hai
Jis Mein Rooh Jaltii Hai

Aitbaar Tootey To
Dil Key Aaiyenay Jo Hain
Wo Bhi Toot Jatey Hain
Wo Jo Aks Apnay Hon
Wo Bhi Rooth Jatey Hain

Aitbaar Tootey To
Aisay Zakham Miltey Hain
Aisi Dhoop Miltii Hai
Aisey Aks Khotey Hain
Log Hans Bhi Lien Shayed
Dil Hamesha Rotey Hain

Aitbaar Tootey To

Kaho To Lout Jatey Hain

Kaho To Lout Jatey Hain
Abhi To Baat Lamhoun Tak Hai Saaloun Tak Nahi Aaii
Abhi Muskanoun Kii Nobat Bhi Na’alOun Tak Nahi Aaii
Abhi To Koii Majboorii Khyaloun Tak Nahi Aaii
Abhi To Gard Pairoun Tak Hai Baaloun Tak Nahi Aaii

Kaho To Lout Jatey Hain
Chalo Eik Faisla Karney Shajar Kii Oor Jatey Hain

Abhi Kajal Kii Dourii Surkh Galoun Tak Nahi Aaii
Zubaan Dantoun Talak Hai Zehar Pyaloun Tak Nahi Aaii
Abhi To Mushk E Kastoorii Ghazaloun Tak Nahi Aaii
Abhi Roodad E Be-Unwaan Humarey Darmiyaan Hai
Dunya Walloun Ta Nahi Aii
Kaho To Lout Jatey Hain

Abhi Nazdeek Hain Ghar Aur Manzil Door Hai Apni
Mabada Naar Ho Jaye Yeh Hastii Noor Hai Apni
Kho To Lout Jatey Hain

Yeh Rasta Pyar Ka Rasta
Rasan Ka Daar Ka Rasta
Bohet Dushwaar Hai Janaa
K Is Rastey Ka Har Zara Bhi Eik Kohsaar Hai Janaa
Kho To Lout Jatey Hain

Meray Barey Na Kuch Socho
Mujhey To Sath Tumharey Amer Honey Kii Hasrat Hai
Mujhey Teh Karna Aata Hai Rasan Ka Daar Ka Rasta
Yeh Aasiboun Bhara Rasta Yeh Andhi Khaar Ka Rasta

Tumhara Narm O Nazuk Haath Ho Agar Meray Hathoun Mein
To Main Samjhon K Jaisey Do Jhaan Hain Meri Muthii Mein
Tumhara Kurb Ho To Mushkilien Kafoor Ho Jaien
Yeh Andhay Aur Kaaley Raastey Pur-Noor Ho Jaien
Tumharey Gaisooun Kii Chaoun Mil Jaye To Sooraj Sey Ulajhna Baat Hii Kya Hai
Utha Lo Apna Saya To Meri Ooqaat Hii Kya Hai
Mujhey Maloom Hai Itna K Daiyem Zindgii Posheeda Hai In Chaar Qadmoun Mein
Bohet Sii Raahatien Muzmir Hain In Duswaar Rastoun Mein

Meray Barey Na Kuch Socho
Tum Apni Baat Batlao
Kho To Chaltey Rehtey Hain
Kaho To Lout Jatey Hain

Saans lena bhi kasi aadath hai

Saans lena bhi kasi aadath hai
jiye jana bhi kiya riwayat hai
koi aahat nahi badan main kahin
koi saaya nahi hai aankhoon main
paaoon behis hain chale jate hain
ik safar hai jo behta rehta hai
kitne barsoon se, kitni sadiyoon se
jiye jate hain, jiye jate hain
Aadataain bhi ajeeb hoti hain

Iss dil main salamat hai ab tak

Kamzoori

Mat Pooch Yeh Mujh Sey dOst Meray

Kyou Shaam Dhalay In AankhOun Mein

Be Naam Si Eik Udaasi Ki

GhanghOur Ghataien Rehti Hain

Kyou Be Khud Ho Kar Is Lamhay

Dhalta Hua SOoraj Takta Hon

AankhOn Mein KiSsi Ka Aks Leye

Kyou Band Kitabien Takta hOn

Mat POch Yeh Waqat Hi Aisa Hai

Mughe Dil Par Zour Nhe Rehta

Mein Lakh Chupata hOn Lekin

AshkOun Ko Rok Nhe Sakta

Eik Qarz Chukanay Ki Khatir

Yeh Kuch LamhOun Ki Chori Hai

Bus yOun Hi Smagh Ley Yaar Meray

Yeh Shaam Meri Kamzorii Hai

Mujh ko maloom nahin hijar ke qatil lamhay

Mujh ko maloom nahin hijar ke qatil lamhay

Tu ne kis aag main jal jal k guzaray hon ge

kabhi lafzoon main thakan tu ne samaiti ho gi

kabhi kaghaz pe faqat ashk utaray hon ge

ye bhi mumkin hai ke guzra huwa lamha lamha

jis ko main aaj bhi seenay se laga rakhta hoon

teray nazdeek faqat yaad ki parchai ho

duur ki jaisay teri iss se shanasai ho

jis tarah dhoop december ki dareechay se lagi

be irada kahin angan main utar aai ho

jaisay mehfil main kisi shakhs ki tanhai ho

Atif Saeed

Sar E Taaq E Jaan Na Charagh Hai Pas E Baam E Shab Na Sehar Koii

Sar E Taaq E Jaan Na Charagh Hai Pas E Baam E Shab Na Sehar Koii
Ajab Eik Arsa E Daraz Hai Na Gumaan Hai Na Khabar Koii

Nahi Ab To Koii Malal Bhi ,, Kisi Wapsi Ka Khyaal Bhi
Gham E Be-Kassi Ney Mitta Diya Meray Dil Mein Tha Bhi Agar Koii

Tujhey Kya Khabar K Raat Bhar Tujhey Dekh Paney Ko Eik Nazar
Raha Sath Chaand Key Muntazir Teri Khirkiyoun Sey Udhar Koii

Sar E Shakh E Jaan Teray Naam Ka Ajab Eik Taza Gulaab Tha
Jisey Aandhiyoun Sey Khatar Na Tha Jisey Tha Khizaan Ka Na Dar Koii

Teri Be-Rukhii Key Diyaar Mein Ghanii Teergii Key Hisaar Mein
Jalay Kis Trah Sey Charagh E Jaan Karay Kis Traf Ko Saffar Koii

Katay Waqt Chahey Azaab Mein Kisi Khwaab Mein Ya Saraab Mein
Jo Nazar Sey Door Nikal Gya Usey Yaad Karta Hai Har Koii

Sar E Bazm Jitney Charagh They Wo Tamam Ramz Shanaas They
Teri Chashm E Khush Key Lehaaz Sey Nahii Bolta Tha Magar Koii

ruko nahiiN ki abhii aasmaan baaqii hai

safar tamaam huaa aour zahaan baaqii hai
ruko nahiiN ki abhii aasmaan baaqii hai

chalo miTaa diye saare nishaan-e-paa toone
bayaaz-e-dil pe ye kaisaa nishaan baaqii hai

karam kare na kare aour sadaa sune na sune
yaqiin khatm huaa ab gumaan baaqii hai

pahaaRh, abr, sitaara, kali, hawaa, Khushboo
hai kaun jiskaa ye tarz-e-bayaan baaqii hai

mire badan meN makiiN hai abhii terii Khushboo
makaaN ke saath abhii laamakaan baaqii hai

suKhan ke TooT chuke uss’se silsile saare
bas ek raNjish-e-lab, darmiyaan baaqii hai

na chhat rahii na chhatnaar, fir bhii kahte ho
falak ka sar pe abhii saaybaan baaqii hai

abhii se jaane lage ho zaraa Thahar jaao
abhii pahaaRh si ye daastaan baaqii hai

takaan naam isii kaifiyat ka hai shaayad
lahoo badan meN nahiiN aour jaan baaqii hai

vazeer aagha

Tere firaaq k lamhe shumaar karte hoe

Tere firaaq k lamhe shumaar karte hoe
bikhar gae hain tera intezaar karte hoe.

Tou main bhi khush hoon koi us se ja k keh dena
agar wo khush hai mujhe beqaraar karte hoe.

Main muskurata hoa aaine main ubhroonga
wo ro paregi aachanak singhar karte hoe.

Tumhain khabar hi nahi hai koi toot gaya
mohabbaton ko bohat paaedaar karte hoe

Wo keh rahi thi samandar nahi hai aankahin meri
main un main doob gaya aaitbaar karte hoe.

kabhi jo fursat mile to

kabhi jo fursat mile to
dil k tamam berabt khawab likhoonn
teri aada se ghazal tarashoon
tere badan per kitaab likhoonn
meray shab-o-roz raaigaa’n khawaishoon ki
matti se aat gae hain
main kis warq per gae dinoon ki
mushaqqatoon ka hisab likhoon
bichar kar tujh se wo kon hai
k jis k naam kar doon
har asasa
main kyun koi nazm keh k soochon k
main kis liye intesaab likhoon……………

gaye dinon mein muhabbat mizaj us ka tha…

gaye dinon mein muhabbat mizaj us ka tha…
magar kuchh aur hi andaaz aaj us ka tha…

woh shehar-e-yaar jab aqleem hurf mein aaya…
to mere dast-e-nagar takht-o-taaj us ka tha…

mein kiya bataoon ke kion us ne bewafayi ki…
magar yehi ke kuchh aisa mizaj us ka tha…

humein bhi dukh hai dil-e-zinda dil ke marne ka…
kisi ke paas magar kab ilaaj us ka tha.

Ager Woh Meherbaan Hota……………

ger Woh Meherbaan Hota !
To Meri Aankh Main Na Jhilmilati Yeah Nami Hoti
Na Meray Dil Ki Wadi Main Khizaan Ka Qafla Rukta

Ager Woh Meherbaan Hota !
Meri Bay Noor Aankhoon Main Sitaray Qaid Ker Daita
Meri Zakhmi Hathayli Pay Woh Koi Phool Dhur Daita
Meray Hathoon Ko Apnay Haath Main Lay Ker

….Woh Yeah Kehta….
Mohabbat ,Roshni Hai ,Rang Hai ,Khushboo , Sitara Hai
Qasam Mujh Ko Mohabbat Ki !
Mujhay Tu Sab Say Pyara Hai
Mager Woh Aaisa Tab Kehta

Ager Woh Meherbaan Hota……………

Bicharney Wallon Ko Rok Laina

Mohabbatoun Key Saffar Mein Koii
Judaiyoun Ka Jo Lamha Aaye
To Chahtoun Key Safeer Logo
Bicharney Walloun Ko Rok Laina
Wo Laakh Tum Ko Naii Rutoun Key
Haseen Lamhien Bantien
Judaiyoun Key Siyaah Rastoun Sey
Wapsii Ka Sarab Baantien
To Un Kii Baatoun
Haseen Wadoun Ka Dam Na Bharna
Yaqeen Na Karna
K Wapsii Kii Taveel Musafatoun Sey Palat Key Aana
Bohet Kathin Hai
Koii Agar Lotna Bhi Chahey
To Beetay Lamhoun Kii Taiz Aandhii
Tamam Vadoun Kii Roshnii Cheen Kar
Andhairoun Ko Baant-Ti Hai
Kisi Ki Aankhoun Key Manzaroun Sey
Waffa Rangoun Key Khatam Honey Ka
Khouf Bhi Dil Ko Rokta Hai
Aur Is Trah Faasloun Mein Khoye Hoye Kabhi Bhi Nahi Palat-Tey
Judaiyoun Key Raastoun Mein Muntazir Log Apney Apney Diye Jalaye
Bas Eik Rastey Ko Dekhtey Hain
Naii Rutoun Key Haseen Lamhoun Key
Khwaab Aankhoun Mein Toot-Tey Hain
Bicharney Waley Judaii Key Rastoun Mein Baithey
Bikhartey Khwaboun Ki Kirchiyoun Ko Samait-Tey Hain
Bicharney Walo Agar Na Tum Ko Yaqeen Aaye
To Meri Aankhoun Mein Raiza Raiza
Bikhartey Khwaboun Ko Dekh Laina
Jinhien Chahon Samaitna Bhii To Meray Bas Mein Wo Ab Nahi Hai
To Roshnii Key Safeer Logo
Bicharney Wallon Ko Rok Laina

Aey Taiz Hawa Naraz Na Ho

Is Dil Mein Slamat Hai Ab Tak
Wo Shokhii E Lab Wo Harf E Waffa
Wo Naqsh E Qadam
Wo Aks E Hinna
Sou Bar Jisey Chooma Main Ney
Sou Parastish Kii Jis Kii
Is Dil Mein Slamat Hai Ab Tak
Wo Gard O Alam
Wo Deeda E Num
Hum Jis Mein Chupa Kar Rakhtey They
Tasveer Bikhartii Yadoun Kii
Zanjeer Pighaltey Vadoun Kii
Poonjii Nakam Iradaoun Kii
Aey Taiz Hawa Naraz Na Ho
Is Dil Mein Slamat Hai Ab Tak
Samaan Bichartii Sa’at Ka
Kuch Tukrey Garm Dopehroun Key
Kuch Raizey Narm Sawaloun Key
Kuch Dar Anmoun Khyaloun Key
Eik Sacha Roop Haqeeqat Ka
Eik Jhoota Lafz Mohabbat Ka

Aey Taiz Hawa Naraz Na Ho

sakooN-e-jaaN ke lee’ye ab maiN duaa kaise kaRooN

sakooN-e-jaaN ke lee’ye ab maiN duaa kaise kaRooN
dard jab tu ne dee’ya hai to gilaa kaise karooN

aksaR lauTaa huun manzil se yahi soch k maiN
ab muqammal ye safar teRe binaa kaise kaRooN

meRe she’roN meiN ye asaR kahaaN tha pehle
karz maiN teri jafaaon ka adaa kaise karooN

zindagi bhaR ki wafaaoN ka silaa hai yaaro
dil-e-barbaad k zaKhmoN ki davaa kaise kaRooN

thi koi mere hi haaThon ki lakeeRoN meiN kamii
apni taqdeeR ka ab tuj se gilaa kaise karooN

meRi nas-nas meiN basaa hai jo lahuu baN k Dost
uski yaadoN se kinaaRa maiN bhalaa kaise kaRooN

ab munaasib hai yahi usko bhulaa duuN maiN
haaN magaR phuul ko khushbuu se judaa kaise kaRooN

kabhii yuu.N bhii aa merii aa.Nkh me.n ke merii nazar ko Khabar na ho

kabhii yuu.N bhii aa merii aa.Nkh me.n ke merii nazar ko Khabar na ho
mujhe ek raat navaaz de magar uske baad sahar na ho

[navaaz - to grant]

vo ba.Daa rahiim-o-kariim hai mujhe ye sifat bhii ataa kare
tujhe bhuulane kii duaa karuu.N to duaa me.n merii asar na ho

[rahiim-o-kariim - kind & generous; sifat - talent]

mere baazuo.n me.n thakii thakii , abhii mahav-e-Khvaab hai chaa.Ndanii
na uThe sitaaro.n kii paalakii, abhii aahaTo.n kaa guzar na ho

ye Gazal ki jaise hiran kii aa.Nkho.n me.n pichhalii raat kii chaa.Ndanii
na bujhe Kharaabe kii roshanii, kabhii becharaaG ye ghar na ho

vo firaaq ho yaa visaal ho, terii yaad mahakegii ek din
vo gulaab ban ke khilegaa kyaa, jo chiraaG ban ke jalaa na ho

kabhii dhuup de, kabhii badaliyaa.N, dil-o-jaa.N se dono.n qubuul hai.n
magar us nagar me.n na qaid kar jahaa.N zindagii kii havaa na ho

kabhii din kii dhuup me.n jhuum ke kabhii shab ke phuul ko chuum ke
yuu.N hii saath saath chale.n sadaa kabhii Khatm apanaa safar na ho

[shab - night]

mere paas mere habiib aa zaraa aur dil ke qariib aa
tujhe dha.Dakano.n me.n basaa luu.N mai.n ke bichha.Dane kaa kabhii Dar na ho

[habiib - beloved]

Ajanabi Khauf fizaaon mein basaa ho jaisey

Ajanabi Khauf fizaaon mein basaa ho jaisey
Shehr kaa shehr hii aaseb_zadaa ho jaisey

Raat ke pichley pehar aatii hain aawaazein si
Duur saharaa mein koi cheeKh rahaa ho jaisey

Dar-o-deewaar pe chhaai hai udaasii aisi
Aaj har ghar se janaza-saa utha ho jaisey

Muskurata huN pa-e-Khaatir-e-ahabaab magar
Dukh to chehre ki lakiiron pe saja ho jaisey

Ab agar Doob gayaa bhi to maruuN gaa na ‘Kamaal’
Behtay paani pe meraa naam likhaa ho jaise

goongayy labo`N pe harf-e-tamanna kiye mujhe

goongayy labo`N pe harf-e-tamanna kiye mujhe
kis kor chashm-e-shab mein sitara kiya mujhe

jab harf-e-na-shanaaS yahan lafz-fehm hieN
kion zouQ-e-shaiR de k tamasha kiya mujhe

khushbo haii, chandnii haii, lab-e-jo haii aur mae
kis bay-panah raat mein tanha kiya mujhe

dii tashangii Khuda ne tu chashmayy bhii de deye
seenayy mein dasht, ankho`N mein darya diya mujhe

mae yuN tu sambhal gayii k terii bay-wafaii ne
bay-aetbariyo`N se shanasa kiya mujhe

wo apnii zaat mein kul Qainaat tha
duniya k har faraib se milwa deya mujhe

jo utar ke ziinaa-e-shaam se terii chashm-e-Khush me.n samaa gaye

jo utar ke ziinaa-e-shaam se terii chashm-e-Khush me.n samaa gaye
vahii jalate bujhate se mahar-o-maah mere baam-o-dar ko sajaa gaye

ye ajiib khel hai ishq kaa mai.n ne aap dekhaa ye mojezaa
vo jo lafz mere gumaa.N me.n the vo terii zubaa.N par aa gaye

vo jo giit tum ne sunaa nahii.n merii umr bhar kaa riyaaz thaa
mere dard kii thii daastaa.N jise tum ha.Nsii me.n u.Daa gaye

vo charaaG-e-jaa.N kabhii jis kii lau na kisii havaa se niguu.N hu_ii
terii bevafaa_ii ke vaasavaa use chupake chupake bujhaa gaye

vo thaa chaa.Nd shaam-e-visaal kaa ke thaa ruup tere jamaal kaa
merii ruuh se merii aa.Nkh tak kisii raushanii me.n nahaa gaye

ye jo bandagaan-e-niyaaz hai ye tamaam hai vo lash_karii
jinhe.n zindagii ne aman na dii to tere huzuur me.n aa gaye

terii beruKhii ke dayaar me.n mai.n havaa ke saath havaa huaa
tere aa_iine kii talaash me.n mere Khvaab cheharaa ga.Nvaa gaye

tere vaasavaao.n ke fishar me.n teraa sharar-e-rang uja.D gayaa
merii Khvaahisho.n ke Gubaar me.n mere maah-o-saal-e-vafaa gaye

vo ajiib phuul se lafz the tere ho.nTh jin se mahak uThe
mere dasht-e-Khvaab me.n duur tak ko_ii baaG jaise lagaa gaye

merii umr se na simaT sake mere dil me.n itane savaal the
tere paas jitane javaab the terii ik nigaah me.n aa gaye

——————
Amjad Islam Amjad

dil ki chokhat pe jo aik deep jala rakha hai

dil ki chokhat pe jo aik deep jala rakha hai
tere laut aanay ka amkaan saja rakha hai

saans tak bhi nahin letay hain tujhey sochtay waqt
hum ne is kaam ko bhi kal pey utha rakha hai

rooth jatay ho to kuch aur haseen lagtay ho
hum ne ye soch k hi tum ko khafa rakha hai

tum jissey rotha hua chor gaye they aik din
hum ne us shaam ko seenay se laga rakha hai

chain lenay nahin detey kissi taur mujhey
teri yaadon ne jo tofaan uthaa rakha hai

janay walay ne kaha tha k wo lautey ga zaroor
aik issi aa’ss pe derwaza khula rakha hai

terey janay se jo aik dhool uthi thi ghum ki
hum ne us dhool ko aankhon mein basa rakha hai

mujh ko kul shaam se wo yaad bohut anay laga
dil ne muddat se jo aik shakhs bhula rakha hai

aakhri baar jo aaya tha merey naam
mein ne us khat ko dil se laga rakha hai

Hadood-e-jan se guzar houa tu Muhabbaton ka pata chale ga

Hadood-e-jan se guzar houa tu Muhabbaton ka pata chale ga
Muhabbaton ki nazar houa tu Muhabbaton ka pata chale ga

Abhi tu phirte ho dostoon main aziz koi juda nahi hai,
Koi idher se udhar hoa tu Muhabbaton ka pata chale ga

Wo jis ki khatir zamane bhar ko bana rahe ho apna dushman
Wohi na apna agar houa tu muhabbaton ka pata chae ga

Ye kya bichaRna k shaam ko apno main loat aana
Kabhi jo lamba safar hua tu muhabbatoN ka pata chale ga

MeiN kai rutoN sey hooN dekhta ke tamaam rang heiN bujhey huwey

MeiN kai rutoN sey hooN dekhta ke tamaam rang heiN bujhey huwey
Ye ab ke khizaaN ko kya huwa kiuN meri nighaah meiN thehar gai

meiN kya bataaoN ke ab ki baar chaman ki haalat ajeeb thi
har phool maatam-sara mila meri jahaN jahaN bhi nazar gai

ye kon jaaney ke kya huwa meiN dhoond dhoond ke thak gaya
ke wo jo aek titli thi baagh meiN wo bhi naajaaey kidhar gai

abhi hey zara wo asar jisey meri zaat ney pooja kabhi magar
wo januN to kab ka khatam huwa wo soorat to dil sey utar gai

mujhey kis jurm ki saza mili ke meri rooh tak hey thaki hui
meiN apni jaga sey hilaa nahi meri saaNs phir bhi ukharr gai

ye chiraagh-e-jaaN bhi ajeeb hey ke jala huwa hey abhi talak
teri bewafaai ki aaNdhiyaaN to kabhi ki aa ke guzar gaeeN

merey aasmaaN ke haath meiN bas aek chaand tha aas ka
usey baadloN ney nigal liya to meri kaaeynaat hi ujarr gai

by
Amal

Ma’arika abb kay hua bhee tau phir aisaa hoga

Ma’arika abb kay hua bhee tau phir aisaa hoga
Teray dariya pay meri piyaas ka pehraa hoga

Uss ki aaNkhaiN teray chehray pay bahut bolti haiN
Us nay palkoN saY tera jism taraasha hoga

Kitnay jugnu issi khuwaahish pay meray saath chalaY
Koi rasta teray ghar ko bhee tau jaata hoga

Main bhee apnay ko bhulaaye huay phirta hun bahut
Aaina us nay bhi kuch roz na daikhaa hoga

Raat jal thal meri aankhoN maiN utar aaya thaa
Soorat-e-ab’r koi toot kay barsaa hoga

Ya masheehaayi ussay bhool gai hai *Mohsin*
Ya phir aisa hai–mera zakh’m hi gehra hoga

Mohsin Naqvi