kabhi qeh’qahoN ke wafoor meiN yuNhi ro parro to mujhey sochna

Wo mohabbateiN, wo rafaaqateiN, wo manzileiN, wo musafateiN
sar-e-raah-guzar usi morr par kabhi tum ruko to mujhey sochna

kabhi muqaddaroN sey shikayateiN to guf’tugu kabhi chaand sey
yuNhi jaag kar kabhi raat bhar gar subha karo to mujhey sochna

merey hum-safar tujhey kya khabar mujhey ghao kesey ajab miley
kabhi qeh’qahoN ke wafoor meiN yuNhi ro parro to mujhey sochna

By: Amal

Ajeeb Rastey Hain Zindgii Key

Ajeeb Rastey Hain Zindgii Key
Wo Jo Bahaar Ki Aabroo Tha
Hazaar Rangon Ki Justajoo Tha
Zamaney Bhar Mein Aziz Keh Kar
Mohabbaton Ka Ameen Keh Kar
Wo Jis Ko Poonam Ka Chaand Keh Kar Pukaartey They
Wo Khud-Fraibii Mein Kho Kar Apni Tamam Simton Ko Khud Hi Bhoola
Ab Us Key Chehrey Pey Ajnabiyet Hai
Us Kii Baaton Mein Dostii Key Azeem Bandhan Key Tootney Kii Ajab Khabar Hai

Ajeeb Rastey Hain Zindgii Key
K Hum Ney Jo Bhi Khyaal Dil Mein Sajaye Rakha
Wo Khwaab Ban Kar Bikhar Gye Hain
Sawaal Jism Aur Jaan Key Jo Bachaaye Rakhey
Jawaab Key Ab Bhi Muntazir Hain
Shikaayaton Ka Hisaab Hoga
Hum Apney Khoon Sey Likhien Gey Ab Eik Aisa Naghma
K Jis Ka Unwaan Saraab Hoga
Jo Zehan O Dil Key Sabhi Sahaaron Key Tootney Ki Kitaab Hoga
Waffa Mein Haarey Hoye Be-Chaaro

Ajeeb Rastey Hain Zindgii Key
Kabhi Daleel E Bahaar Hain Yeh
Kabhi Yeh Sadiyon Ki Justajoo Ko
Bus Aik Sa’at Men Khaat O Khoo Mein Dubo Key
Hum Sey Sawaal Poochien K Kon Ho Tum ??
Khaan Sey Aaye Ho ??
Ajnabii Ho ?
Yeh Kin Khyaalon Key Ho Gye Ho?
Yeh Kin Sawaalon Mein Kho Gye Ho?

Safar . . . .!

In Udaas Raahon Par
Is Akailey Dil Key Saath
Kar Liya Safar Kitna
Aur Kitna Baaqi Hai

Wo Jo Aik Tara Sa
Door Jhilmilata Hai
Raasta Dikhata Hai
Aur Doob Jata Hai
Tab Akailey Pan Sey Dil
Yeh Sawaal Karta Hai

Jugnooun Ki Khwaahish Mein
Titliyon Kii Chahat Mein
Kar Liya Saffar Kitna
Aur Kitna Baaqii Hai ??

Khwabon ka bharam toot gaya

bistar pe bahut dair se mein neem daraz
Sochti thi ke woh iss waqt kahan par hoga?
Mein yahan hoon magar uss koocha-e-rang-o-boo mein…
Roz ki tarha say woh aaj bhi aaya ho ga
Aur jab uss ne wahan mujh ko na paya hoga…

Aap ko ilm hay,woh aaj nahin aayi hain?
Meri har dost se uss ne yahi poocha hoga

Kyoun nahin aayi woh? Kya baat hui hay aakhir?
Khud iss baat par sau baar woh uljha hoga

Kal woh aaye gi toh mein uss se nahin boloonga
Aap hi aap kayi baar woh rootha hoga

Woh nahin hay toh bulandi ka safar kitna kathin
Seerhiyaan charhtey huey uss ne socha hoga

Rahdaari mein, harey lawn mein,phoolon ke qareeb
Uss ne har simt mujhey aan ke dhoondha hoga

Naam bhooley se jo mera kahin aaya hoga
Ghair mehsoos tareeqey se woh chonka hoga
Aik jumley ko kai baar sunaya hoga
Baat kartey huey sau baar woh bhoola hoga

Yeh jo larki nayi aayi hai…kahin woh toh nahin?
Uss ne har chehra yahi soch ke dekha hoga

Jaan-e-mehfil hai magar aaj faqat merey baghair
Hai kiss darja wohi bazm mein tanha hoga
Kabhi sannaton se wehshat jo hui hogi ussey
Uss ne besakhta phir mujh ko pukaara ho ga

Chaltey chaltey koi maanoos si aahat paa kar
Doston ko bhi kissi uzr se roka hoga
Yaad kar ke mujhey num ho gayi hongi palkein
aankh mein par gaya kuch keh ke yeh tala hoga

aur ghabra ke kitaabon mein jo li hogi panah
har satr mein mera chehra ubhar aaya hoga

jab milli ho gi ussey meri alaalat ki khabar
uss ne aahista se deewar ko thama hoga

ittifaqan mujhey uss shaam meri dost milli
mein ne poocha ke ,suno,”aaey they woh? Kaisey thay?”

USS ne aik lamhey ko dekha mujhey aur phir hans di
uss hansi mein to who talkhi thi ke uss se agey
kiya kaha uss ne…mujhey yaad nahin hai leken…
itna maloom hay…
itna maloom hay
“khawabon ka bharam toot gaya”

tum bhi ajab ho . . . !

tum bhi ajab ho meri chaht kay naseeboo’n ki tarha
munsalik gham kay tasalsul ki gunhghari say
beqarari ki koi shakal agar hoti to woh tum hotay
ya kay bus mai hota
tum ajab ho meri ankhoo’n ki tarha
apni werani say bahir ki bayabani ko takti huwi
bhegi huwi
janay kis khadshay mai, soch mai khoye huwi
kuch soch kay ghabraye huwi
tum ajab ho
meray sheroo’n ki tarha
raat kay jagay huwy
dhoop mai kumlaye huway
hijar ki rahguzaroo’n ki tarha
bul mai bul khaye huway
door tak chaye huwi
zard ghataoo’n ki tarha
tum ajab ho mery khwaboo’n ki tarha
umar say ujray huwy bikhray huway ,tarsay
tum ajab ho meray nenoo’n ki tarha
barsay huway, barsay huway

Tere Liye . . .. . Mere Liye

Tere Liye

Dil hateli per liye sab ne qataren bandh liyen
sab ne ankhoon ki sajaiye kahkashan tere liye
apni umeedon k taree tere agay rakh diye
kar diya sab ne zamen ko asman tere liye

 

Mere Liye

Cactus jese hain ye mere deewar o daar bhi
mera kamra bhi hai dasht-e-be aman mere liye
main tu sarma ki thitharti raat ka mehtab hoon
kaun wa karta hai ghar ki khirkiyan mere liye

Magar Tum……!

Kabhi ghar se nikal kar tum ne
sarma ki thitharti chandani shab main
akele chand ko dekha?
kabhi sunsan baghoon main
kisi tanha rawish per chalte chalte, chand se poocha
k wo tum se ziyada muztarib kiyun hai?

magar tum!

band kamre k makeen !
khwabon k shahzade!
nikal kar garm kamre se
kahan jao gaiye adhi raat ko sunsan baghon main?
akele chand se bateen tu wo mazloom karte hain
jinheen ghar k dar-o-dewar bhi
dhutkar dete hain
jinhaiyen apni hi awazoon k khanjar
maar dete hain!

Ab k main tere liye tha aur tu mere liye

Ab k main tere liye tha aur tu mere liye

ab tere hathon pe likha hai laho mere liye

 

meri bikhri tukriyon se photne wale hain par

mere qatil jaal phela char su mere liye

 

kash aisa ho k ab k bewafaiye main karon

tu phire qariya ba qariya ku ba ku mere liye

 

main tu la mehdod ho jaon samander ki tarah

tu phire dariya ba dariya ju ba ju mere liye

 

phir zameen ki siskiyan apni lagen Khalid mujhe

phir huwa jashn-e-marg-e arzoo mere liye

Chandni raat k hathon pe sawar utri hai

Chandani raat k hathoon pe sawar utri hai

koi khushbo meri dehliz k paar utri hai

is main kuch rang bhi hain,khwab bhi khushboiyen bhi

jhilmilati huiye khwahish bhi,arzoiyen bhi

isi khushbo main kai dard bhi afsane bhi

mere anchal pe umeedon ki qatar utri hai

koi khushbo meri dahliz k paar utri hai

isi khoshbo se kisi yaad k dar khulte hain

mere peroon se jo lipte tu safar khulte hain

yehi khushbo jo mujhe ghar se utha laiye thi

ab kisi taur palat kar nahi jane deti

meri dehliz bulati hai mujhe laut aao

yehi khsuhbo mujhe wapis nahi ane deti

ranj aur dard main doobi ye bahar utri hai

koi khushbo meri dehliz k paar utri hai

Khuddarion ke khoon ko Arzaan na kar sakay

Amar

Jotshi

Agar Tum Daikhna Chaho Tamasha Ho Bhi Sakta Hai

Teri Aankhon Main Meray Dil Ka Naqsha Ho Bhi Sakta Hai
Jisey Dewaar Samjha Hai Woh, Woh Rasta Ho Bhi Sakta Hai

Zamana Ghor Sey Daikhey Jisey Is Ney KHUDA Samjha Hai
Woh Is Key Haath Ka Pathar Trasha Ho Bhi Sakta Hai

Nazar Sey Door Reh Kar Bhi Kisi Soch Mein Rehna
Kisi Key Pass Rehney Ka Tareeqa Ho Bhi Sakta Hai

Woh Apni Sard Mohri Sey Mujhey Had Mein To Rakhta Hai
Mera Had Sey Guzarney Ka Irada Ho Bhi Sakta Hai

Bhari Dunya Ka Maila Sath Ho To Kon Sii Mushkil
Magar Eik Shakhs Mailey Mein Akaila Ho Bhi Sakta Hai

Yeh Seedhii Raah Par Chalna Khaan Sey Seekh Aaye Ho?
Yeh Rasta Dostii Ka Hai Yeh Ttaira Ho Bhii Sakta Hai

Main Apney Jism O Jaan Ko Sath Rehtey Dekh Kar Samjha
Nibhaana Ho Jisey Mushkil Wo Rishta Ho Bhi Sakta Hai

Machalta Thokrien Khata Huaa Paani Ka Eik Dharaa
Teray Dil Tak Pohanchney Ka Bahana Ho Bhi Sakta Hai

Nikal Kar Band Kamrey Sey Zara Baazar Mein Aao
Agar Tum Daikhna Chaho Tamasha Ho Bhi Sakta Hai

kaha lafzoN say phooloN ki mehak aney lagi kaisey

kaha sathi koi dukh dard ka tayar karNa hai
jawab aya ye dar’yaa akeley par karNa hai

kaha rasta baksha hai na hamwar kion mujh ko
jawab aya tujhey har rasta hamwar karna hay

kaha kyon sam’ne chamka dia itna bara soraj
jawab aya humaiN saya pas-e-dewar karna hai

kaha lafzoN say phooloN ki mehak aney lagi kaisey
jawab aya mohabbat ka tujhey izhaar karna hai

kaha maiN ladla tera hoon maiN mitti main kyoN utron?
jawab aya k sab ko ye samander par karna hai

Aitraaf

Buhut takheer se lekin
khula ye bhaid khud per bhi
k main ab tak
muhabat jaan kar jis
jazba-e-derina ko apne laho se senchti aiye
wo jis ki sas’at-e-sad mehrban hi zindagi ki shart thri thi
faqat shaiyeba hi tha mohabat ka
yunhi adat thi har raste pe us k sath chalne ki
wagarna tarke khwahish per
ye dil thora sa tu dukhta
Zara si Ankh nam hoti

Khwahishain

Ye khwahishen hain jo masoom larkiyon ki tarah
bhatakti phirti hain afsurda, Dil ki galiyon main
kahen se koi dilasa mile tu ankhoon main
hazar rang liye shabnami umeedon ke
hazar khwab saja kar dua k mathe per
tere dhiyan k saiye main beth jati hain
ye kis guman k saiye main beth jati hain

Zindagi do tarah ki hoti hai

Zindagi do tarah ki hoti hai
ik main maut hi nahi ati
ik main rooz maut hoti hai

Maut bhi do tarah ki hoti hai
ik sadiyon main bhhi nahi ati
ik lamhon ki baat hoti hai

Loog bhi do tarah k hote hain
ik jo kashmakash main rahte hain
dosre khud ko jaan lete hain

Har khushi do tarah ki hoti hai
ik main muskurana parta hai
ik andar se muskurati hai

Gham bhi do hi tarah k hote hain
ik jo ashk ban k bahta hai
dosra roog ban k rahta hai

ik Anchal se bandha hai sab kuch

ik Anchal se bandha hai sab kuch
ik tasweer
aur tasveer pe bheege huiye honth
ik sandal ki unabi pencil
ik be rabt sa ukhra huwa khat
ik adad card
jis ko chone se teri yaad chali ati hai
aur us card main rakhi huiye ikloti palak
jis se manoos duaoon ki mehak ati hai
kisi gumnam se shair ka adhora misra
ik bazeeb se bichra huwa ujla mooti
ik murjhaiye huiye zard chameli ki kali
jis main ab bhi teri zulfon ke bhanwar lipte hain
ik boseeda Q paper
jis k kone pe likha naam abhi taza hai
sharbati kanch ki totti huiye nazuk choori
ik tota huwa halka sa gulabi nakhun
ik gadla sa tissue paper bhi
jis pe mehke huiye ashkon k nishan zinda hain
yehi dolat hai yehi kuch hai asasa mera
ik anchal se bandha hai sab kuch
ik bheege huiye anchal se bandha hai sab kuch

Suno ……!!! Mohabbet tu khush guman hay ……!!!

Tumhari angushtari k nug main ..
Mery mohabbet chamak rahi hay ,

Agar kabhi ye guman bhi guzray
k , main tumhain bholnay laga hoon
Tu … is nageenay ko bhi dekho
Mery nigahoon ki jagmagahat
Tumhari aankhon say ye kahay gi
Suno ……!!! Mohabbet tu khush guman hay …

Agar koi bughz-e-dil ka maara …… Falak sat toota hoa sitara ..
Tumharay seenay main was-wasoon k “AISAY” khanjer utarta ho
” K wo jo dil phaik-o-bewafa hay
” K wo jo sab per fareefta hay
” K wo jo pardees ja basa hay
” Tumhain bhanwar beech choor day ga
” Wafa k sab qool toor day ga
” Chaloo bas ab us ko bhool jao”

Tu is say pehlay jal bujho tum
Tu is say pehlay k ye kahoo tum

” Wo ahd-o-peman sab ghalat thay
” Wafa k unwan sab ghalat thay
” Seher k imkan sab ghalat thay”

Tum apni angusht mahwish per
Gulab chehra jhuka k kehna
” SUNO WO SUCH MUCH HI BEWAFA HAY? “
Tumhara roota sawal sun ker
Wo shokh nug muskura paray ga
Tumhari palkoon pay hont rakh ker
Tumharay galoon ko thap-thapa ker … Haseen angushtari kahay gi..!!

Suno ……!!! Mohabbet tu khush guman hay ……!!!

Aankhien Pathar Ho Jati Hain

Hansti Gaati Is Dunya Mein
Pehlay Din Sey Aik Safar Hai
Jis Mein Log Sitaaron Jaisey
Miltey Aur Bichar Jaatey Hain
Jin Pairon Kii Chaaon Hai Sab Par
Aisey Pair Laganey Waaley
Pyaarey Log Guzar Jatey Hain
Aur Safar Jarii Rehta Hai
kaam Tamam Nahii Hotii Hai
Sacha Ishq To Aisa Din Hai
Jis Ki Shaam Nehi Hotii Hai
Daman Khaali Bhi Rehtey Hai
Phoolon Sey Bhar Bhi Jatey Hain
Aankhien Pathar Ho Jati Hain
Poorey Khwaab Nahi Hotey Hain

Poorey Khwaab Nahi Hotey Hain

Band Honton se jo ek baat kahi thi

Titlian, Khwaab aur Phool

hum koi jug say niralay tu nahin hain

hum bhi us waqat main jeetay thy jahan

tatlian,khawb aur phool

sheher hum ko bhi muqadar main mila hay jis main

dharkanain gum hain aur shor say hoo ka alam

hum bhi us gher kay makeen hain k jahan

waqat katay bhuj jati hay is umer ki lo

ik bay mesruf o gumnam iraday ki tara

hum bhi logo ki tara hain k humain

dukh chupana bhi hay,hansana saray bazar bhi hay

hum pay bhi ehd_e_jawani ka azab utra hay

hum nay bhi door kisee sheher main hanstay hoay

ik shakas ko chaha hay bohat

un hawaon ko sada jana hay

jaisay us sheher say paygam_e_wafa lati hain

dharkanain ankh ka anso tu nahin hain lakin

hum nay gin gin kay gawae hain kisee shakas kay naam

hum niralay hee tu hain

hum nay is gum ko gum_e_jana sa bana rakha hay

umer jis main na koi aas,na anso,na hansi

hum nay is umer ka afsana bana rakha hay

گر مجھے اس کا یقین ھو مرے ھمدم ، مرے دوست

گر مجھے اس کا یقین ھو مرے ھمدم ، مرے دوست
گر مجھے اس کا یقین ھو کہ ِترے دل کی تھکن
تیری آنکھوں کی اداسی ، ترے سینے کی جلن
میری دل جوئی ، مرے پیار سے مٹ جائے گی
گر مرا حرفِ تسلّی وہ دوا ھو جس سے
جی اٹھے پھر ترا اجڑا ھوا بے نور دماغ
تیری پیشانی سے دھل جائیں یہ تذلیل کے داغ
تیری بیمار جوانی کو شفا ھو جائے
گر مجھے اس کا یقین ھو مرے ھمدم ، مرے دوست
روز و شب ، شام و سحر میں تجھے بہلاتا رھوں
میں تجھے گیت سناتا رھوں ھلکے ، شیریں
آبشاروں کے بہاروں کے ، چمن زاروں کے گیت
آمدِ صبح کے ، مہتاب کے ، سیّاروں کے گیت
تجھ سے میں حسن و محبت کی حکایات کہوں
کیسے مغرور حسیناؤں کے برفاب سے جسم
گرم ھاتھوں کی حرارت میں پگھل جاتے ھیں
کیسے اک چہرے کے ٹھہرے ھوئے مانوس نقوش
دیکھتے دیکھتے یک لخت بدل جاتے ھیں
کس طرح عارضِ محبوب کا شفّاف بلور
یک بیک بادہِ احمر سے دہک جاتا ھے
کیسے گلچیں کے لئے جھکتی ھے خود شاخِ گلاب
کس طرح رات کا ایوان مہک جاتا ھے
یونہی گاتا رھوں ، گاتا رھوں تیری خاطر
گیت ُبنتا رھوں، بیٹھا رھوں تیری خاطر
پر مرے گیت ترے دکھ کا ُمداوا ھی نہیں
نغمہ جرّاح نہیں، مونس و غم خوار سہی
گیت نشتر تو نہیں ، مرھم ِ آزار سہی
تیرے آزار کا چارہ نہیں، نشتر کے سوا
اور یہ سفّاک مسیحا مرے قضے میں نہیں
اس جہاں کے کسی ذی روح کے قبضے میں نہیں
ھاں مگر تیرے سوا ، تیرے سوا ، تیرے سوا

فیض احمد فیض

Apni tanhai mere naam pe abaad karay…

Apni tanhai mere naam pe abaad karay…
Kaun hoga jo mujhe is tarha say yaad karay?

Dil ajab sheher, keh jis per bhi khulla dar iska…
Woh musaafir issay her simt se barbaad karay!

Apne qatil ki zehaanat se pareshaa.N hoo.N mai
Roz eik maut naye tarz ki ijaad karay!

Uski Muthi mai bohat roz raha mera wujood,
Mere Saahir se kaho ab mujhay aazaad karay!

Bewisal jazboon ke

Bewisal jazboon ke
jism-o-jaan ke sahra ki
aiye shikasta Dil barish
aiye hawaiye puzmurda
ab ke us-se kah dena
jab bhi mujh ko khat likhe
sedha sada khat likhe

main ne apne mazi ki
soone, ujre, boseeda,
be chiragh angan main
beete din ki lazzat ko,
mehrban banhon ko
ane wale mausm ki
dhudh se bachana hai

Khwahishon ke seene pe
gahri neend soona ha
be zuban khwabon ki
barf-zar ankhoon main
ik sakoon barhana hai
be talab nahi marna
apne zar mazi ki
aiyeten nahi parhna

ab ke us-se kah dena
aiye hawaiye puzmurda
aiye shikasta dil barish
jab bhi mujh ko khat likhe
pursakoon lahje main
sedha sada khat likhe

(Contributed by Shabemah)

hazaron pal tumharay bin

hazaroN pall tumhare bin,
na poocho, kaisay kat-tay hain,
kabhi yaadain rulaati hain,
kabhi mousam satatay hain,
issay keh do hum aatay hain,
humain mayoos na karna,
humara maan rakh laina,

humain wapas naheen jaana,
humain dil main basa laina,
humain apna bana laina,
bohot tarpay huye dil se,
bohot rootha naheen katay,
mohabaat tou ibaadat hai,
usay ruswa naheen kartay,
zamanay se chupatay hain,
kabhi zahir naheen kartay,
suno aisay naheen kartay

suno aisay naheen kartay,
safar tanha naheen kartay,
jisay shafaaf rakhna ho,
usay maila naheen kartay,
teri aankhain ijazat dain,
to hum kia kia naheen kartay,
yeh oonchay pair kaisay hain,
humain saya naheen kartay,
jo dhun ho kar guzarnay ki,
to phir socha naheen kartay,
bohut ujray huye logon per,
bohut roya naheen kartay,
teri aankhon ko parhtay hain,
tujhe daikha naheen kartay,
jo mil kar khud se kho jaye,
usay dhoondha naheen kartay,
chalo tum raaz ho apna,
tumhain afshaan naheen kartay,
sahar se pooch lo Mohsin,
keh hum soya naheen kartay

mujhey yaad kar,,mujhey yaad aa!

koi mujh ko aisi daleel dey
k main toot kar
tere naqsh aankh ki putlion se mita saku’un
koi mujh ko aisi daleel dey
k main dil se phir
teri umr bhar ki rifakton ko bhula saku’un
koi mujh ko aisi daleel dey
k main umr bhar
teri yaad ka na koi jashan hi mana saku’un
agar aisi koi sabeel hai
to aazma
jo nahi to phir
mujhey yaad kar,,mujhey yaad aa!

Meri Zindgi Pey Moheet Hain Wohi Wehshatien Wohi Dooriyaan

Mujhey Be-Khudii Ki Hai Aarzoo Mujhey Qurbaton Ka Khumaar Dey
Meray Ang Ang Mein Yon Uter K Mujhii Mein Khud Ko Utaar Dey

Too Jo Por Por Mein Bas Gya To Hai Dooriyon Ka Jawaaz Kya
Meri Zindgi Meray Pass Aa Zara Meri Be-Kalii Ko Nikhaar Dey

Meri Zindgi Pey Moheet Hain Wohi Wehshatien Wohi Dooriyaan
Main Khizaan Raseeda Si Sham Hon Mujhey Apney Rukh Kii Bahaar Dey

Meri Be-Basii Hai Baja Magar Meray Shok Ka Bhi Hisaab Kar
Main Siyaah Naseeb Jo Hon Agar Too Mera Naseeb Sanwaar Dey

Hai Nazar Nazar Terii Justajoo Too Meri Wafa Kii Hai Aabroo
Kabhi Yon Bhi Ho Meray Roobaroo Mujhey Jaan Sey Hi Guzaar Dey

Mujhey Is Trah Sey Too Yaad Aa Teri Yaad Ka Gumaan Bhi Na Ho
Too Meray Khyaal Mein Yon Sama Mera Hurf Hurf Nikhaar Dey

Khwab sath rahne k nit naiye dikhata hai

Khwab sath rahne k nit naiye dikhata hai
ye jo asal mausam hai, ye guzarta jata hai

khud ko sabz hi rakha ansoon ki barish main
warna hijr ka mausam kis ko raas aata hai

tu hawaoon ka mausam tujh ko kia khabar janan
gard-e-badgumani se dil bhi toot jata hai

aik tum hi thye warna admi mohabat main
lakh aiyen dewaren rastee banata hai

hum tu khair nadan theye, muntazir rahe warna
kaun apni benaiye is tarah ganwata hai

kitne khwab ankhoon main zakhm bann’ne lagte hain
jab hawa ke hontoon pe tera naam aata hai

senkroon dukanen hain wasal ke chiragon ki
kaun hijr main apna ab lahooo jalata hai

Poet Munnawar Jamil

Contributed by Shabemah

mujhay aksar yeh kehti thi

mujhay aksar yeh kehti thi
mohabbat kuch nahi hoti
hijr ka khauf bay matlab
wasl kay khwab bay maanay
koi sorat nigahoon main
kahan din raat rehti hai
ussay q khamoshi kahiyay
k jiss main baat rehti hai
yeh ansoo bay zaban ansoo
bhala kia bol saktay hain
kahan dil main kisi ki yaad say
toofan uthtay hain
kahan palkon k sayay main
nami din raat rehti hai
kahan hoti hain wo ankhain
jahan barsaat rehti hai
mujhay aksar yeh kehti thi
mohabbat kuch nahi hoti

magar jab aj barson baad
main nay uss ko dekha hai
k uss ki jheel ankhon main
hijr ka khauf rehta hai
wasl k khwab rehtay hain
wahan barsat rehti hai
yon lagta hai kayi raton say
woh soyi nahi shayad
yon lagta hai kisi ki yaad ab
din raat rehti hai
aur uss ki narm palkon kay
haseen sayay bhi geelay hain
aur uss ki khamoshi aisi
k jiss main baat rehti hai

mujhay ab wo nahi kehti
mohabbat kuch nahi hoti
kay ab shayad mohabbat ki
woh sub ramzain samjhti hai

Meray Hum Nafas Meray Hum Nawa

teri gali se jab hum rakht-e-safar karain ge

teri gali se jab hum rakht-e-safar karain ge
har har qadam ke ooper pathar jigar karain ge

azarda khatiroon se kaya faida sukhan ka
tum harf sar karo ge hum girya sar karain ge

sar jaye ga w laikin ankhain udhar hi hon gi
kaya teri taigh se hum qata’ nazar karain ge

میرے ہم نفس، میرے ہم نوا، مُجھے دوست بن کے دغا نہ دے

میرے ہم نفس، میرے ہم نوا، مُجھے دوست بن کے دغا نہ دے
میں ہوں درد عشق سے جاں بلب، مُجھے زندگی کی دُعا نہ دے

میرے داغ دل سے ہے روشنی، اسی روشنی سے ہے زندگی
مُجھے ڈر ہے اے میرے چارہ گر، یہ چراغ تو ہی بُجھا نہ دے

مُجھے چھوڑ دے میرے حال پر، تیرا کیا بھروسہ اے چارہ گر
یہ تیری نوازش مُختصر، میرا درد اور بڑھا نہ دے

میرا عزم اتنا بُلند ہے کہ پرائے شعلوں کا ڈر نہیں
مُجھے خوف آتش گُل سے ہے، یہ کہیں چمن کو جلا نہ دے

وہ اُٹھے ہیں لے کہ قُم و سبو، ارے او شکیل کہاں ہے تو
تیرا جام لینے کو بزم میں، کوئی اور ہاتھ بڑھا نہ دے

sakoot-e-jaa’N ka matlab bata do phir chalay jaNa

sakoot-e-jaan ka matlab batado phir chalay jana
ya phir sargoshian dil ki suna do phir chalay jana

jo mera aur tumhara waqt guzra hansnay ronay may
usay puri tarha se tum bhulado phir chalay jana

ye saray pair poday tum bin kai raat jagay haiN
tum aakay ek baar inko sulado phir chalay jana

kisi ko chahne ka aur kisi se chahay janay ka
jo hai ahsaas tum usko bhulado phir chalay jana

bus ik murda hansi se apnay ashko ko chupanay ka
jo fun aata hai tum ko, wo sikhado phir chalay jana

wo jo ik lafz-e-ulfat hai, juda hai apnay maani se
bus in alfaz-o-mani ko milado phir chalay jana

jo kehte kahte ruk gaye, un sari bato ki
sama’at ko talab hai wo suna do phir chalay jana

na janay q hai lakin dekhne ki tum ko aadat hai
meri ye be-waja aadat chura do phir chalay jana

merey in roz-o-shab ka ek fakat unwan bus tum ho
mujhe tum doosra unwan lado phir chalay jana

HAIDER ki koshish, ay Khuda, na jaye raigan,
mujhe is sabr ka kuch phal dila do phir chalay jana….

woh mujh ko jurm`e mohabbat ki yoon saza dega

woh mujh ko jurm`e mohabbat ki yoon saza dega
keh lohey dil se mera nam tak mita dega

mujhe ye zid hey keh meri ana rahe baaqi
usse ye zo`am keh akhir mujhe jhuka dega

mein ranjihon se zamane ki haar jaon ager
woh ek shakhs mera hosla barha dega

bajaye dost ke tum apney dushmano se milo
keh yeh amal tu ka;ee ranjishein mita dega

mere baghair mukammal nahi hei zaat uski
yeh eitraaf`e mohabbat mujhe rula dega

mOhabbat Rang Badaltii hAi

mOhabbat Rang Badaltii hAi
Aur Us Ka kOii Bhi Rang
mUstaqil Pukhta Nahe hOta
NAveed e Sehar Kii kOii
Daleel e Be-Traan jAisey
Kisi mUskil Safar Mein
Qaafila Eik Be-Amaan Jaisey
Kabhi Hairaan Sey Lehjey
kOi Dil Bad-Gumaan jAisey
jhUlastii dhOop Ka Saaya
Shajar Meharbaan jAisey
Kabhi Na Rukney Wala Zindgi Ka Karwaan jAisey
kOii Rangeen Sii
Sangeen Sii
Eik DaStaan jAisey
mOhabbat Ibtada Mein Baal KhOley mUskuraati hAi
Kabhi Har Nazam Min
Har ShAiR Mein
Har Ista’aarey Mein
GhataaOn Ki Trah
Ghir Ghir Key Aatii hAi Aur Barastii hAi
Kabhi Sehra Kii Maanind
Chund BOondOn Ko Trasti hAi
Kabhi Eik BulbUley Kii Trah
Pal dO Pal Ko Hastii hAi
Kabhi SadiyOn Talak
Dil Key Nehaa KhaanOn Mein BaStii hAi
Kabhi Khird Key Andaishey
Kabhi Eik jOsh e Mastii hAi
Kabhi Hans Hans Key rOtii hAi
Kabhi Ro Ro Key Hanstii hA
mOhabbat Aadmii Ki Zindgii Ka Dhung Badaltii hAi
Magar Khud Rang Badaltii hAi

mOhabbat Rang Badalti hAi

zikr-e-shab-e-firaaq se vahashat use bhii thii

zikr-e-shab-e-firaaq se vahashat use bhii thii
merii tarah kisii se muhabbat use bhii thii

mujh ko bhii shauq thaa naye cheharo.n kii diid kaa
rastaa badal ke chalane kii aadat use bhii thii

us raat der tak vo rahaa mahv-e-guftaguu
masruuf mai.n bhii kam thaa faraaGat use bhii thii

sunataa thaa vo bhii sab se puraanii kahaaniyaa.N
taazaa rafaaqato.n kii zaruurat use bhii thii

mujh se bichha.D ke shahar me.n ghul mil gayaa vo shaKhs
haalaa.Nke shahar bhar se raqabat use bhii thii

vo mujh se ba.Dh ke zabt kaa aadii thaa jii gayaa
varnaa har ek saa.Ns qayaamat use bhii thii

Khushbu Hai Wo To Chhu Kay Badan Ko Guzar Na Jaye

Khushbu Hai Wo To Chhu Kay Badan Ko Guzar Na Jaye
Jab Tak Meray Wujuud Ke Ander Utar Na Jaye

Khud Phool Ne Bhi Hont Keay Apne Neem-Wa
Chori Tamaam Rung Ki, Titli Ke Sir Na Jaye

Aisa Na Ho Ke Lums, Badan Ki Saza Banay
Jee Phool Ka Hawa Ki Muhabbat Se Bhar Na Jaye

Iss Khauf Se Wo Saath Nibhanay Ke Haq Main Hai
Kho Ker Mujhe Wo Larki Kaheen Dukh Se Mer Na Jaye

Shiddat Ki Nafraton Main Sadaa Jis Ne Saans Li
Shiddat Ka Pyar Pa Kay Khalaa Main Bikher Na Jaye

Uss Waqt Tak Kinaron Se Naddi Char’hi Rahay
Jab Tak Samanderon Ke Badan Main Utar Na Jaye

Palkon Ko Uss Ki, Apne Dopattay Se Ponch Doon
Kal Ke Safar Main, Aaj Ki Gard-e-Safar Na Jaye

(Perveen Shakir)

woh neend ka guzar kay jo hona tha kya huwa?

kuch yaad arha tha ye kis ka kaha huwa
khamoosh sa’atoo’n mai bohat shoor sa huwa

zinda abhi tak tha koi harf-e-aitbar
ye kon lashaoor mai hum say juda huwa

mehroomiyoo’n ka ek samandar tha samanay
tinka dekhaye deta tha ek kashti bana huwa

ankhoo’n ki khushk rait saraboo’n say bhar gaye
bahnay laga hai yaad ka chashma bhara huwa

bistar mai intazaar ki shiknain pari rahie’n
woh neend ka guzar kay jo hona tha kya huwa?

ek moom ka nagar tha heqaieek ki dhoop main
aur hum mai ek shaks muqeed dara huwa

Ab So jAo

Ab SO jAo
KyOn Raat Kii Rait Pey Bikhrey hOye
TaarOn Key Kankar Chuntey hO?
KyOn Sanaatey Kii Salwat Mein
Liptii Aawaazien Suntey hO
KyOn Apni Pyaasii PalkOn Kii Jhalar Mein
Khwaab PirOtey hO
KyOn ROtey hO?

Ab kOn tUmharii AankhOn Mein
SadiyOn Kii Neend Undailey Ga
Ab kOn tUmharii Chahat Ki
Haryaali Mein Khil Khilaye Ga
Ab kOn tUmhari tAnhAii Ka
Un-Daikha dUkh Jhailey Ga

Ab Aisa hAi

Yeh Raat mUsalat hAi jAb Tak
Yeh Shammien jAb Tak jAlti hAin
Yeh Zakham Jhaan Tak ChUbtey hAin
Yeh Saansien jAb Tak Chalti hAin

tUm Apni SOch Key jUngle Mein Raah Bhatko Aur Kho jAo
Ab So jAo

Kabhi Do Chaar Lamhon Mein , Kabhi Do Chaar Sadiyon Mein

Barey Khush Feham Ho Tum Bhi
Samajhtey Ho
Tumharey Saath Hansta Bolta Rota Bilakta Ghar
Tumharey Baad Tum Ko Yaad Rakhey Ga
Yeh Sab Galiyaan
Tumharey Hii Naqoosh E Pa Sey Jo Aabaad Hain
Tum Sey Inhien Gehrii Mohabbat Hai
Na Ho Gey To
Tumharey Hijjr Mein Veraan Khandar Ho Jaien Gey
Shaayed Smajhtey Ho
Keh Almari Mein Rakhey Suit Mozey Aur Neckti
Pehan Kar Jin Ko Apney Aap Sey Tum Ko Mohabbat Hony Lagti Hai
Tumharey Jisam Kii Khusboo Sada Mehfooz Rakhien Gey
Yeh Sab Nazmien Yeh Sab Maktoob Eik Eik Satr Mein Jin Ki
Hai Apney Aap Ko Tum Ney Sitaaron Ki Trah Taanka
Chamaktey Hi Rhien Gey
Aur Wo Sab Cheezien
Tumharey Lams Kii Hiddat Ney Jin Ko Zindgii Bakhshii
Tumharey Naqsh Ko Mehfooz Rakhien Gey
Barey Khush-Feham Ho Tum Bhii
Suno
Jo Kuch Yhaan Mojood Hai Is Ko
Gye Guzrey Zamaanon Ko Bhula Dainey Kii Aadat Hai
Kabhi Do Chaar Lamhon Mein
Kabhi Do Chaar Sadiyon Mein

Saarii Cheezien Hii Na-mUkammal hAin

Saarii Cheezien Hii Na-mUkammal hAin
Kuch Bhi POora Nahi hAi Paas Meray
Na-mUkammal hAi Rat-JagOn Ka Safar
Khwaab Bhi hAin Sabhi AdhOorey Sey
Aur Tkhayul Kii WaadiyOn Mein Khien
Chund Ghazlien Bhatk-ti Rehtii hAin
jO Pohnchtii Nahi hAin Kaaghaz Par
Aur Agar Yeh Pohanch Bhi Jaaien tO
POora hOta Nahi ShAiR kOii
Chund Nazmien Bhi hAin AdhOori jO
Zehan Mein Aa Key lOat jAati hAin
jAisey MayOos Kii dUa kOii
Dil Sey Nikley Flak Sey Takraaye
Or Phir Be-Asar Hii lOat Aa Jaye
Kuch Bhi POora Nahi hAi Pass Meray
Saarey Jazbey Hii Na-mUmkammal hAin
Bara dhOondney Kii KOshish Kii
Kho Gya Apna Aap Jaaney Khaan
hUm Ney dhOonda Yhaan Whaan KhUd Ko
Mil Na Paaya Magar Suraagh kOii
Safar e Aagahii AdhOora hAi
Mera Sab Kcuh Abhi AdhOora hAi
Kuch Bhi POora Nahi hAi Pass Meray
Saarey Sapney Hi Na-mUkammal hAin

Chund Ehbaab Sey Bhii Milna Tha
Par AdhOorii hAin Sab mUlakaatien
yOn tO Milta hOn Har Kisi Sey Magar
POora Milta Nahi Kisi Sey Bhi
Shaayed Apni Hi Zindgii Sey Bhi
Khatt Bhi Kuch Teray Naam Likhney They
wO Bhi Na POoray Ho Sakey Ab Tak
Kuch Bhi POora Nahi hAi Pass Meray
Saarey Waadey Hii Na-mUkammal hAin
Kuch Kitaabien K Jin Ko Parhna Tha
wO Bhi Ab Tak yOn Hi Parii hAin Khien
Sirf dO Chaar Hii WarQ Paltey
Dil Ko Phir Yeh Khyaal Aaney Laga
Saarey SafhOn Ko chOar dOon Aisey
Zindgii Key Tamam RiShtOn Ko
KyOn Na ChUp Chaap tOar dOon Aisey
Kuch Bhi POora Nahi hAi Pass Meray
Saarey Rishtey Hii Na-mUkammal hAin
Munjamind SilSilOn Mein HalChal hO
Gham Key SehraaOn Mein jAl-Thal hO
Zindgii Ka Sabhii AdhOoora Pan
tUm Chaley Aao tO mUkammal hO

mai khizaa’n ki dhoop ka aa’ina kay mai ek ho kay hazar hoo’n

mai khizaa’n ki dhoop ka aa’ina kay mai ek ho kay hazar hoo’n
kahi ansoo’n ka ho kaafila kahi jugnaoo’n ki qitaar hoo’n

koi tara toot kar girgya koi chand chatt say utar gyaa
kisi asmaa’n ki chaal say jo bikhar gya wohi haar hoo’n

wohi sokhay sokhay say pairr hain wohi ujri ujri tehniyaa’n
koi phool jis pay khila nahi ghamoo’n ki asi bahaar hoo’n

mujhay kyu bulatay hain pyar say ye chehktay panchi mudhair say
mai khamoshi ka dard ho mai udaas chand ka pyar hoo’n

mai woh shair ho jisay aj tak na kaha gya na suna gya
jisay unglioo’n nay chua nahi wohi badnaseeb sitaar hoo’n

Waa’da

Liya tha aik wada tum ney mujh sey..

Hamesha khush he rehna hai
to dekho…..

Dekh lo aa kar …
Meri Aankhon ko Dekho tum
Yeh kitni shokh lagti hein …
Merey Honton ko Dekho tum,,
Hamesha Muskuratey hein ……
Koi bhi gham agar aaye,,,
Usey hans kar sahaa main ne…
Merey chehrey ko dekho tum ,,
Hamesha pur sakon ho ga,,,,
Tou socho gey,,,

Kiya tha main ne jo tum se
Wo wadaah kar diya pora……..

Magr ek baat phir bhe hai

Kabhi jo waqt mil jaaye
to meri shaairi parhna

Tumhen mehsoos tou ho ga
Kaheen talkhi bhara jumla
Kaheen pe sard sa lehja….
Kaheen pe dard ki jheelein….
Kehen lehjey ki karwahat…..

Suno….

Main Khosh To Hon ,
Lekin…….
Lahoo Har Lafz Rota Hai…..!!!

Yahi Wada Liya tha na…Humesha Khush he Rehna hai…

tou daikho..

daikh lo aa kar…

MAIN NE WADA NIBHAYA HAI…!!!

Khush-Gwaar mOsam Kii KhuSh-Gwar Yaadien hAin

Khush-Gwaar mOsam Kii KhuSh-Gwar Yaadien hAin
Teray Sang Beetii hOi Be-Shumaar Yaadien hAin
WaQt Urta PanChii hAi
Haath Mein Nahi Aata
Khush-Gwaar LamhOn Kii
Be-Shumaar Yaadien hAin
Din Kii ROshnii hOgii
hUm Subah Bhi Dekhien Gey
Abhi Meray AankhOn Mein
Be-Shumar Raatien hAin
Kaash kOi Lamha tO
Meray Pass Aa BaithO
Jhaank lO Samandar Mein
GuftagOo Ka Fun SeekhO
AansOoun Key Dar-Parda
So Hazaar Baatien hAin

Mohabbat Jaag Jati Hai

Mohabbat Jaag Jati Hai
Suno aye chaand see larki
Abhi tum keh rahi thi na
Tumhain mujh se muhubbat ho nahi sakti
Chalo mana keh yeh such hai

Magar aye chaand see larki
Mujhe itna batao tum
Keh jub mosam badalte hain
Gulon main rang bharte hain

To phir kiun muztarib ho kar
Akele pan se ghabra kar
Hawa ko raaz deti ho
Mujhe awaaz deti ho

Suno aye chaand see larki
Tumhare saamne koi mera jub naam leta hai
To phir kiun chonk jaati ho
Chalo mana tumhain mujhse muhubbat ho nahi sakti

Magar itna samajh lo tum
Jahan chahat nahi hoti
Wahan nafrat k hone ka koi imkan nahi hota
Mera dawa hay chahat main

Jahan nafrat nahi hoti
Wahan aksar ye dekha hai
Agar kuch waqt kut jaye
Samay ki dhool chat jaye

To wehshat bhaag jati hai
Muhubbat jaag jati hay

Ab k youn bhi teri zulfoon ki shikan tooti hai..!!

Ab k youn bhi teri zulfoon ki shikan tooti hai..!!
Rung phhootay, kahein khushbu ki rasan tooti hai

Maot aayi hai k taskeen ki saa’at aayi..!!!
Saans tooti hai k sadioon ki thakn tooti hai

Dil shikista to kaee baar hoay thay laiken
Ab k youn hai k har shaakh-e-badan tooti hai

Aik shola k tah-e-khayma-e-jaan lapka tha
Aik bijlee keh sr-e-sehn-e-chaman tooti hai

Meray yaaroon k tabassum ki kiran maqtal mein
Nook-e-neeza ki tarah zeer-e-kafan tooti hai..!!!

Reeza reeza main bikharta gya har soo MOHSIN
Sheesha sheesha meri sungeeni-e-fun tooti hai

Mohsin Naqvi

Baat Dil Kii Teray Dewaaney Khaan Kehtey hAin

Wo Jisey Bujhy CharaghOn Ka Duwaan Kehtey hAin
hUm Usey Fasal e Bharaan Ka Samaa’n Kehtey hAin

Aatish e ShOq Mein jAl Jaatey hAin PhOolon Kii Trah
Baat Dil Kii Teray Dewaaney Khaan Kehtey hAin

Lala O gUl Ko Smajhtey hAin Teray Aaariz o Lab
Chaandnii Ko Teri AankhOn Kii Zubaan Kehtey hAin

SOchta hOn Teray QadmOn Key NiShaan Hii tO Nahi
Aaj Tak lOg Jisey Keh-KaShaan Kehtey hAin

jAb Bhi jAltey hAin Dil e Zaar Mein ZakhmOn Key Charagh
hUm SitaarOn Sey HaDees e Hijjraan Kehtey hAin

Meray Seenay Mein Dharakta hAi Meray Dil Ki Trah
Eik Saya K Jisey Weham o Gumaan Kehtey hAin

Jaaney Kis Shehar Mein Rehtey hAin Wo Chehrey “Aasim”
hUm Jinhien Jannet e Dil Rahaat e jAan Kehtey hAin

Jab raat ki tanhai dil ban ke dharakti hai

Jab raat ki tanhai dil ban ke dharakti hai
yaadon ke dareechon main chilman si sirakti hai

lauban main chingari jaisay koi rakh jai
yun yaad teri shab bhar seenay main sulagti hai

yun payar nahin chupta, palkon ke jhukanay se
aankhon ke lifafon main tehreer chamakti hai

khush rang parindon ke laut aanay ke din aaye
bichray huway miltay hain jab baraf pighalti hai

shuhrat ki bulandi bhi, pal bhar ka tamasha hai
jis daal pe baithay ho, wo toot bhi sakti hai

Meri Tabahii Key Silsilay Ab Dua Sey Aagey Nikal Gaye Hain

Yeh Jo Hum Apnay Hi Dil Ki Madham Sada Sey Aagey Nikal Gaye Hain
Sma’atien Kho Gaien Hain Ya Phir Hawa Sey Aagey Nikal Gaye Hain

Jali Hoii Sard Ungliyoun Sey Sanam Kaday Kar Deye Hain Roshan
KHUDA Key Kuch Bakmaal Banday KHUDA Sey Aagey Nikal Gaye Hain

Hum Ab Kissi Azeem Chahat Key Surkh Rastay Pey Gaamzan Hain
Muqaam E Ajar O Sawaab Guzra Saza Sey Aagey Nikal Gaye Hain

Aey Husan Key Lazwaal Sooraj Too Ab Inhien Dhoop Dey K Chaaon
Terii Mohabbat Key Rahii Teri A’ata Sey Aagey Nikal Gaye Hain

Meray Leye Ab Yeh Teray Sajday Yeh Teray Aansoo Fazool Sha’e Hain
Meri Tabahii Key Silsilay Ab Dua Sey Aagey Nikal Gaye Hain

Raza O Tasleem K Karray Imtehaan Mein Aey Khaaliq E Do-Aalam
Fraat K Ghasibaoun Sey Teray Yeh Pyasay Aagey Nikal Gaye Hain