Tum sey mujhey ishq ka daawa to nahi hey
lekin dil key mosamoN ko jaanta hooN meiN
ehsaas meiN ye tugyaani pehley kabhi na thi
jazbaat meiN ye jawaani pehley kabhi na thi
pehley mery qadam kabhi behkey huwey na they
jaagti aaNkhoN key khaab mehkey huwey na they
Koi hey jo mery khaaboN meiN samaata ja raha hey
meri taareek raahoN meiN sawerey ugaa raha hey
na-mehram sey ik hamdam tak, sab pardey chattakh rahey heiN
sadyoN pey pheley faasley aesy simatt rahey heiN
key mehfil meiN rahooN to mehfil ka lehaaz nahi rehta
tanhaai meiN mujhey tanhaai ka ehsaas nahi rehta
AankhoN meiN kehkashaaN si jo soorat ubhar rahi hey
haathoN meiN us key naam ki lakeer ban rahi hey
wo mujhey apney rangoN meiN rangta jaa raha hey
aur mery dil ka har mosam badalta jaa raha hey
yehi hey agar ishq to mujhy honey laga hey ye
tum hi ho wo shakhs to kyuN boltey nahi!
Posted in Urdu Poetry
