Ansoo

,main tu us waqt se darta hoon k koi poch na le
!!… ye agar zabt ka aanso tha tu tapka kaise 

mujhay apnay zabt pay naaz tha,sar-e-bazm raat yeh kia hua

such an awesome piece of poetry and beautiful singing  want to share one more time

mujhay apnay zabt pay naaz tha,sar-e-bazm raat yeh kia hua
meri ankh kaisay chalak gai, mujhay gham ha yeh bura hua

meri zindagi ke cheragh ka, ye mezaj kuch naya nahin
abhi roshni abhi teergi, na jala hua na bujha hua

mujhay jo bhi dushman -e-jaan mila, woh pukhta kaar jafa mila
na kisi ki zarb ghulut parri, na kisi ka waar khata hua

mujhay raastay main parra hua, aik ajnabi ka khat milla
kahin khoon-e-dil se likha hua, kahin aansoan se mita hua

mujhay humsafer bhi mila koi,sitem zareef meri tarah
kai manzilon ka thakka hua, kahin raaston ka luta hua

mujhay is ka koi bhi haq nahin, ke main shareek-e-bazm-e-khaloos hoon
na meray pass koi niqab hai, na kuch asteen main chupa huwa

ye jo sir jhuka ke guzar gaye, meray samnay se abhi abhi
meray apnay shehar ke log thay, meray ghar se ghar tha mila huwa

mujhay ap kiyun na samajh sakay ye khud apnay dil se poochiye
meri zindagi ki kitab ka warq warq hai khula huwa

Awara

Shaher ki raat aur main naashaad-o-nakaraa phiru
Jagmagaati jaagati sadakon pe avaara phiru
Gair ki basti hai kab tak dar badar mara phiru
Ai Gam-e-dil kyaa karu, Ai vehshat-e-dil kyaa karu.

Jhilmilate qumqumon ki raah mein zanjeer si
Raat ke haathon mein din ki mohani tasveer si
Mere seene par magar chalati hui shamasheer si
Ai Gam-e-dil kyaa karu, Ai vahashat-e-dil kyaa karu

Ye rupahali chhaaon ye aakaash par taaron ka jaal
Jaise sufi ka tasavvur jaise aashiq ka Khayaal
Aah lekin kaun jaane kaun samajhe ji kaa haal
Ai Gam-e-dil kyaa karu, Ai vehshat-e-dil kyaa karu

Phir vo Toota ik sitara phir vo chuyi phuljhadi
Jaane kis ki god mein aaye ye moti ki ladi
Hounk si seene mein uthi chot si dil par padi
Ai Gam-e-dil kyaa karu, Ai vehshat-e-dil kyaa karu

Raat hans hans kar ye kehti hai ke maikhane mein chal
Phir kisi shahnaaz-e-laalaarukh ke kaashaane mein chal
ye nahin mumkin to phir ai dost viraane mein chal
Ai Gam-e-dil kyaa karu, Ai vehshat-e-dil kyaa karu

Har taraf bikhri hui rangeeniya ranaiya
Har qadam par isharaten leti hui angdaiyan
Badh rahi hai god phailaaye hui rusavaiyan
Ai Gam-e-dil kyaa karu, Ai vehshat-e-dil kyaa karu

Raaste mein ruk ke dam le lun meri aadat nahi
LauT kar vaapas chalaa jaau meri fitrat nahi
Aur koi hamnava mil jaaye ye qismat nahin
Ai Gam-e-dil kyaa karu, Ai vehshat-e-dil kyaa karu

Muntazir hai ek tufaan-e-bala mere liye
Ab bhi jaane kitne darvaaze hai vaha mere liye
Par musibat hai mera ahed-e-vafa mere liye
Ai Gam-e-dil kyaa karu, Ai vehshat-e-dil kyaa karu

Ji mein aata hai ki ab ahed-e-vafa bhi tod du
Un ko pa sakta hu main ye aasara bhi chod du
Haan munasib hai ye zanjeer-e-hava bhi tod du
Ai Gam-e-dil kyaa karu, Ai vehshat-e-dil kyaa karu

Ek mahal ki aaa se nikala vo pila mahtaab
Jaise mullah ka amamaa jaise baniye ki kitaab
Jaise muflis ki javani jaise bevaa ka shabaab
Ai Gam-e-dil kyaa karu, Ai vehshat-e-dil kyaa karu

Dil me ek shola bhadak uthaa hai aakhir kya karu
Meraa paimana chalak uthaa hai aakhir kya karu
Zakhm seene ka mahek uthaa hai aakhir kya karu
Ai Gam-e-dil kyaa karu, Ai vehshat-e-dil kyaa karu

Muflisi aur ye mazahir hain nazar ke saamane
Saikdon changez-o-naadir hain nazar ke saamane
saikdon sultan jabar hain nazar ke saamane
Ai Gam-e-dil kyaa karu, Ai vehshat-e-dil kyaa karu

Le ke ek changez ke haathon se khanjar tod du
Taaj par us ke damakata hai jo patthar tod du
Koi tode ya na tode main hi badhkar tod duu
Ai Gam-e-dil kyaa karu, Ai vehshat-e-dil kyaa karu

Badh ke is indar-sabhaa kaa saaz-o-saamaan phunk du
Is ka gulshan phunk du, us ka shabistan phuk du
Takht-e-sultan kya, main saaraa qasr-e-sultan phunk du
Ai Gam-e-dil kyaa karu, Ai vehshat-e-dil kyaa karu

Ji mein aataa hai ye murdaa chaand-taare noch lu
Is kinaare noch lun aur us kinaare noch lu
Ek do ka zikr kya, saare ke saare noch lu
Ai Gam-e-dil kyaa karu, Ai vehshat-e-dil kyaa karu

Asrar ul Haq Majaz

AIK DARKHWAST

Zindagi ke jitney darwazy hain, mujh par band hain
Dekhna
Hadd-e-nazar se aagy barh kar dekhna bhi jurm hy
Sochna
Apne aqeedo’N aur yaqeeno’N se nikal kar sochna bhi jurm hy
“Kyun” bhi kehna jurm hy
“kese” bhi kehna jurm hy
Sans lene ke to aazadi muyassar hy……..magar
Zianda rehny k liay insaan ko…….kuch “aur” bhi darkaar hy
Aur…….is kuch “aur” bhi ka tazkira bhi jurm hy
Aey hunar mandaan-e-aaeen-o-sayasat
Aey khuda vandaan-e-eewan-e-aqaid
Zindagi ke naam par, bas ik inayat chahiay
Mujh ko in sary jarayam ke ijazat chahiay

(AHMED NADEEM QASMI)
contributed by amaavas

nisar main teri galiyon k ae watan, k jahan

nisar main teri galiyon k ae watan, k jahan
chali hai rasm k koi na sar utha k chale
jo koi chahanewala tawaf ko nikle
nazar chura k chale, jism-o-jan bacha k chale

hai ahl-e-dil k liye ab ye nazm-e-bast-o-kushad
k sang-o-khisht muqayyad hain aur sag azad

bahot hain zulm k dast-e-bahana-ju k liye
jo chand ahl-e-junun tere nam leva hain
bane hain ahl-e-hawas muddai bhi, munsif bhi
kise wakil karen, kis se munsifi chahen

magar guzaranewalon k din guzarte hain
tere firaq main yun subh-o-sham karae hain

bujha jo rauzan-e-zindan to dil ye samajha hai
k teri mang sitaron se bhar gai hogi
chamak uthe hain salasil to hamane jana hai
k ab sahar tere rukh par bikhar gai hogi

garaz tasavvur-e-sham-o-sahar main jite hain
giraft-e-saya-e-diwar-o-dar main jite hain

yun hi hamesha ulajhti rahi hai zulm se khalq
na unki rasm nai hai, na apani rit nai
yun hi hamesha khilaye hain hamne ag main phul
na unki har nai hai na apani jit nai

isi sabab se falak ka gila nahin karte
tere firaq main ham dil bura nahin karte

gar aj tujhse juda hain to kal baham honge
ye rat bhar ki judai to koi bat nahin
gar aj auj pe hai tala-e-raqib to kya
ye char din ki khudai to koi bat nahin

jo tujhase ahd-e-wafa ustavar rakhte hain
ilaj-e-gardish-e-lail-o-nihar rakhte hain

Faiz

Khabar-E-Tahayyur-E-Ishq Sun, Na Junun Rahaa Na Pari Rahi

Khabar-E-Tahayyur-E-Ishq Sun, Na Junun Rahaa Na Pari Rahi
Na To Tu Rahaa, Na To Main Rahaa, Jo Rahi So Bekhabari Rahi

Shaah-E-Bekhudi Ne Ataa Kiyaa Mujhe Ab Libaas-E-Barahanagi
Na Khirad Ki Bakhiyaagari Rahi Na Junun Ki Pardaadari Rahi

Chali Simt-E-Gaib Se Ik Havaa Ki Chaman Zahur Kaa Jal Gayaa
Magar Ek Shaakh-E-Nihaal-E-Gham, Jise Dil Kahen So Hari Rahi

Nazar-E-Tagaaful-E-Yaar Kaa Gilaa Kis Zabaan Son Bayaan Karun
Ki Sharaab-E-Sad-Qadaah Aarazu Khum-E-Dil Mein Thi So Bhari Rahi

Vo Ajab Ghadi Thi Main Jis Ghadi Liyaa Dars-E-Nuskhaa-E-Ishq Kaa
Ki Kitaab-E-Aql Ki Taaq Mein Jyun Dhari Thi Tyun Hi Dhari Rahi

Tere Josh-E-Hairat-E-Husn Kaa Asar Is Qadar Son Yahaan Huaa
Ki Na Aaine Mein Jilaa Rahi, Na Pari Kun Jalvaa-Gari Rahi

Kiyaa Khaak Aatish-E-Ishq Ne Dil-E-Benavaa-E-”Siraj” Kon
Na Khatar Rahaa, Na Hazar Rahaa, Magar Ek Bekhatari Rahi

Poetry: Siraj Aurangabadi

Talab ko ajar na doon, fikar-e-rahguzar na karoon!

Talab ko ajar na doon, fikar-e-rahguzar na karoon!
Safar main ab ke hawa ko bhi hamsafar na karoon

Ubhartay doobtay sooraj se torr loon rishta
Main sham orh ke so jaon aur sahar na karoon

Ab is se barh ke bhala kya ho ehtiyat-e-wafa
Main tere sheher se guzroon, tujhe khaber na karoon!

Ye meray dard ki daulat, meri maata-e-firaaq
In ansu’on ki wazahat main umer bhar na kroon!

Ujar shab ki khalish ban ke bun main kho jaoon
Main chandni ki terha khud ko derbader na karoon!

Wo aik pal ko dikhai to de kaheen Mohsin
Main jan gunwa ke bhi us pal ko mukhtasir na karoon…!!

hum jo tareek rahoon main maray gaye

تیرے ہونٹوں کے پھولوں کی چاہت میں ہم
دار کی خشک ٹہنی پہ وارے گئے
تیرے ہاتھوں کی شمعوں کی حسرت میں ہم
نیم تاریک راہوں‌ میں مارے گئے

سولیوں پر ہمارے لبوں سے پرے
تیرے ہونٹوں کی لالی لپکتی رہی
تیری زلفوں کی مستی برستی رہی
تیرے ہاتھوں کی چاندی دمکتی رہی

جب گھلی تیری راہوں میں شامِ ستم
ہم چلے آئے، لائے جہاں تک قدم
لب پہ حرفِ غزل، دل میں قندیل غم
اپنا غم تھا گواہی تیرے حسن کی
دیکھ قائم رہے اس گواہی پہ ہم
ہم جو تاریک راہوں‌ میں‌ مارے گئے

نار سائی اگر اپنی تقدیر تھی
تیری الفت تو اپنی ہی تدبیر تھی
کس کو شکوہ ہے گر شوق کے سلسلے
ہجر کی قتل گاہوں سے سب جا ملے

قتل گاہوں سے چن کر ہمارے عَلم
اور نکلیں گے عشاق کے قافلے
جن کی راہ طلب سے ہمارے قدم
مختصر کر چلے درد کے فاصلے

کر چلے جن کی خاطر جہاں‌گیر ہم
جاں گنوا کر تری دلبری کا بھرم
ہم جو تاریک راہوں‌ میں ‌مارے گئے

bohat se khwaab dekhe hain kabhi shairoon main dhaalain ge

bohat se khwaab dekhe hain kabhi shairoon main dhalain ge
koi chehra tarashain ge koi soorat nikalain ge

abhi tau paoon ke neechay zameen mehsoos hoti hai
jahan ye khatam howay gi, waheen hum ghar bana lain ge

yehi hai na tumhain hum se bicharr janay ki jaldi hai
kabhi milna tumhare mas’alay ka hal nikaalain ge

abhi chupke se hijar asaar lamha aye ga aur phir
tum apni rah chal do ge, hum apna raasta lain ge

jo apne khoon se apni gawahi khaak per likh de
hum aise admi ko aasmaanon per utha lain ge

hamaray hath jis ke qatal ki sazish main shamil thay
saleem us shaks ke qatil se hum kaya khoon baha lain ge

(Sleem Kausar)

Aukhay painday lamiyaan rahwaan ishq diyan

To Kia Hua HD, Bilal Khan, Coke Studio, Season 4

aik lamha

aik lamhe ke liye haath raha haathon main
aik lamha wo meri zeest ka hasil thehra

Yaad se naam mitta, zehan se chehra utraa

Panio’N panio’N jab chaand ka haala utraa
Neend kee jheel pe, ik khawab purana utraa

Aazmaish mein kaha’N, ishq bhi poora utraa
Husn ke aagy to, taqdeer ka likha utraa

Dhoop dhalne lagi, deewar se saya utraa
Sat’ha hamvaar hue, payar ka daria utraa

Yaad se naam mitta, zehan se chehra utraa
Chand lamho’N mein nazar se teri, kya kya utraa

Aaj kee shab mein paresha’N hoon to yn lagta hy
Aaj mahtaab ka chehra bhi hy, utraa utraa

Meri vehshat, ram-e-aahoo se kahi’N barh kar thi
Jab meri zaat mein tanhai ka sehraa utraa

Ik shab-e-gham ke andhery pe nahe hy mokoof
Tu ne jo zakhm lagaya hy, wo gehra utraa

(PARVEEN SHAKIR from KHUSHBOO)

Contributed by Amaavas

Gulzar – Poems by Gulzar

Dard kuch dair hi rehta hai,buhat dair nahi

Dard kuch dair hi rehta hai,buhat dair nahi
Jis tarah shaakh se toray huay aik pattay ka rang

Mand par jata hai kuch roz alag shaakh se reh kar
Shaakh se toot ker yeh dard jeeye ga kab tak…?
Khatam ho jaye gi jab is ki rasad…
Timtimaye ga zara dair ko bujhtay bujhtay…
Aur phir lambi si aik sans dhuan ki le kar…
Khatam ho jaye ga,yeh dard bhi bujh jaye ga
Dard kuch dair hi rehta hai,buhat dair nahi……!!!!!

(Gulzar)

Tumhain janay ki jaldi thi….

Tumhain janay ki jaldi thi….
So apni jald baazi main
Tum apnay lams ki kirnain..
Nazar k zaviye..
poaron ki shamain
Mere seene main bharakta chhor aye ho…
Wahan takiye k neechay
Kuch sunehray rung ki tooti hui saansain
Kisi nozayeda khushbu k taza khuwabchay
Bistar ki shiknon main giray kuch khoobru lamhay
Dressing room main hanger se latki aik sud rangi hansi ko
Bas achanak hi pas-e-parda latakta chhor aye ho
Tumhain janay ki jaldi thi ab aisa hay k jab bhi
Be-khayali main sahi..!
lekin
kabhi jo is taraf niklo
To itna yaad rakhna…!!
Ghar ki chaabi saddar darwazay k bayen hath par
Aik khoal main rakhi milay gi

Or tumhain maaloom hay
kapron ki almaari hamesha se khuli hay
safe ki chaabi to tum ne khud hi gumm ki thi
So woh tab se khula hay or us main kuch
Tumhari choorian ‘
aik aadh angoothi or un k beech
Kuch zard lamhay
or un lamhon ki girhon main bandhi kuch lams ki kirnain
Nazar k zaviye ‘
poaron ki shamain
or sunehray rung ki tooti hui
Saansain milain gi
Or woh sab kuch jo mera or tumhara
Mushtarka sa ek asasa hay
Simat paye to le jana…………………………………..!!!!
k abb
Mujhay janay ki jaldi hay……!!!

Ayyub Khawar

meri ankhon main ummad aaya hai darya dil ka

meri ankhon main ummad aaya hai darya dil ka
phir kahin toot gaya ho na kinara dil ka

bus muhabbat se riwayat hai kahani dil ki
char harfon se ibarat hai fasana dil ka

us ne dali hi nahin bheek nazar ke aur main
liye ankhon main kharra reh gaya kaasa dil ka

saans rukti hai tau phir jaan ka khayal aata hai
dil dharakta hai tau lag jata hai dharhka dil ka

issi koshish main buhat umar ganwa di main ne
phir bhi poora na huwa mujh se khasaara dil ka

meri payaab tamanna’in batati hain mujhay
sookh jaye ga koi roz main darya dil ka

badli badli si sada deti hai dharkan dil ki
hijr main aur hi ho jata hai lehja dil ka

kiyun na aye dost abhi tark-e muhabbat kar lain
iss se pehlay ke badal jaye iraada dil ka

fikr-e-dunya main mere dil ko bhulanay walay
teri dunya se ziada hai asaasa dil ka

us ki ankhon ne kaha chupke se, khul ja sum sum
khul gaya ain ussi waqt dareecha dil ka

ishq katay ga abhi aur chatanain "sagar"
aqal dekhi gi abhi aur tamasha dil ka 

Phir mujhe pyass kay sahra main kaheen neend aay

Phir mujhe pyass kay sahra main kaheen neend aay
Aur main khawab mein mangoon tujhe pani ki tarah

Na intazaar ke lazzat, na aarzu ke thakan

Na intazaar ke lazzat, na aarzu ke thakan
Bujhi hain dard ke shamein, k so gya hy badan

Sulag rahi hain na jany, kis aanch se aankhein
Na aansooan ke talab hy, na rat jago’N ke thakan

Dil-e-freb zada, dawat-e-nazar pe na ja
Yeh aj k qad-o-gaisoo hain, kal k dar-o-rasan

Bahar-e-qurb se pehly, ujaarh deti hain
Judaion ke hawain, mahabbato’N k chaman

Phir aaj shab tery kadmo’N ke chaap k humraah
Sunai de hy dil-e-na muraad ke dharkan

Yeh zulm dekh k tu jaan-e-shairi hy magar
Meri ghazal mein tera naam bhi hy jurm-e-sukhan

Ameer-e-shehar, ghareebo’N ko loot leta hy
Kabhi ba heela-e-mazhab, kabhi ba naam-e-watan

Hawa-e-dehar se dil ka chiragh kya bujhta
Magar FARAZ salamat hy, yaar ka daaman

(AHMED FARAZ from the book dard-e-aashob)

(contributed by Amaavas)

 

Ni Oothaan Waale HD, Attaullah Khan Esakhelvi, Coke Studio, Season 4

ni ishq de pichchhe nah po sassiye
ni tu chaḍ de ishq da kheṛa
ni baalaan waangar zid nah kar tu
ishq da raah e bhaiṛa
sikhar dupahraan wa wirole
te maaru thal de painḍe
bari nizaami kahn siyaane
ishq da rog aweṛa

O sassyiye don’t go after love
You better leave it
Don’t be stern like a child
As the path of love is no good
It makes you wander in sizzling sun
It kills in wasteland
Bari nizaami, the wise, says
Love’s pain is unbearable

ni oothaan waale tur jaan ge
fer labhdi phiren gi haani
sassiye jaag di raeen
raat aj di neend nah maaneen
ni oothaan waale tur jaan ge

Camel folks will leave
And you will remain in searching your love
Sassiye keep awake
Don’t fall asleep Today night
Camel folks will leave

pair pair te pain bhulekhe
e hai ishq duwaara
tu alhaṛ muṭyaar ayaaneen
tera roop kuwaara
ni phullaan jae mukhṛe te
kitte sikhr dopahr nah taaneen
ni sassiye jaag di raeen
raat aj di neend nah maaneen
ni ooṭhaan waale ṭur jaan ge

it deceive you on every step
this is the way of love
you are a little lass
untouched beauty
with face like flowers
don’t wear the sizzling noon
 Sassiye keep awake
Don’t fall asleep Today night
Camel folks will leave

wich chanaan de sohani ḍub gai
raat kabaabaan waali
tere naal wi inj na howe
raat sharaabaan waali
ni wela gaya hath na aawe
toon wela aap pachhaaneen
ni sassiye jaag di raeen
raat aj di neend nah maaneen
ni ooṭhaan waale ṭur jaan ge

Sohni drowned in chanab (river)
On the night of meeting
May it not happen to you
On the night of intoxication
Time lost will never come back
Distinguish the time yourself
Sassiye keep awake
Don’t fall asleep Today night
Camel folks will leave

ishq di raahon khunje jehṛe
painde lamyaan waaṭaan
maran teek nah magron lahandiyaan
ishq diyaan e chaaṭaan
ni cham cham badlaan waangoon
kitte akhyaan chon was pae naan paaneen
ni sassiye jaagdi raeen
raat aj di neend nah maaneen
ni ooṭhaan waale ṭur jaan ge

Who loses the way of love
Has to bear a lot
It never leaves until dead
The strikes of love
See like heavy rain
Tears will come out of your eyes
Sassiye keep awake
Don’t fall asleep Today night
Camel folks will leave

kul balaain jangal deeyaan
aa laash sassi te gaiyyaan
ḍekh te laash sassi di noon
hairaan khalotiyaan raiyyaan
sassi aakhiya beshak khaao maikoon
main taan daawat ḍaindi paiyyaan
par ḍu akkhiyaan meḍiyaan mahfooz rakhaae
raah kech da ḍehdiyaan paiyyaan

all the devils of forest
came at the dead body of sassi
after seeing it
they are wondering
Sassy says, without doubt eat me
I am inviting
Just leave my two eyes
They are looking for “Kech”

ni ooṭhaan waale ṭur jaan ge
ni ooṭhaan waale ṭur jaan ge

نی عشق دے پچھے نہ پو سسیئے
نی تو چھڈ دے عشق دا کھیڑا
نی بالاں وانگر ضد نہ کر تو
عشق دا راہ اے بھیڑا
سخر دپہراں وا ورولے
تے مارو تھل دے پینڈے
بری نظامی کیہن سیانے
عشق دا روگ اویڑا

نی اوٹھاں والے ٹر جان گے
فیر لبھدی پھریں گی ہانی
سسیئے جاگدی رہئیں
رات اج دی نیند نہ مانیں
نی اوٹھاں والے ٹر جان گے

پیر پیر تے پین بھلیکھے
اے ہے عشق دوارا
تو الہڑ مٹیار ایانیں
تیرا روپ کوارا
نی پھلاں جئے مکھڑے تے
کتے سخر دوپہر نہ تانیں
نی سسیئے جاگدی رہئیں
رات اج دی نیند نہ مانیں
نی اوٹھاں والے ٹر جان گے

وچ چناں دے سوہنی ڈب گئی
رات کباباں والی
تیرے نال وی انج نہ ہووے
رات شراباں والی
نی ویلا گیا ہتھہ نہ آوے
توں ویلا آپ پچھانیں
نی سسیئے جاگدی رہئیں
رات اج دی نیند نہ مانیں
نی اوٹھاں والے ٹر جان گے

عشق دی راہوں کھنجے جیہڑے
پیندے لمیاں واٹاں
مرن تیک نہ مگروں لہندیاں
عشق دیاں اے چاٹان
نی چھم چھم بدلاں وانگوں
کتے اکھیاں چوں وس پئے ناں پانیں
نی سسیئے جاگدی رہئیں
رات اج دی نیند نہ مانیں
نی اوٹھاں والے ٹر جان گے

کل ٻلائیں جنڳل دیاں
آ لاش سسی تے ڳیاں
ݙیکھ تے لاش سسی دی نوں
حیران کھلوتیاں رئیاں
سسسی آکھیا بیشک کھاؤ میکوں
میں تاں دعوت ݙیندی پئیاں
پر ݙو اکھیاں میݙیاں محفوظ رکھائے
راہ کیچ دا ݙیہدیاں پئیاں

نی اوٹھاں والے ٹر جان گے
نی اوٹھاں والے ٹر جان گے

Mausam tha beqarar tumhain sochte rahay

Mausam tha beqarar tumhain sochte rahay

kal raat bar bar tumhain sochtay rahay

 

barish hui to ghar ke dareechay se lag ke hum

chup chaap saugawar tumain sochtay rahay

kidhar sey ho ke bahaaroN ke kaarwaaN guzrey

Chaman ka haal to ye hey ke khaak urrti hey
kidhar sey ho ke bahaaroN ke kaarwaaN guzrey
dayaar-e-yaar ka saara safar anokha tha
qadam, qadam pe naya dey ke imtehaaN guzrey
saba bhi aai to phooloN ke muNh jhulsa ke gai
yahaaN sey abr bhi barsaa ke bijliyaaN guzrey
kabhi to waar raqeeboN ke de gaey the mazaa
kabhi to pyar azeezoN ke bhi giraaN guzrey
aey dil sambhal ke kisi ko hisaab deyna hey
ke zindagaani ke lamhey kahaN, kahaN guzrey