Woh shaam kuchh ajeeb thi,

Woh shaam kuchh ajeeb thi, yeh shaam bhi ajeeb hai
Woh kal bhi paas paas thi woh aaj bhi kareeb hai

Jhuki hui nigaahon mein, kahin mera khayaal tha
Dabi dabi hansi mein ik, haseen saa gulaal tha
Main sochta tha, mera naam gunguna rahi hai woh
Na jaane kyon laga mujhe, ke muskura rahi hai woh

Woh shaam kuchh ajeeb thi

Mera khayaal hai abhi jhuki hui nigaah mein
Khuli hui hansi bhi hai, dabi hui si chaah mein
Main janta hoon, mera naam gunguna rahi hai woh
Yahi khayaal hai mujhe, ke saath aa rahi hai woh

Woh shaam kuchh ajeeb thi, yeh shaam bhi ajeeb hai
Woh kal bhi paas paas thi woh aaj bhi kareeb hai

hansi khankti hui

hansi khankti hui
aur bhuji bhuji khushiyaan
hai dosti ki mahek se
hai rachi hui ghariyaan
maza anokha sa hai
aate jaate lamhon main
kitaabain godh mein pheli
hai khoye baaton mein
rafaqaton mein khazana
jo hum ne paaya hai
na dil pe bojh hai koi
na ghum ka saaya hai
humein ye ghunn hai ke khushboo
ko hum to dekhain gay
yaqeen hai ke sitaaron
ko bharh ke choo lain gay
khula ye raaz bicharna
bhi tha bahaaron ko
kisi ke haath nahin
choo sake sitaaron ko
kabhi dareechon mein shammain
jo hum jalaatain hain
toh geet lehjay khayalon
main gungunate hain

aik lamhay ko mujhay

dafan jo sadiyon talay hai wo khazana de de

aik lamhay ko mujhay apna zamana de de

chaap de apne khad-o-khaal meri ankhon per

phir rahaish ke liye aaina khana de de

aur kuch tujh se nahin mangta mere aaqa

na rasai ko ziarat ka bahana de de

maut jab aaye mujhay kash tere shehr main aaye

khaak-e-batha se bhi keh de ke thikana de de

zindagi jang ka maidan nazar aati hai

meri har saans ko aahang-e-tarana de de

apnay hathon hi pareshaan hai ummat teri

us kay uljhay huay halaat ko shana de de

apnay mazi se muzaffar ko nidamat tau na ho

us ke amrooz ko farad-e-yagana de de

(Muzaffar Warsi)

jab teri dhun mein jia karty thy

jab teri dhun mein jia karty thy
hum bhi chup chaap phira karty thy

aankh mein payas hua karti thi
dil mein toofaan utha karty thy

log aaty thy ghazal sun ne ko
hum teri baat kia karty thy

such samajhty thy tery vaado’N ko
raat din ghar mein raha karty thy

ghar ke deewar sajany k liay
hum tera naam likha karty thy

wo bhi kya din thy, bhula kar tujh ko
hum tujhy yaad kia karty thy

jab tery dard mein dil dukhta tha
hum tery haq mein dua karty thy

apne jazbo’N ke kamando’N sy tujhy
hum bhi taskheer kia karty thy

apne aansu bhi sitaro’N ke tarah
tery honto’N pe saja karty thy

kal tujhy dekh k yaad aaya hy
hum sukhan war bhi hua karty thy

MOHSIN NAQVI from Azaab-e-Deed
Contributed by Amaavas

tumhein jab roo baroo dekha karein gy

tumhein jab roo baroo dekha karein gy
yeh socha hy, bohat socha karein gy

nazar mein choudhveen ka chaand ho ga
samandar ke zuba’N bola karein gy

kabhi to sur khuru thehrei’N gy jazby
tumhein khat, khoon sy likha karein gy

bicharna hy, tou yeh tey kar lein ab sy
judai ka safar, tanha karein gy

na aaey ga koi ilzaam tujh par
hum apne aap ko rusvaa karein gy

iss uljhan mein kati hy umer Mohsin
keh pal do pal mein hun, kya kya karein gy

Mohsin Naqvi from Rakht-e-Shab
contributed by Amaavas

Zindaan ki aik sham

sham ke paich-o-kham sitaro’N sy
zeena zeena, utar rahi hy raat
yoo’N saba pass sy guzarti hy
jesy keh de kisi ne payar ke baat
sehan-e-zindaa’N ke by watan ashjaar
sar nigoo’N, mehav hain banany mein
daaman-e-aasma’N pe naqsh-o-nigaar
shana-e-baam pr damakta hy
meharbaa’N chandni ka dast-e-jameel
khaak mein ghul gae hy aab-e-najoom
noor mein ghul gaya hy arsh ka neel
sabz gosho’N mein neelgoo’N saey
lehlahaty hain, jis tarah dil mein
mouj-e-dard-e-firaaq-e-yaar aaey
dil sy paiham khayal kehta hy
itni sheeree’N hy zindagi iss pal
zulm ka zehar gholny waly
kaamraa’N ho sakei’N gy aaj na kal
jalwa gaah-e-visaal ke shammei’N
wo bujha bhi chuky, agar tou kya?
chaand ko gul karei’N, tou hum jaanei’N

Faiz Ahmed Faiz from Dast-e-Saba
contributed by Amaavas

2011 in review

The WordPress.com stats helper monkeys prepared a 2011 annual report for this blog.

Here’s an excerpt:

The Louvre Museum has 8.5 million visitors per year. This blog was viewed about 82,000 times in 2011. If it were an exhibit at the Louvre Museum, it would take about 4 days for that many people to see it.

Click here to see the complete report.

Shikayat

Aye…
Chashm_e_jana…
ab NA Yaad…?
Na Nafrat…?
Na Ehsaas…?

Kia Ham Kisi Sulook K Qabil Nahi Rahy…..???

Naya Saal Mubarak : Happy New Year

Na koi ranj k lamha kisi ke paas aaye

Khuda kare  naya saal sub ko raas aaye 

Happy New Year to all Visitors