Gul hui Jati hai afsurda sulagti hui shaam – Faiz

Mozoo’-e-Sukhan

 

Gul hui jaati hai afsurdah sulagti hui shaam,

Dhul ke niklegi chasma’ee maahtaab se raat,

Aur mushtaaq nigaahon ki suni jaayegi,

Aur un haathon se mas honge, Yeh tarse hue haath.

 

Un ka aanchal hai keh rukhsaar keh pairaahan hai,

Kuch toh hai jis se hoti hai chilman rangeen,

Jaane us zulf ki mauhoom ghani chaaon me,

Timtimaata hai woh aaweezah abhi tak keh nahi.

 

Aaj phir husn-e-dil-aara ki wohi dhaj hogi,

Wohi khaabeeda si aankhen, Wohi kaajal ki lakeer,

Rang-e-rukhsaar pe halka sa woh ghaaze ka ghubaar,

Sandali haath pe dhundli si hina ki tehreer.

 

Apne afkaar ki, Ash’aar ki duniya hai yehi,

Jaan-e-mazmoon hai yehi, Shaahid-e-m’aana hai yehi,

Aaj tak surkh-o-siyaah sadiyon ke saaye ke tale,

Aadam-o-havva ki aulaad pe kya guzri hai?

Maut aur zeest ki rozaanah saf-aarai mein,

Hum pe kya guzregi, Ajdaad pe kya guzri hai?

 

In damakte hue shehron ki faraawaan makhlooq,

Kyun faqat marne ki hasrat mein jiya karti hai?

Yeh haseen khet, phata padta hai joban jin ka,

Kis liye in mein faqat bhook uga karti hai?

 

Yeh har ek simt par asraar kadi deewarein,

Jal bujhe jin mein hazaaron ki jawaani ke chiraagh,

Yeh har ik gaam peh un khaabon ki maqtal-gaahein,

Jin ke partoo se charaaghaan hain hazaaron ke dimaagh.

 

Yeh bhi hai, Aise kai aur bhi mazmoon honge,

Lekin us shokh ke aahista se khulte hue hont,

Haye! Us jism ke kam-bakht dil-aaweez khatoot,

Aap hi kahiye, kahin aise bhi afsoon honge?

 

Apna mozoo’-e-sukhan in ke siwa aur nahin,

Tab’-e-shaa’ir ka watan in ke siwa aur nahin…….

 

My Poetry and My Muse (English Translation)

 

The ashes of a melancholy evening crumbles,

To give way to night, bathed in silver moonlight,

When expectant stares would be rewarded,

My pinings would effervesce, at her gentle touch.

 

Is it her garb, or the facade of her countenance,

Or a spark that illuminates the murk,

Or through the refuge of her fancied tresses,

Shines ebullient the orb of night?

 

Tonight, my beloved’s familiar form shall overwhelm,

Her latent kohl-laden stares shall pierce,

With a hint of rouge, Her effulgent cheeks,

Her pearly hands, Ornately embellished with Henna!

 

Thus the cosmos of my musings, My poetry,

She manifests my soul and every resolve,

Under dark shadows that centuries cast,

What did humanity painfully endure?

Vacillating between abodes of life and death,

Would I endure my unpleasant inheritance?

 

The abundant hordes, Of alluring cities,

Why merely death inspires their existence?

These charming pastures, Once teeming with life,

Why merely reaps hunger now in fecundity?

 

The obstinate, abstruse, cluttered hurdles,

That doused the flames of countless youth,

At every stride, A million dreams guillotined,

To illuminate a billion ignited minds!

 

And thus, There would spring numerous rimes,

The graceful parting of her playful lips,

Ah! The wretched beauty of her material form,

Opine! Is there a greater enchantment?

 

Devoid of my muse, My poetry ceases to exist,

A poet’s dream, His identity ceases to exist………….

(Roman urdu and english translation copied from http://myactiveimagination.blogspot.ae/2012/04/mozoo-e-sukhan-gul-hui-jaati-hai-faiz.html)

ھر کوئی آیا دلِ زار! نہیں کوئی نہیں

ھر کوئی آیا دلِ زار! نہیں کوئی نہیں
راہرو ہو گا، کہیں اور چلا جائے گا
ڈھل چکی رات، بکھرنے لگا تاروں کا غبار
لڑکھڑانے لگے ایوانوں میں خوابیدہ چراغ
سوگئی راستہ تک تک کے ہر اک راہگزار
اجنبی خاک نے دھندلا دیے قدموں کے سراغ
گل کرو شمعیں، بڑھا دو مے و مینا و ایاغ
اپنے بے خواب کواڑوں کو مقفل کر لو
اب یہاں کوئی نہیں، کوئی نہیں آئے گا

اس شہر میں ایسی بھی قیامت نہ ہُوئی تھی

اس شہر میں ایسی بھی قیامت نہ ہُوئی تھی
تنہا تھے مگر خود سے تو وحشت نہ ہُوئی تھی

یہ دن ہیں کی یاروں کا بھروسا بھی نہیں ہے
وہ دن تھے کہ دُشمن سے بھی نفرت نہ ہُوئی تھی

اب سانس کا احساس بھی اِک بارِ گراں ہے
خود اپنے خلاف ایسی بغاوت نہ ہُوئی تھی

اُجڑے ہُوئے اس دِل کے ہر اِک زخم سے پوچھو
اِس شہر میں کس کس سے محبت نہ ہُوئی تھی؟

اب تیرے قریب آ کے بھی کچھ سوچ رہا ہُوں
پہلے تجھے کھو کر بھی ندامت نہ ہُوئی تھی

ہر شام اُبھرتا تھا اِسی طور سے مہتاب
لیکن دِل وحشی کی یہ حالت نہ ہُوئی تھی

خوابوں کی ہَوا راس تھی جب تک مجھے محسن
یوں جاگتے رہنا میری عادت نہ ہُوئی تھی

محسن نقوی

haalat-e-haal ke sabab, haalat-e-haal hii gayii

haalat-e-haal ke sabab, haalat-e-haal hii gayii
shauq meN kuch nahiiN gayaa, shauq kii zindagii gayii

ek hii haadisaa to hai aur vo ye ke aaj tak
baat nahiiN kahii gayii, baat nahiiN sunii gayii

baad bhii tere jaan-e-jaaN dil meN rahaa ajab samaaN
yaad rahii terii yahaaN, phir terii yaad bhii gayii

uske badan ko dii namuud hamne suKhan meN aur phir
uske badan ke vaaste ek qabaa bhii sii gayii

(namuud : appearance; qabaa : gown)

uskii ummiid-e-naaz kaa hamse ye maan thaa ke aap
umr guzaar deejiye, umr guzaar dii gayii

uske visaal ke liye, apne kamaal ke liye
haalat-e-di,l ke thii Kharaab, aur Kharaab kii gayii

teraa firaaq jaan-e-jaaN aish thaa kyaa mere liye
yaanii tere firaaq meN Khuub sharaab pii gayii

uskii galii se uTh ke maiN aan paRaa thaa apne ghar
ek galii kii baat thii aur galii galii gayii

Jaun Elia

Har Baar Mere Saamne Aati Rahi Ho Tum

Har Baar Mere Saamne Aati Rahi Ho Tum
har baar tum se mil ke bichhadta raha hoon main
tum kaun ho ye khud bhi nahi’n jaanti ho tum
main kaun hoon ye khud bhi nahi’n jaanta hoon main
tum mujh ko jaan kar hi padi ho azaab mein
aur iss tarah khud apni saza ban gaya hoon main

tum jis zameen par ho main uss ka KHUDA nahi’n
bas sar-basar azeeyat-o-aazaar hi raho
bezaar ho gaee ho bahot zindagi se tum
jab bas mein kuch nahi’n hai to bezaar hi raho
tum ko yahaa’n ke saaya-e-partau se kya garaz
tum apne haq mein beech ki deewar hi raho

main ibtada-e-ishq mein bemehar hi raha
tum inteha-e-ishq ka miyaar hi raho
tum khoon thookti ho ye sun kar khushi huee
iss rang iss ada mein bhi purkaar hi raho

maine ye kab kaha tha ke mohabbat mein hai najaat
maine ye kab kaha tha ke wafadaar hi raho
apni mata-e-naaz luta kar mere liye
baazaar-e-iltafaat mein naadaar hi raho

jab main tumhein nishaat-e-mohabbat na de saka
gham mein kabhi sukoon-e-rafaaqat na de saka
jab mere saare charaag-e-tamanna hawa ke hain
jab mere saare khwaab kisi bewafa ke hain
phir mujhe chaahne ka tumhein koi haq nahi’n
tanha karaahne ka tumhein koi haq nahi’n.

Poet: JAUN ELIYA

ﻣﯿﮟ ﺩﮬﯿﺮﮮ ﺩﮬﯿﺮﮮ ﺑﮑﮭﺮ ﮔﯿﺎ ﮨﻮﮞ۔ ۔ ۔

Reblogged from EyE-11:

ﻋﺠﺐ ﺗﻘﺎﺿﮯ ﮨﯿﮟ ﭼﺎﮨﺘﻮﮞ ﮐﮯ
ﺑﮍﯼ ﮐﭩﮭﻦ ﯾﮧ ﻣﺴﺎﻓﺘﯿﮟ ﮨﯿﮟ
ﻣﯿﮟ ﺟﺲ ﮐﯽ ﺭﺍﮨﻮﮞ ﻣﯿﮟ ﺑِﭽﮫ ﮔﯿﺎ ﮨﻮﮞ
ﺍُﺳﯽ ﮐﻮ ﻣﺠﮫ ﺳﮯ ﺷﮑﺎﯾﺘﯿﮟ ﮨﯿﮟ
...ﺷﮑﺎﯾﺘﯿﮟ ﺳﺐ ﺑﺠﺎ ﮨﯿﮟ ﻟﯿﮑﻦ
ﻣﯿﮟ ﮐﯿﺴﮯ ﺍُﺱ ﮐﻮ ﯾﻘﯿﮟ ﺩﻻﺅﮞ
ﺟﻮ ﻣﺠﮫ ﮐﻮ ﺟﺎﮞ ﺳﮯ ﻋﺰﯾﺰ ﺗﺮ ﮨﮯ
ﺍُﺳﮯ ﺑﮭﻼﺅﮞ ﺗﻮ ﻣﺮ ﻧﮧ ﺟﺎﺅﮞ
ﻣﯿﮟ ﺧﺎﻣﻮﺷﯽ ﮐﯽ ﺍﻧﺘﮩﺎ ﻣﯿﮟ
ﮐﮩﺎﮞ ﮐﮩﺎﮞ ﺳﮯ ﮔﺰﺭ ﮔﯿﺎ ﮨﻮﮞ

Qurb K Na Wafa K Hote Hain

Qurb K Na Wafa K Hote Hain
Saray Jhagray Ana K Hote Hain

Baat Niyat Ki Sirf Hai Warna
Waqt Saray Dua K Hote Hain

Bhool Jate Hain, Mat Bura Kehna
Log Putlay Khata K Hote Hain

Wo Bazahir Jo Kuch Nahi Lagte
Un Se Rishtay Bala K Hote Hain

Wo Humara Hai Is Tarah Se Faiz
Jaisay Banday Khuda K Hote Hain

tumhary bin nahe rehna

tumhary bin nahe rehna, mujhy tum se muhabbat hy
hai tum se bas yehi kehna, mujhy tum se muhabbat hy

zubaa’N to keh nahin sakti, tumhein ehsaas to ho ga
meri aankho’N ko  parh lena, mujhy tum se muhabbat hy

tumhary naam kar de hy, yeh sari zindagi apni
bhaly he dukh pary sehna, mujhy tum se muhabbat hy

hamein ehsaas hy tumko bhi, hum se payar hy lekin
yeh mery saamny kehna, mujhy tum se muhabbat hy

(Contributeb by Amaavas)

Parchhaiyan

jawan raat key seeney pey dhoodhiya aanchal

machal raha hai kisi khuwab-e marmareen ki tarha
haseen phool, haseen pattiyan, haseen shaakhein
Lachak rahi hain kisi jisme nazneen ki tarha
fiza mein khil se gaye hain ufaq ke narm khutoot
zameen haseen hai khuwabon ki sarzameen ki tarha
tasavurat ki parchaiyan ubharti hain

kabhi gumaan ki surat kabhi yaqeen ki tarha
woh pairh jin ke taley hum panah letey they
kharey hain aaj bhi sakit kisi ameen ki tarha

unheen ke saaye mein phir aaj do dharaktey dil
khamosh honton sey kuch kehney sunne aye hain
najaney kitni kishakash se, kitni kawish se
yeh sotey jagtey lamhey chura ke laye hain

yahi fiza thi, yahi rut, yahi zamana tha
yaheen se hum ney mohabbat ki ibtida ki thi
dharaktey dil se, larazti hui nigahon se
huzoor-e ghaib mein nanni si ilteja ki thi

ke aarzu ke kanwal khil ke phool ho jayein
dil-o nazar ki du’ain qabool ho jayein
tasavurat ki parchaiyan ubharti hain

tum aa rahi ho zamaney ki aaankh se bach kar
nazar churaye huey aur badan churaye huey
khud apney qadmon ki aahat sey jheenpti, darti
khud apney saaye ki junbish sey khof khaye huey
tasavurat ki parchaiyan ubharti hain

rawaan hai choti si kashti hawaon ke rukh par
nadi ke saaye pe mallaah geet gata hai
tumhara jism har ik lehr ke jhakoley sey
meri khuli hui baahon mein jhool jata hai
tsavurat ki parchaiyan ubharti hain

mein phool taank raha hoon tumharey jorey mein
tumhari aankh musarrat sey jhukti jaati hai
Tasavurat ki parchaiyan ubharti hain

merey galey mein tumhari gudaaz baahein hain
tumharey honton pe mairey labon ke saaye hain
mujhay yaqeen ke hum ab kabhi na bichraingey
tumhein gumaan ke hum mil ke bhi paraye hain
tsavurat ki parchaiyan ubharti hain

merey palang pe bhikri hui kitabon ko
adayey ijz-o karam se utha rahi ho tum
suhaag raat jo dholak pe gaye jatey hain
dabey suron mein wohi geet ga rahi ho tum
tasavurat ki parchaiyan ubharti hain

woh lamhey kitney dilkash they, woh garhyaan kitni piyari theen
woh sehrey kitney nazuk they, woh laryan kitni piyari theen
basti ki har ik shadaab gali, khuwabon ka jazeera thi goya
har moj-e nafas haz moj e saba, naghmon ka zakheera thi goya

nagaah lehektey khaiton se taapon ki sadayein aaney lageen
barood ki bojhal boo leykar picham sey hawayein aaney lageen
tameer ke roshan chehrey par takhreeb ka badal phail gaya
har gaon mein vehshat naach uthi, har sheher mein jangal phail gaya

Maghrib key muhazzib mulkon sey kuch khaki wardi posh aye
ithlatey huey maghroor aye, lehratey huey madhosh aye

Khamosh zameen key seeney mein khaimon ki tanabein garhney lageen
makhan si mulayim raahon par booton ki kharashein parney lageen
faujon key bhiyanak baind taley charkhon ki sadayein doob gayeen
jeepon ki sulagti dhool talley phoolon ki qabayein doob gayeen

Insaan ki qeemat girney lagi, ijnaas key bhao charney lagey
chopal ki ronaq ghatney lagi, bharti key dafatir badrhney lagey
basti key sajeeley shokh jawaan ban ban key sipahi janey lagey
jis raah sey kam he lot sakey us raah pey raahi janey lagey
Un janey waley daston mein ghairat bhi gayee barnai bhi
maaon key jawaan betay bhi gaye, behnon key chaheetey bhai bhi

Basti pey udhasi chaney lagi, mailon ki baharein khatm hueen
Aamon ki lachakti shakhon sey jhoolon ki qatarein khatm hueen
dhool udrney lagi bazaron mein, bhook ugney lagi khalyanon mein
har cheez dukanon sey uth kar ruposh huee the-khanon mein
badhaal gharon ki badhaali barhtey barhtey janjaal bani
mehengai barh kar kaal bani, sari basti kangaal bani

charwahian rasta bhool gayeen, pinharian panghat chor gayeen
kitni he kanwari ablayein maan baap ki chokhat chor gayeen

Aflaas zada dehqanon key hal bail bikey, khalyaan bikey
jeeney ki tamana key haaton, jeeney key sab saaman bikey
kuch bhi na raha jab bikney ko, jismon ki tijarat honey lagi
khilwat mein bhi jo mamnoon thi, woh jilwat mein jisarat honey lagi
Tasavurat ki parchaiyan ubharti hain

tum a rahi ho sare-aam baal bikhraye
hazaar gona malamat ka baar uthaye huey
hawas parast nigahon ki cheera dasti sey
badan ki jheenpti uryani chupaye huey
Tasavurat ki parchaiyan ubharti hain

mein sheher ja kar har ik dar pey jhaank aya hoon
kisi jaga meri mehnat ka mol mil na saka
sitam garon key siyasi qimar khaney mein
alam naseeb farasat ka mol mil na saka
Tasavurat ki parchaiyan ubharti hain

Tumharey ghar mein qayamat ka shor barpa hai
mahaz-e jang sey harkara taar laya hai
key jis ka zikr tumhein zindagi sey pyara tha
woh bhai nargha-e dushman mein kaam aya hai
Tasavurat ki parchaiyan ubharti hain

har aik gaam pey badnaamion ka jhamghat hai
har aik morh pe ruswayion ke maley hain
na dosti, na takaluf, na dilbari, na khuloos
kisi ka koi nahi, aaj sab akailey hain
Tasavurat ki parchaiyan ubharti hain

woh raahguzar jo mairey dil ki tarha soni hai
na janey tum ko kahaan ley key janey wali hai
tumhein khareed rahey hain zameer key qatil
ufaq pey khoon-e tamana-e dil ki laali hai
Tasavurat ki parchaiyan ubharti hain

sooraj key lahoo mein luthri hui woh shaam hai ab tak yaad mujhay
chahat key sunehrey khuwabon ka anjaam hai ab tak yaad mujhay

Us shaam mujhay maaloom hua khaiton ki tarha is dunya mein
sehmi hui doosheezaon ki muskaan bhi baichi jaati hai
us shaam mujhay maaloom hua, is kaargah-e zardaari mein!
dou bholi bhaali roohon ki pehchaan bhi baichi jaati hai
Us shaam mujhay maaloom hua jab baap ki khaiti bik jaye
mamta key sunehrey khuwabon ki anmol nishani bikti hai
us shaam mujhay maloom hua jab bhai jang mein kaam ayein
sarmaye key qehba khanon mein behnon ki jawani bikti hai

sooraj key lahoo mein luthdi hui woh shaam hai abtak yaad mujhay
chahat key sunehrey khuwabon ka anjaam hai ab tak yaad mujhay

Tum aaj hazaron meel yahaan sey door kaheen tanhai mein
ya bazm-e tarab aarai mein
mairey sapney bunti hogi, baithi aaghosh parayi mein

aur mein seeney mein gham ley kar din raat mushaqat karta hoon
jeeney ki khatir marta hoon
apney fun ko ruswa kar key aghyaar ka daaman bharta hoon
majboor hoon mein, majboor ho tum, majboor yeh dunya saari hai
tann ka dukh, mann par bhaari hai
Is dour mein jeeney ki qeemat ya daar o rasan, ya khuwari hai

mein daar o rasan tak ja saka, tum jehed ki had tak aa na sakeen
chaha to magar apna na sakeen
Hum tum dou aisee roohein hain jo manzil-e-taskeen paa na sakeen

Jeeney ko jiye jatey hain magar saanson mein chitayein jalti hain
khamosh wafayein jalti hain
sangeen haqayiq zaron mein khuwabon ki ridayein jalti hain

aur aaj jab in paidron key taley phir dou saaye lehraye hain
phir dou dil milney aaye hain
phir mout ki aandhi uthi hai, phir jang key baadal chaye hain

mein soch raha hoon in ka bhi apni he tarha anjaam na ho
unka bhi junoon naakaam na ho
jeepon mein sulagti dhool taley phoolon ki qabayein toot gayeen
sooraj key lahoo mein luthdi hui woh shaam hai abtak yaad mujhay
chahat key sunehrey khuwabon ka anjaam hai abtak yaad mujhay

Humara pyaar hawadis ki taab la na saka
magar inhein to muradon ki raat mil jaye
humein kashmakash-e marg-e bey amaan he mili
inhein to jhoomti gaati hayaat mil jaye

bohot dinon sey hai yeh mashghala siyasat ka
keh jab jawaan hon bachey to qatl ho jayein
bohot dinon sey hai yeh khabt hukmraanon ko
key door door key mulkon mein qeht bou jayein

bohot dinon sey jawani key khuwaab veeran hain
bohot dinon sey mohabbat panah dhoondti hai
bohot dinon sey sitam deeda shaahrahon mein
nigar-e zeest ki asmat panah dhoondti hai

chalo aaj sabhi payemaal roohon sey
kahein key apney har ik zakhm ko zubaan kar lein
humara raaz, humara nahi sabhi ka hai
chalo key saarey zamaney ko raazdaan kar lein

chalo ke chal key siyasi maqaamron sey kahein
key humko jang-o jadal ki chalan se nafrat hai
jisey lahoo ke siwa koi rang raas naa aaye
humein hayat ki us pairahan se nafrat hai

kaho ke ab koi qaatil agar idher aaya
to har qadam pey zameen tang hoti jaye gi
har ik mouj-e hawa rukh badal key jhaptey gi
har ik shaakh rag-e sang hoti jaye gi

utho keh aaj har ik jangju sey yeh keh dein
key humko kaam ki khaatir kulon ki haajat hai
humein kisi ki zameen cheen-ney ka shouq nahi
humein to apni zameen par hallon ki haajat hai

kaho ke ab koi taajir idher ka rukh na karey
ab is jagah koi kanwari na baichi jaye gi
yeh khait jaag parey, uth khari hui faslein
ab is jagah koi kiyari na baichi jaye gi

 

yeh sar-zameen hai gautam aur nanak ki
is arz-e paak pe vehshi na chal sakein gey kabhi
humara khoon amanat hai nasl-e nau ke liye
humarey khoon pe lashkar na pall sakeingey kabhi

(Sahir Ludhianvi)

Contributed by Zohaib Mushtaque

Khaamoshii kaa samaa.N hai aur mai.n huu.N

Khaamoshii kaa samaa.N hai aur mai.n huu.N
dayaar-e-Khuftagaa.N hai aur mai.n huu.N

[dayaar-e-Khuftagaa.N = world of sleeping people]

kabhii Khud ko bhii i.nsaa.N kaash samajhe
ye sa_ii-e-raayagaa.N hai aur mai.n huu.N

[sa_ii-e-raayagaa.N = futile attempt]

kahuu.N kis se ki is jamahuuriyat me.n
hujuum-e-Khasaravaa.N hai aur mai.n huu.N

[hujuum-e-Khasaravaa.N = mob of kings]

pa.Daa huu.N is taraf dhuunii ramaaye
ataab-e-rah-ravaa.N hai aur mai.n huu.N

[ataab-e-rah-ravaa.N = wayfarers' wrath]

kahaa.N hai ham-zabaa.N allaah jaane
faqat merii zabaa.N hai aur mai.n huu.N

[faqat = merely]

Khaamoshii hai zamii.n se aasmaa.N tak
kisii kii daastaa.N hai aur mai.n huu.N

qayaamat hai Khud apane aashiyaa.N me.n
talaash-e-aashiyaa.N hai aur mai.n huu.N

jahaa.N ek jurm hai yaad-e-bahaaraa.N
vo laafaanii Khizaa.N hai aur mai.n huu.N

[laafaanii Khizaa.N = eternal autumn]

tarasatii hai.n Khariidaaro.n kii aa.Nkhe.n
javaahir kii dukaa.N hai aur mai.n huu.N

[javaahir = jeweller]

nahii.n aatii ab aavaaz-e-jaras bhii
Gubaar-e-kaaravaa.N hai aur mai.n huu.N

[aavaaz-e-jaras = sound of bells]
[Gubaar-e-kaaravaa.N = dust left behind by a caravan]

ma’al-e-ba.ndagii ai “Josh” taubaa
Khudaa-e-meharabaa.N hai aur mai.n huu.N

[ma'al-e-ba.ndagii = fruits of one's worship]

Josh Malihabadi

Ye LARKI Faqa-kash hoti to bad’surat nazar ati

Jo Ra’anayi nigahon k liye Firdaus-e-Jalwa hay,
Libas-e-Muflisi mein kitni be’qeemat nazr ati,
Yahan to Jazbiyat bhi hay daulat hi ki parwarda,
Ye LARKI Faqa-kash hoti to bad’surat nazar ati.

aik udaas lamhay ki nazam

Fariha Nigarina

Fariha Nigarina
tum ney mujh ko likha hai
Mere khat jala dijiye
Mujh ko fikr rehti hai
aap inhain ganwa dijiye
Aap ka koi saathi dekh ley to kiya hoga?
dekhiye mein kehti hun Yeh bohat bura hoga
Mein bhi kuch kahun tum se
Fariha Nigarina
Ay Ba’nazuki meena
itr bey naseena
rashk’e sar be seena
Mein tumharay har khat ko LOH’E DIl samajhta hun
LOH’e Dil Jala dun kia?
Jo bhi satr hai in ki
Kehkasha’ hai rishton ki
Kehkasha’n luta dun kia?
Hai sawaad’e beenai inka jo bhi nukta hai
Mein usay gunwa dun kia?
jo bhi harf hai inka
naqsh’e jaa’n hai jaanana
naqsh’e jaa’n mita dun kia??
LOh’e dil jala dun kia?
kahkasha’n luta dun kia?
Naqsh’e jaa’n mita dun kia??
Mujh ko likh k khat janum
apnay dehaan mein shayd
khuwaab khuwaab jazbon k
khuwaab khuwaab lamhon mein
younhi bey khayalana jurm kar gai ho tum
aur khayal aany par US Se dar gai ho tum
JURM k tassawur mein gar yeh KHAT likhay TUM NEY
phir to meri raaiy mein JURM hi kiye tum ney
jurm! kiun kiye jayein?
jurm! kiun kiye jayein?
khat hi kiun likhey jayein…!

Jaun Elia

Tum Jab Aao gi Tau Khoya Huwa Pao Gi Mujhe

Tum Jab Aao gi Tau Khoya Huwa Pao Gi Mujhe,
Meri Tanhai Mein Khawabon k Siwa Kuch Bhi Nahi,
Mere Kamre Ko Sajane Ki Tamana Hai Tumhen,
Mere Kamre Mein Kitabon k Siwa Kuch Bhi Nahi,
In Kitabon Ne Bara Zulam Kiya Hai Mujh Par,
In main Ik Ramz Hai, Jis Ramz Ka Mara Hua Zehan,

Muzda-e-Ishrat-e-Anjam Nahi Pa Sakta,
Zindagi Mein Kabhi Araam Nahi Pa Sakta,,,!!

Jaun Elia

Ta’aluq apni jagah tujh se barqarar bhi hai

Ta’aluq apni jagah tujh se barqaraar bhi hai
Magar yeh kia ke tere qurb se farar bhi hai

Kuraid or zameen, mausamon ke mutlaashi
Yahin kahin meri khoi hui bahar bhi hai

Yahi na ho teri manzil, zara theher aye dil
Wahi makan hai, diyon ki wohi qitar bhi hai

Yunhi to rooh nahin torti hisar-e-badan
Zaroor apna koi badalon ke paar bhi hai

Mein pathron se hi sir ko patakh ke lout aya
Chatan kehti rahi mujh mein shahkaar bhi hai

Yeh kia k rok k betha hua hun saail-e-hawas
Machan per bhi hun or samne shikar bhi hai

Chupa hua bhi hun jeene ki aarzu le ker
Panah gah meri sher ki khachar bhi hai

Adeem us se karon bhi to kis tarah ka salook
Hareef bhi hai wo apna, wo apna yaar bhi hai…!!!

Adeem Hashmi

Kahin be kinasr se ratjagey

Kahin be kinaar se ratjagey..kahin zernigar se khwab de
Tera kya usul hai zindagi ..?!?! Mujhey kaun isska hisaab de

Jo bichha sakun teray wastey…jo saja sakein teray raastay
Meri dastaras mein sitarey rakhh …Meri muththiyon ko gulaab de

Yeh jo khwahishon ka parind hai …issey mosamon se gharz nahin
yeh urrey ga apni hi mauj mein …issey aab de kay sarab de!

Tujhey chhu liya tou bharak uththey ..meray jsim o jaan mein charagh se
Issi aag mein mujhey raakh ker … issi sholagii main shabaab de

KAbhi yuun bhi ho teray ru baru ..mein nazar mila ker yeh keh sakun
” meri hasraton ko shumar ker …meri khwahishon ka hisaab de”

Teri ik nigah kay faiz se ..meri kasht-e-harf chamak uththey
mera lafz lafz ho kehkashan …mujhey aik aesi kitaab de

Raho’N pe nazar rakhna, honto’N pe dua rakhna

 

 

Raho’N pe nazar rakhna, honto’N pe dua rakhna
Aa jaey koi shaid, darwaza khula rakhna
Ehsaas ke shamaa ko, iss tarah jala rakhna
Apni bhi khabar rakhna, uss ka bhi pata rakhna
Raato’N ko bhatakny ke, deta hy saza mujh ko
Dushwaar hy pehlu mein, dil, tery binaa rakhna
Logo’N kee nigaho’N ko parh leny kee aadat hy
Haalaat ke tehreerei’N, chehry se bachaa rakhna
Bhoolu’N mein agar ay dil, tu yaad dila dena
Tanhai  k lamho’N ka, har zakhm haraa rakhna
Ik boond bhi ashko’N kee, daaman na bigho paey
Gham uss ke amaanat hy, palko’N pe sajaa rakhna
Iss tarah Qateel uss se, bartaao rahy apna
Wo bhi na bura maany, dil ka bhi kahaa rakh

Wangaan Gujrati

Wangaan Gujrati from 4:40

enjoy

hum, jo tareek raaho’N mein maary gaey

tery honto’N k phoolo’N ke chahat mein hum
daar kee khushk tehni pe…………vaary gaey
tery hatho’N kee shama kee hasrat mein hum
neem taareek raaho’N mein……..maary gaey
soolio’N par hamary labo’N se………….pary
tery honto’N ke laali………………lapakti rahi
teri zulfo’N ke masti………………barasti rahi
tery hatho’N ke chandi…………damakti rahi
jab ghuli teri raho’N mein sham-e-sitam
hum chaly aaey, laey jaha’N tak qadam
lab pe harf-e-ghazal, dil mein qindeel-e-gham
apna gham tha gavahi…….tery husn ke
dekh……qayam rahy iss gavahi pe hum
hum, jo tareek raho’N mein maary gaey
naa rasai agar apni………..taqdeer thi
teri ulfat to…………apni he tadbeer thi
kis ko shikwa hy?, gar shouq k silsily
hijr ke qatl gaho’N sy sb……….ja mily
qatl gaho’N sy chunn kr hamary alam
aur niklei’N gy………ushhaaq k qaafly
jin ke raah-e-talab se hamary qadam
mukhtasir kar chaly……dard k faasly
kar chaly jin ke khaatir, jaha’N geer hum
jaa’N ganvaa kar teri dilbari ka bharam
hum, jo tareek raaho’N mein maary gaey

Faiz Ahmed Faiz from “Zindaan Nama”

Contribution by Amaavas”

iss shehar mein aesi bhi qayamt na hue thi

iss shehar mein aesi bhi qayamt na hue thi
tanha thy magar, khud se to vehshat na hue thi

yeh din hy k, yaro’N ka bharosa bhi nahe hy
wo din thy k, dushman se bhi nafrat na hue thi

ab saans ka ehsas bhi ik baar-e-gira’N hy
khud apne khilaaf aesi baghavat na hue thi

ujray huay iss dil k har ik zakhm se poocho
iss shehr mein kis kis se muhabbat na hue thi?

ab tery qareeb aa k bhi, kuch soch raha hoon
pehly tujhy kho kar bhi, nadamat na hue thi

khawabo’N ke hawa raas thi jab tak mujhy Mohsin
yoo’N jaagty rehna meri aadat na hue thi

Mohsin Naqvi from “Barg-e-Sehra”

Contribution by “Amaavas”

Mujhe khud se hain shikaytain, Mujhe zindagi se gilaa nahin

Mujhe khud se hain shikaytain, Mujhe zindagi se gilaa nahin,
Ke jo chaha mene woh paa liya, Nahin aesa kuch jo mila nahin,

Mere aas paas hai roshni, Mere raaston mein chirag hain,
Yeh tere karam ka hai mojzaa, Meri justuju ka silaa nahin,

Teri aankh se jo haseen ho, Woh nigaah jag main bani nahin,
Tere rukh ko jis se misaal doon, Koi aesa phool khilaa nahin,

Yeh jo teri zulf ka hai haashia, Yeh jo tera chehra hai khush’numa,
Koi raat aesi siyaah nahin, Kisi subaah mein yeh jala nahin,

Yeh jo mehr-o-maa ki hain haaltain! Yeh jo aayino ki hain hairtain,
Hain azzal se sab yeh isi tarah, Koi apni jagha se hillaa nahin..

Zindagi se yehi gila hai mujhay

Zindagi se yehi gila hai mujhay
Tu buhat dair se mila hai mujhey

Tu muhabbat se koi chaal to chal
Haar jane ka hosla hai mujhay

Hum’safar chahiye hujoom nahi
Aik musafir bhi qafila hai mujhay

Dil dharakta nahi sulagta hai
Woh jo khawahish thi aabla hai mujhay

Lab kusha hoon tu iss yaqeen k saath
Qatal honay ka hausla hai mujhay

Kaun janay k chahto’n may Faraz
Kya ganwaya hai kya mila hai mujhay!

Kohkan ho k Qais ho k Faraz
Sab mein ik shakhs hi mla hai mujhay

Tum Aisa Karna Keh Koi Jugnoo Koi Sitara Sambhaal Rakhna

Tum Aisa Karna Keh Koi Jugnoo Koi Sitara Sambhaal Rakhna
Mere Andhero’n Ki Fikar Choro Bas Apne Ghar Ka Khayal Rakhna

Ujaar Mosam Mein Rait Dharti Pe Fasal Boi Thi Chaandni Ki
Ab Is Mein Ugnay Lagay Andhere To Kaisa Jee Mein Malaal Rakhna

Diyaar-e-Ulfat Mein Ajnabi Ko Safar hai Darpesh Zulmato’n ka
Kahi’n Woh Raahon Mein Kho Na Jaaye Zara Darechay Ujaal Rakhna

Wo Rasm-o-Raah He Nahi’n Rahe Jab To Naamay Kis Kaam Ke Tumhare
Udhar Se Guzraa Kabhi To LooN Ga Mere Khato’N Ko Nikaal Rakhna

Bicharne Wale Ne Waqt-e-Rukhsat Kuch Is Nazar Se Palat Ke Dekha
Keh Jaise Woh Bhi Yeh Keh Raha Ho Tum Apne Ghar Ka Khayal Rakhna

Yeh Dhoop Chaao’n Ka Khel Hai Ya Khizaa’n Bahaaro’n Ki Ghaat Mein Hai
Naseeb-e-Subh Ujrooj Ho To Nazar Mein Shaam-e-Zawaal Rakhna

Kisay Khabar Thi Keh Kab Ye Mosam Uraa Ke Rakh De Ga Khaak "Aazar"
Tum Ehtiyatan Zamee’n Ke Sar Pe Falak Ki Chaadar Bhi Daal Rakhna

Aezaaz Ahmed Aazar

aik shair

yuuN to haR lamhaa teri yaad kaa bojhal guzaraa
dil ko mahasuus hui teri kami shaam ke baad

Tark e Taluqaat pe Roya na tu na mian

Tark-e-Taluqaat pe Roya na tu na mian
Lekin ye kia ke chain se soya na tu na main

Halaat ke talism ne pathra dia magar
Beete samay ki yaad main khoya na tu na main

Her chand ke ikhtilaaf ke pehlu hazar the
Waa kar saka magar lab-e-goya na tu na main

Nohay Faseel-e-zabt se unchay na ho sake
Khul kar dayar-e-sang main roya na tu na main

Jab bhi nazar uthti to falak ki taraf uthti
Bargushta aasman se goya na tu na main

Kahin Chaand Raahon main kho gaya

kahin chand rahon mein kho gaya, khain chandni bhi bhatak gai
mein charagh wo bhi bujha howa, meri raat kesey chamak gai….

meri dastaan ka urooj tha, teri narm palkon ki chha’oon mein
merey sath tha tujhey jagna, teri ankh kesey jhapak gai….

kabhi hum miley bhi to kia miley, wohi dorian wohi fasley
na kabhi hamarey qadam barhey, na kabhi tumhari jhijhak gai….

Tere Hath se Mere Hont tak wohi intzar ki Piyas hai
Mere Naam ki jo Sharab thi kahin raste mein Chhalak gai…

tujhey bhool janey ki koshishain, kabhi kamyaab na ho sakin
teri yad shakh-e-gulab hey, jo hawa chali to lachak gai….

kaar-e-duniya main kuch ae dil nahin behtar tu bhi

kaar-e-duniya main kuch ae dil nahin behtar tu bhi
koocha-e-ishq se chun laya hai kankar tu bhi

jab talak baam-e-falak par hai, sitara tu hai
aur agar toot ke gir jaye tau pathar tu bhi

ye qanaa’t bhi muhabbat ki ataa hai warna
shehr main aur buhat, aik gadager tu bhi

mere andazay se kuch barh ke thi zalim duniya
paaon rakh rah-e-tamanna pe sanbhal ker tu bhi

ajnabi lagta hai kiyun aalam-e-bedaari mujhay
kahin rehta hai mere khwaab ke andar tu bhi

main usi morr pe manzil ki talab chorr aai
ho liya jab se mere saath safar per tu bhi

main kiran war shab-e-mah main tujh per utri
mauj der mauj utha ban ke samander tu bhi

mangna bhool gai main tau tamanna ka sila
do jahan saamnay phailay thay baraber tu bhi

(Samina Raja)

ni main jana jogi de naal – Nusrat Fateh Ali Khan

Makkay Gayan Gal Muk Dee Naaahi
Pawain So So Jummay Parh Aaiyeh
Ganga Gayan Gal Muk Dee Naaahi
Pawain So So Gotay Khaiyeh
Gaya Gayan Gal Muk Dee Naaahi
Pawain So So Pand Parhaiyeh
Bulleh Shah Gal Taaiyoon Muk De
Jadon Mai Nu Dillon Gawaiyeh 

Parh Parh Aalam Faazal Hoya
Kadee Apnay Aap Nu Parheya Ee Nai
Ja Ja Warda Mandir Maseeta
Kadee Munn Apnay Wich Warrya Ee Nai
Aiwayn Rooz Shaytaan Naal Lardaan
Kadee Nafs Apnay Naal Larrya Ee Nai
Bulleh Shah Aasmani Urheeyan Pharda
Jayraa Ghar Baitha Ohnu Pharyaa Ee Nai
Raatein Jaagi Te Shika Sada Wayn
Per Raat Nu Jagan Kutte Tein Tii Uthe
Raatein Bhonko Buss Na Karday
Fayr Ja Larran Vich Sutay Te Tii Uthe
Yaar Da Buuha Mool Na Chadd De
Pawein Maro So So Jutay Te Tii Uthe
Bulleh Shah Uth Yaar Mana Le
Nai Te Baazi Le Gaye Kutte Tein Ti Uthe
Raanjha Chaak Na Aakho Kurryo
Ne Ehnu Chaak Kehndee Sharmawaan
Main Jaeaan Lakh Heeraan Iss Nu
Ta Mei Kiss Gintee Wich Aawan
Takht Hazaray Da Eh Malik
Tay May Heer Sayal Sadawan
Bulleh Shah Rub Kook Sunay
Tay Mei Chaak Dee Chaak Ho Jawan

Raanjha Jogi Raah Ban Aya
Ay Nay Anokha Bhays Wataya
Ahd O Ahmad Naam Dharaya
Nee Mei Jana Jogi Day Naal
Koi Kissay Day Naal Koi Kissay Day Naal
Per Mei Jogi Day Naal Naal
Jadon Dee May Jogi Dee Hoyee
Mai Wich Mei Na Reh Gayee Koi

Ranjha Ranjha Karde
Nee Mei Aapay Ranjha Hooi
Sadiyoo Mee May Nu Peedo Ranjha
Heer Na Aakho Koi
Mei Nahi Woh Aap Hai
Apni Aap Karay Dil Joii
Jiss Day Naal May Neun Lagaya
Ohday Wargee Hoyee Sayyon 10:00

Jogi Mere Naal Naal
Mei Jogi Day Naal Naal
Nee Mei Jana Jogi Day Naal
Kannee Mundaran Pa Kay
Nee Aye Jogi Nai
Koi Roop Hai Rub Da
Bhays Jogi Da Is Nu Phabda
Is Jogi Maira Joorra Khassya
Aye Jogi Mayray Munn Which Wasya
Such Aakhan Aye Qasmay Quranay
Jogi Mayra Deen Eeman Ay
Is Jogi Mainu Keeta Rogee
Nee May Iss Jogi
Hun Hore Na Jogi
Nee Mei Jana Jogi Day Naal
Kannee Mundaran Pa Kay
Tarr Gayi Way Mei Tarr Gayi Loko
Akh Jogi Nal Larr Gayi Loko

Bulleh Shah

Tum aik gorakh dhandha ho

Kabhi Yahaan Tumhein Dhonda, Kabhi Wahaan Pohncha
Tumhari Deed Ki Khaatir Kahan Kahan Pohcha
Ghareeb Mit Ga’ay, Pamaal Ho Gaye Laikin
Kisi Talak Na Tera Aaj Tak Nishaan Pohncha

Ho Bhi Nahi Aur Her Jaa Ho
Ho Bhi Nahi Aur Her Ja Ho
Tum Ek Gorakh Dhanda Ho

Her Zarray Mein Kiss Shaan Say Tu Jalwa Numa Hai
Hairaan Hai Magar Aqal K Kaisay Hai To Kia Hai
Tum Ek Gorakh Dhanda Ho

Tujhay Dair-O-Haram Mein Nai Dhonda Tu Nahi Milta
Magar Tashreef Farma Tujhay Apne Dil Mein Daikha Hai
Tum Ek Gorakh Dhanda Ho

Dhonday Nahi Milay Ho Na Dhonday Say Kaheen Tum
Aur Phir Yeah Tamasha Hai, Jahan Hum Hein Waheen Tum
Tum Ek Gorakh Dhanda Ho

Jab Bajuz Tairay Koi Dosra Maujood Nahi
Phir Samajh Mein Nahi Aata Tera Purdah Karna
Tum Ek Gorakh Dhanda Ho

Harm O Dair Mein Hai Jalwa E Purfan Tera
Do Gharoon Ka Hai Charaagh E Kurkhe Roshan Tera
Tum Ek Gorakh Dhanda Ho

Jo Ulfat Mein Tumhari Kho Gaya Hai, Usi Kho’ay Hoay Ko Kuch Mila Hai
Na But-Khanay, Na Kabay Mein Mila Hai, Magar Totay Hoay Dil Mein Mila Hai
Adam Bun Ker Kaheen To Chup Gaya Hai, Kaheen To Hast Bun Ker Aa Gaya Hai

Nahi Hai Tu To Phir Inkaar Kaisa, Nafi Bhi Tairay Honay Ka Pata Hai
Mein Jiss Ko Keh Raha Hoon Apni Hasti, Agar Wo Tu Nahi To Aur Kia Hai
Nahi Aaya Khayaloon Mein Agar Tu, To Phir Mein Kaisay Samjha Tu Khuda Hai
Tum Ek Gorakh Dhanda Ho

Hairan Hoon Is Baat Pay, Tum Kon Ho Kia Ho
Haath Aao To But, Haath Na Aao To Khuda Ho
Tum Ek Gorakh Dhanda Ho

Aqal Mein Jo Ghir Gaya La-Intiha Kiyoon Ker Hoa
Jo Samajh Mein Aa Gaya Phir Wo Khuda Kiyoon Ker Hoa
Tum Ek Gorakh Dhanda Ho

Falsafi Ko Behas K Ander Khuda Milta Nahi
Dour Ko Suljha Raha Hai Aur Sira Milta Nahi
Tum Ek Gorakh Dhanda Ho

Pata Yoon To Bata Daitay Ho Sub Ko La-Makaan Apna
Ta’ajub Hai Magar Rehtay Ho Tum Tootay Hoay Dil Mein
Tum Ek Gorakh Dhanda Ho

Jab K Tujh Bin Nahi Koi Maujood
Phir Yeah Hangama Ay Khuda Kia Hai
Tum Ek Gorakh Dhanda Ho

Chuptay Nahi Ho, Samnay Aatay Nahi Ho Tum, Jalwa Dikha K Jalwa Dikhatay Nahi Ho Tum
Dair O Haram K Jhagray Mita’tay Nahi Ho Tum, Jo Asal Baat Hai Wo Batatay Nahi To Tum
Hairaan Hoon Mairay Dil Mein Sama’ay Ho Kiss Tarah, Haan’la K Do Jahan Mein Samatay Nahi To Tum
Yeah Ma Bud O Haram, Yeah Qaleesa-o-Dair Kiyoon, Harjayii Ho Jabhi To Bata’tay Nahi To Tum
Tum Ek Gorakh Dhanda Ho

Dil Peh Hairat Nai Ajab Rung Jama Rakha Hai, Aik Uljhi Howi Tasveer Bana Rakha Hai
Kuch Samajh Mein Nahi Aata K Yeah Chakkar Kia Hai, Khail Kia Tum Nai Azal Say Yeah Racha Rakha Hai
Rooh Ko Jism K Pingray Ka Bana Ker Qaidee, Us Pay Phir Mout Ka Pehraa Bhi Bithaa Rakha Hai
Day K Tadbeer K Panchi Ko Uranay Tu Nai, Daam-E-Tadbeer Mein Her Sumt Bicha Rakha Hai
Kar K Araish E Qounain Ki Barsoon Tu Nai, Khatam Karne Ka Bhi Mansooba Bana Rakha Hai

La-Makaani Ka Bahr Haal Hai Dawa Bhi Tumhein, Nahl-O-Akrab Ka Bhi Paighaam Suna Rakha Hai
Yeah Burai, Wo Bhalai, Yeah Jahannum, Wo Bahisht, Is Ulat Phiar Mein Farmao To Kia Rakha Hai
Jurm Aadam Nai Kiya Aur Saza Baitoon Ko, Adl O Insaaf Ka Mi’aar Bhi Kia Rakha Hai
Dai K Insaan Ko Dunya Mein Khilafat Apni, Ik Tamasha Sa Zamanay Mein Bana Rakha Hai
Apni Pehchaan Ki Khaatir Hai Banaya Sub Ko, Sub Ki Nazaroon Say Magar Khud Ko Chup Rakha Hai
Tum Ek Gorakh Dhanda Ho

Nit Naye Naqsh Banatay Ho Mita Daitay Ho, Janay Kiss Jurm-E-Tamanna Ki Saza Daitay Ho
Kabhi Kunker Ko Bana Daitay Ho Heeray Ki Kani, Kabhi Heeron Ko Bhi Mitti Mein Mila Daitay Ho
Zindagi Kitnay He Murdoon Ko Ata Ki Jiss Nai, Wo Maseeha Bhi Saleebon Pay Saja Daitay Ho
Khuwahish-E-Deed Jo Kar Baithay Sir-E-Tuur Koi, Tuur Hee Bark e Tajaali Say Jala Daitay Ho
Nalay Namrood Mein Dalwatay Ho Qudrat Na Khaleeq, Khud Hee Phir Naar Ko Gulzaar Bana Daitay Ho

Chahay Kin Aan Mein Phainko Kabhi Maah Kinaan, Noor Yaqoob Ki Aankhon Ka Bujha Daitay Ho
Day Ke Yusuf Ko Kabhi Mirs K Bazaaron Mein, Aakhir Kaar Shah-E-Misr Bana Daitay Ho
Jazb O Masti Ki Jo Manzil Pe Pohonchta Hai Koi, Baith Ker Dil Mein Anal Haq Ki Sada Daitay Ho
Khud He Lagwatay Ho Phir Kufr K Fatway Us Per, Khud He Mansoor Ko Sooli Peh Charha Daitay Ho
Apni Hasti Bhi Wo Ik Rooz Gawa Baith’ta Hai, Apne Darshan Ki Lagan Jiss Ko Laga Daitay Ho

Koi Ranjha Jo Kabhi Khooj Mein Nikle Teri, Tum Usay Jhang K Bele Mein Rula Daitay Ho
Justujo Lay K Tumhari Joh Chalay Qais Koi, Us Ko Majno Kisi Laila Ka Bana Daitay Ho
Jot? Sassi K Agar Mun Mein Tumhari Jagay, Tum Usay Taptay Hoay Thal Mein Jala Daitay Ho
Sohni Gar Tum Ko Mahiwaal Tassawur Ker Le, Us Ko Bikhri Howi Lehroon Mein Baha Daitay Ho
Khudh Joh Chaho To Sar-E-Arsh Bula Ker Mehboob, Aik He Raat Mein Mairaaj Kara Daitay Ho
Tum Ek Gorakh Dhanda Ho

Aap Hi Apna Pardah Ho
Tum Ek Gorakh Dhanda Ho

Jo Kehta Hoon Mana Tumhein Lagta Hai Bura Sa, Phir Bhi Hai Mujhay Tum Say Baharhaal Gila Sa
Chup Chaap Rahay Daikhtay Tum Arsh-E-Bareen Per, Taptay Hoay Karbal Mein Mohammad Ka Nawasa
Kiss Tarah Pilata Tha Laahu Apna Wafa Ko, Khud Teen Dino Say Wo Agarchay Tha Piyasa
Dushmun To Bahar Haal Thay Dumshun Magar Afsoos, Tum Nai Bhi Faraham Na Kia Pani Zara Sa

Her Zulm Ki Taufeeq Hai Zaalim Ki Wirasat, Mazloom K Hissay Mein Tasalli Na Dilasa
Kal Taaj Saja Daikha Tha Jis Shaqs K Sir Per, Hai Aaj Usi Shaqs K Haathon Mein Hikasa
Yeh Kia Hai Agar Pochon To Kehtay Ho Jawaban, Is Raaz Say Ho Sakta Nahi Koi Shanasa
Tum Ek Gorakh Dhanda Ho

Hairat Ki Ik Dunya Ho
Tum Ek Gorakh Dhanda Ho

Har Aik Jaan Pey Ho, Laikin Pata Nahi Maloom
Tumahra Naam Suna Nai, Nishaan Nahi Maloom
Tum Ek Gorakh Dhanda Ho

Dil Say Armaan Jo Nikal Ja’ay To Jugnu Ho Ja’ay, Aur Aankhon Mein Simat Aa’ay To Aanso Ho Ja’ay
Ja Pe Ya Huu Ka Jo Be Hu Karay Hu Mein Kho Ker, Us Ko Sultaniyaan Mil Jaein Woh Baahu Ho Ja’ay
Baalgi Ka Na Kisi Ka Ho Churi Ke Neechay, Halk-E-Asghar Mein Kabhi Teer Tarazu Ho Ja’ay
Tum Ek Gorakh Dhanda Ho

Kiss Qadar Beniyaaz Ho Tum Bhi
Daastan E Niyaaz Ho Tum Bhi
Tum Ek Gorakh Dhanda Ho

…

Raah-E-Tehqeeq Mein Her Gaam Pay Uljhan Daikhoon, Wohi Halaat O Khayalaat Mein Anaban Daikhoon
Bana Ke Rah Jaata Hoon Tasaveer Pareshaani Ki, Ghaur Say Jab Bhi Kabhi Dunya Ke Darpan Daikhoon
Aik He Khaaq Pay Fitrat Ke Tajaadaat Itne, Itne Hisson Mein Banta Aik He Angan Daikhoon

Kahin Zahmat Ki Sulagti Howi Patjhar Ka Sama, Kahin Rahmat Ke Barastay Hoay Sawan Daikhon
Kahin Punkartay Darya, Kabhin Khamosh Pahar, Kabhi Jungle, Kahin Sahra, Kahin Gulshan Daikhoon
Khoon Rulata Hai Yeh Taqseem Ka Andaaz Mujhay, Koi Dhanwaan Yahaan Per Koi Nirdhan Daikhoon

Din Ke Haathon Mein Faqat Ek Sulagta Suraj, Raat Ki Maang Sitaroon Say Muzayyan Daikhon
Kahin Murjha’ay Howe Phool Hein Sach’chaii Ke, Aur Kahin Jhoot Ke Kaanton Pay Bhi Joban Daikhon
Shams Ki Khaal Kaheen Khinchti Nazar Aati Hai, Kaheen Sarmad Ki Utarti Howi Gardan Daikhoon

Raat Kia Shay Hai Sawayra Kia Hai, Yeah Ujala Yeah Andhera Kia Hai
Mein Bhi Naayib Hoon Tumhara Aakhir, Kiyoon Yeh Kehtay Ho K Tera Kya Hai
Tum Ek Gorakh Dhanda Ho

Daikhnay Wala Tujhay Kia Dekhta
Tu Nai Her Rung Say Pardah Kia
Tum Ek Gorakh Dhanda Ho

Masjid Mandir Yeh Mekhanay, Koi Yeh Manay Koi Woh Manay
Sub Tere Hein Jaana Kasahanay, Koi Yeh Manay Koi Woh Manay
Ik Honay Ka Tere Qaail Hai, Inkaar Pay Koi Maail Hai
Ik Khalq Mein Shaamil Karta Hai, Ik Sub Say Akela Rehta Hai
Hein Dono Tere Mastanay, Koi Yeh Manay Koi Woh Manay
Sub Hein Jab Aashiq Tumhare Naam Ke, Kiyoon Yeh Jhagray Hein Rahim-O-Raam Ke
Tum Ek Gorakh Dhanda Ho

Dair Mein Tu Haram Mein Tu, Arsh Pe Tu Zameen Pe Tu
Jiss Ki Pohonch Jahan Talak Us K Liyeah Waheen Pe Tu
Tum Ek Gorakh Dhanda Ho

Her Ik Rung Mein Yakta Ho
Her Ik Rung Mein Yakta Ho
Tum Ek Gorakh Dhanda Ho

Markaz E Justuju, Aalam E Rung O Boo, Dum Ba Dum Jalwagar Tu He Tu Chaar Su
Hu K Mahool Mein Kuch Nahi Illah Hu, Tum Bohot Dilruba Tum Bohot Khoobaru
Arsh Ki Azmatein Farsh Ki Aabro, Tum Ho Qonein Ka Haasil-E-Aarzo
Aankh Nay Ker Lia Aanso’on Say Wazu, Ub To Ker Do Ata Deed Ka Ik Sabu
Aao Parday Say Tum Aankh K Ru Baru, Chund Lamhay Milan Do Ghari Guftagu
Naaz Jabta Phiray Ja Baja Qo Ba Qu, Wahdahu Wahdahu La Shareeka Laho

Allah Hu Allah Hu Allah Hu Allah Hu
Allah Hu Allah Hu Allah Hu Allah Hu

اے جذبہ دل گر میں چاہوں Ae Jazba-e-dil gar main chahoon

اے جذبہ دل گر میں چاہوں 
ہر چیز مقابل آ جائے 
منزل کے لیے دو گام چلوں 
اور سامنے منزل آ جائے

ہاں یاد مجھے تم کر لینا 
آواز مجھے تم دے لینا 
اس راہ محبت میں کوئی 
درپیش جو مشکل آ جائے 
اس راہ محبت میں کوئی 
درپیش جو مشکل آ جائے

اے جذبہ دل گر میں چاہوں

اے دل کی خلش چل یوں ہی سہی 
چلتا تو ہوں ان کی محفل میں 
اس وقت مجھے چونکا دینا 
جب رنگ پہ محفل آ جائے

اے راہبر کامل چلنے کو 
تیار تو ہوں پر یاد رہے 
اس وقت مجھے بھٹکا دینا 
جب سامنے منزل آ جائے

آتا ہے جو طوفان آ نے دو 
کشتی کا خدا خود حافظ ہے 
مشکل تو نہیں ان موجوں میں 
بہتا ہوا ساحل آ جائے
**********

Allama Iqbal by Munshi Raziuddin – Az dair-e-mughan aayem (With Urdu Translation)

 

پس چہ بائد کرد
اے اقوامِ شرق
(اقبال)

Lyrics in Persian(Farsi)

مست گشتم از دو چشم ساقی پیمانہ نوش
الوداع اے ننگ ناموس الفراق اے عقل ہوش
نیاز بریلوی

قندہار و زیارت خرقہ مبارک

غزل
از دیر مغان آیم بی گردش صہباست
در منزل لا بودم از بادہ الا مست
I come from the temple of Magians(Old Persian Magus)intoxicated with the passing of wine.
I was inebriate with the wine of illa in the state of la*(Nothingness).

دانم کہ نگاہ او ظرف ہمہ کس بیند
کرد است مرا ساقی از عشوہ و ایما مست
I know his eyes perceive the capacity of every person,
the saqi has made me ecstatic by his blandishment and beckoning.

وقت است کہ بگشایم میخانۂ رومی باز
پیران حرم دیدم در صحن کلیسا مست
It is time I should again open the tavern(Mai-Khana) of Rumi:
I have seen the custodian (پیران) of the Harem intoxicated in the churchyard.

این کار حکیمی نیست دامان کلیمی گیر
صد بندۂ ساحل مست یک بندہ دریا مست
It is not the work of a philosopher, catch hold of the hem of a Moses, who conversed with God.
A hundred persons enrapt with the shore and but one tipsy with the river.

از حرف دلاویزش اسرار حرم پیدا
دی کافرکی دیدم در وادی بطحا مست
From his delightful words, the secrets of the Harem shine out:
I saw a mini‐infidel yesterday intoxicated in the valley of Batha.

سینا است کہ فاران است یارب چہ مقام است اینہر ذرہ خاک من چشمی است تماشا مست
Is this Sinai or Faran? O God, what is this place?
Each particle of my dust is an eye lost in beholding the garment of that Interstice that cannot be crossed

Qatal chuptay thay kabhi sang ki deewar k beech

Qatal chuptay thay kabhi sang ki deewar k beech

Ab to khulny lagy maqtal bhary bazar k beech

 

Apni poshak ke chin janay pe afsoos na kar

Sar salamat nahin rehtay yahan dastaar k beech

 

Surkhian aman ki talqeen mein masroof raheen

Haroof barod ugaltay rahay akhbar k beech

 

Kash iss khuwab ki tabeer ki mohlat na milay

Sholay ugtay nazar aaye mujhy gulzar k beech

 

dhalty soraj ki tamazat nay bikhar kar dekha

sar kasheeda mera saya saf-e-ashjar k beech

 

Rizq, malbos, makaN, sans, marz, qarz, dawa

Munqisem ho gya insaN inhe afkar k beech

 

Dekhay jatay na thay aanso meray jis say Mohsin

Aj hanstay howay dekha usay aghyaar k beech

 

(Mohsin Naqvi)

dum sadh ke daikhon tujhay, jhapkoon na palak bhi

dum sadh ke daikhon tujhay, jhapkoon na palak bhi
ankhon main samau loon tere lehjay ki damak bhi

ae ishq agar mujh ko tera izn ho mumkin
aaghosh main le loon tere paikar ki mehak bhi

ae zikr mere fikar ki taqdeer badal de
ae noor mere nutaq ke kaase main jhalak bhi

ae qatra-e-khoon mushaf-e-rukhsaar pe til bun
ae setar-e-tapan kaghaz-e-saada pe dehak bhi

dil arz-e-hunar hai tau badan urz-e-hunar hai
ae mere dil-e-saada mere tan main dharrak bhi

ye rang mère noir main rakhay gain ussi ne
gandhwai thi jis ne meri matti ki mehak bhi

uss shahar ki janib mere paon nahin uthte
iss dil woei door karay ga ye jhijhak bhi

kaya main ne kiya hai ke saza waar-e-rida hoon
mujh ko tau buhat hai teri kamli ki jhalak bhi

(khalid Ahmad)

kab aate ho …. kab jaate ho ….

na aamad ki aahat aur na janay ki toh milti hai
kab aate ho …. kab jaate ho ….
Imli ka yeh pairr hawa main jab hilta hai tau,
eenton ki deewar par parchhai ka cheenta padhta hai
aur jazb ho jaata hai jaise..
sookhi matti par koi paani ke qatra phaink gaya ho..
dheere dheere aangan main phir dhoop sisakti rehti hai..
kab aate ho.. kab jaate ho..

band kamray main kabhi kabhi
jab diye ki lau hil jati hai tau
aik bada sa saya mujhko ghont ghont peenay lagta hai
ankhain mujh se door baith ke mujhko dekhti rehti hain
kab aate ho.. kab jaate ho..
din main kitni baar mujhay tum yaad aate ho

(Gulzar)

Hum se mat poch rastay gher ke

Hum se mat poch rastay gher ke
hum musafer hain zindage bher ke

kaun suraaj ke aankh se din bher
zakham ginta hai shab ki chader ke

sulah ker le yeh soch ker main ne
mere dushman na the baraber ke

kudh se khemay jala diye main ne
hoslay diekhna the lashker ke

yeh sitaray yeh tottay motti!
aks hain maray dida-e-ay ter ke

ger janoo muslehat na aapnaye
saray rishtay bohat hain phater ke

hum bhi chuntay the seepiyan akser
hum bhi maqrooz hain samander ke

aankh ke gird matami halqay
saye jessay jalay huwe gher ke

dostoon ki zuban tu khulnay do
bhool jaoo ge zakham khanjer ke

chand bhi zerd per gaya aakher
ujray aangan main roshni ker ke

aankh nam bhi karo to bas itni
rang pheekay parain na manzer ke.

Mohsin Naqvi

aik wo log banaya gaya jinhain chandni aur gul-e-tar se

aik wo log banaya gaya jinhain chandni aur gul-e-tar se
saman-e-nishat-e-dil bhi wohi, unwaan-e-guzar-e-jaan bhi wohi

aik wo log jo khalq huway parwangi aur khaakister se
dil aur dil zadagaan bhi wohi aur us ke fasana garan bhi wohi

issi gham ki aut mila tha wo, mujhay pehli baar yahin kahin

issi gham ki aut mila tha wo, mujhay pehli baar yahin kahin

kisi chashm-e-tar main talash kar usay mere yaar yahin kahin

ye jo simt-e-ishq main jheel hai, ye jo simt-e-gham main pahar hain

meri raah dekh raha na ho mera shahsawaar yahin kahin

ye tah-e-faseel saraab sa kabhi sail-e-bekh-o-tanab tha

meri jaan khayaam pazir thay tere jaan nisaar yahin kahin

Khalid Ahmad

is se agay na zameen ha na zamanaa koi aur..

is se agay na zameen ha na zamanaa koi aur..
ab kahan tak tari khusboo se kinnaraa kiay jaiyn..

jo bhi avay hai nazdeek hi baithay hai tere
hum kahan tak tere pehlo se saraktay jaiyn

APNI TASWEER KO ANKHON SE LAGAATA KYA HAI

APNI TASWEER KO ANKHON SE LAGAATA KYA HAI
IK NAZAR MEREE TARAF DEKH TERA JAATA KYA HAI

MEREE RUSWAI MEIN WOH BHI HAIN BARABAR KE SHAREEK
MERE QISSAY MERAY YAARO KO SUNATA KYA HAI

PAAS RAH KAR BHI NA PEHCHAAN SAKA TU MUJH KO
DOOR SE DEKH KE AB HAATH HILATA KYA HAI

UMR BHAR APNAY GAREBAAN SE ULAJHNAY WALE
TU MUJHE MERE HI SAAYE SE DARAATA KYA HAI

MAIN TERA NAHEEN HOON MAGAR ITNA TO BATA
DEKH KAR MUJH KO TERE ZAHEN MEIN AATA KYA HAI

Wo to aaine ko bhi hairat mai daal deta hai

Wo to aaine ko bhi hairat mai daal deta hai
Kisi kisi ko Khuda ye kamaal deta hai

Naam ko bhi wafa jis ko yaad nahi
Wo sab ko apni wafa ki misaal deta hai

Or apna to taaluk us kabile se hai
Jo Naiki kar ke dariya mai daal deta hai..

Tarap rahi hai har ik tamanna

tarap rahi hai her ik tamanna na tum se miltay na aisa hota,
bujhi bujhi si hai dil ki dunya na tum se miltay na aisa hota,

hm aisi mehfil mei kesay jayen?jahan k manzer hamen jalayen,
ager hai jalna,jalen gy tanha na tum se miltay na aisa hota,

na chain aye na maut aye,jee rahay hain na mer rahay hain,
kahan tha pehlay ye haal apna na tum se miltay na aisa hota,

Shafaq ki jheel main jab sang-e-aftab giray

Shafaq ki jheel men jab sang-e-aftaab giray,
Humare ghar pe siyah raat ka azab giray,

Kahin to gardish-e-ayyam thak k saans bhi le,
Kabhi to khaima-e-aflaak ki tanaab giray,

Kisi k raaygan ashkon ka kuchh hisaab to kr,
Falak se youn to sitare bhi be-hisaab giray,

Kahin to silsla-e-intezar khatam bhi ho,
Kisi tarah to ye deewar-e-iztiraab giray,

Ghazal ke roop main wo roobaru jo ho Mohsin,
Labon se lafz urrain haath se kitaab giray….!

Kiyun tu acha lagta hai

kyo tu acha lagta hai
waqt mila to sochenge
tujh mein kya kya dekha hai
waqt mila to sochenge

saara shahar shanaasai ka daawedaar to hai lekin
kaun hamara apna hai
waqt mila to sochenge

humne usko likha tha
kuch milne ki tadbeer karo
usne likhkar bheja hai
waqt mila to sochenge

mausam, khusboo, baad-e-sabaa, chand, shafaq aur taaron mein
kaun tumaare jaisa hai
waqt mila to sochenge

ya to apne dil ki maano ya fir dunia walon ki
mashwara uska acha hai
waqt mila to sochenge

kyon tu acha lagta hai
waqt mila to sochenge

zindagi yun thi ke jeenay ka bahana tu tha

zindagi yun thi ke jeene ka bahana tu tha
hum faqat zaib-e-hikayat the, fasana tu tha 

hum ne jis jis ko bhi chaha tere hijran mein, woh log
aate jaate huye mausam the, zamana tu tha

ab ke kuch dil hi na maana ke palat kar aate
warna hum dar-ba-daron ka to thikana tu ha

yaar aghayaar ke haathon mein kamanein thi ‘Faraz’
aur sab dekh rahe the ke nishana tu tha

Aik shair

Garm Mart0ob M0usam Mein December Dh0ondty Rehna,
. .
. .
Tabiyat Theek Hai Teri, Ya Phir Se Ishq Taari Hai…??

hasaar-e-zaat say baahir gaya nahi koi

hasaar-e-zaat say baahir gaya nahi koi
yahaan kisi kay liyay raasta nahi koi
mujhay bhi uss say biccherr kar koi na raas aaya
ussay bhi mairi tarah ka mila nahi koi

Tujhse Milne Ki Saza Denge Tere Shehar Ke Log

Tujhse Milne Ki Saza Denge Tere Shehar Ke Log
Yeh Wafaao Ka Sila Denge Tere Shehar Ke Log

Kya Khabar Thi Tere Milne Pe Qayamat Hogi
Mujhko Diwana Bana Denge Tere Shehar Ke Log

Teri Nazaro Se Gira Ne Ke Liye Jaan-e-Haya
Mujhko Mujrim Bana Denge Tere Shehar Ke Log

Keh Ke Deewana Mujhe Maar Rahe Hai Patthar
Aur Kya Es Ke Siva DengeTere Shehar Ke Log

Tujhse Milne Ki Saza Denge Tere Shehar Ke Log
Yeh Wafaao Ka Sila Denge Tere Shehar Ke Log

Taskeen Ko Hum Na Royen Jo Zauq-e-Nazar Mile

Taskeen ko hum na roen jo zauq-e-nazar mile,
Huraan-e-Khuld mein terii suurat magar mile !!

Apanii galii mein mujh ko na kar dafn baad-e-qatl,
Mere pate se Khalq ko kyon teraa ghar mile !!

Saakii garii kii sharm karo aaj varnaa ham,
Har shab piyaa hii karate hain mai jis qadar mile !!

Tujh se to kuchh kalaam nahiin lekin ae nadiim,
Meraa salaam kahiiyo agar naamaabar mile !!

Tum ko bhii ham dikhaaye ke majanuun ne kyaa kiyaa,
Fursat kashaakash-e-Gam-e-pinhaan se gar mile !!

Laazim nahiin ke Khijr kii ham pairavii karen,
Maanaa ke ek buzurg humein humsafar mile !!

Ae saakanaan-e-kuchaa-e-dildaar dekhanaa,
Tum ko kahiin jo Ghalib-e-Aashuftaa sar mile !!

 

Mirza Ghalib

Main bhool jaon tumhain

Mai bhool jaoun tumhain ab yehi munasib hai
Magar bhulana bhi chahoon tou kis tarah bhoolun

K tum tou phir bhi haqeeqat ho koi khawb nahee
Yahan tou dil ka ye aalam hai k kia kahoon

Bhulaa na saka ye wo silsila jo tha hi nahee
Wo ik khiyal jo awaz tak gaya hi nahee

Wo aik baat jo mai keh nahee saka tum say
Wo aik rabt jo hum mein kabhi raha hi nahee

Mujhe hai yaad wo sub jo kabhi huwa hi nahee
Agar ye haal hai dil ka tou koi samjhaye

Tumhain bhulana bhi chahoon tou kis tarah bhoolun
K tum tou phir bhi haqeeqat ho koi khawb nahee..

 

Aisay chup hain ke ke ye manzil bhi karri ho jaisay