apnay honton pe sajana chahata hon


apnay honton pe sajana chahata hon
aa tujhe mein gungunana chahata hon
koi aanso tere daman per gira kar
boond ko moti banana chahata hon
thak gaya hon kartay kartay yaad tujh ko
ab tujhe yad ana chahata hon
chah raha hay sari basti mein andhaira
rooshni ko, ghar jalana chaha ta hon
akhree hichki tere zano pe aay
maut bhi shaiyrana chaha ta hon

teraa Khayaal dil se miTaayaa nahii.n abhii


teraa Khayaal dil se miTaayaa nahii.n abhii
bedard mai.n ne tujh ko bhulaayaa nahii.n abhii

kal tuune muskuraa ke jalaayaa thaa Khud jise
siine aa vo charaaG bujhaayaa nahii.n abhii

gardaan ko aaj bhii tere baaho.n kii yaad hai
chaukhaT se terii sar ko uThaayaa nahii.n abhii

behosh hoke jald tujhe hosh aa gaayaa
mai.n badanasiib hosh me.n aayaa nahii.n abhii

ik safar ki raat main


Mujh ko ik hamdam mila tha,ik safar ki raat main
Main bohat baykhud hoa tha,ik safar ki raat main

jany kis ki yaad thi k ik manzar dekh kar
toot kar main roo para tha!ik safar ki raat main

Woh k jis sayy umar bhar ki Doryian mansoob hain
Mery seenay sy laga tha ik safar ki raat main

Har taraf phaily hoye thy yaad-e-gham k silsilay
Kitna mushkil raasta tha, ik safar ki raat main

ghar sy bahar paon rakhty hi Laraz uth-ta hai Dil
Hadsa aisa hoa tha Ik safar ki raat main

Aaj bhi Gungunata hon usy tanhai main
Geet jo humny suna tha Ik safar ki raat main

raat ke Khvaab sunaaye.n kis ko raat ke Khvaab suhaane the



raat ke Khvaab sunaaye.n kis ko raat ke Khvaab suhaane the
dhu.ndhale dhu.ndhale chehare the par sab jaane pahachaane the

ziddii vahashii alha.D chanchal miiThe log rasiile log
ho.nTh un ke Gazalo.n ke misare aa.Nkho.n me.n afsaane the

ye la.Dakii to in galiyo.n me.n roz hii ghuumaa karatii thii
is se un ko milanaa thaa to is ke laakh bahaane the

ham ko saarii raat jagaayaa jalate bujhate taaro.n ne
ham kyuu.N un ke dar pe utare kitane aur Thikaane the

vahashat kii unvaan hamaarii in me.n se jo naar banii
dekhe.nge to log kahe.nge ‘Insha’ jii diiivaane the

chaa.Ndanii raat me.n chaa.Nd ke saamane


chaa.Ndanii raat me.n chaa.Nd ke saamane
ruKh se pardaa haTaanaa Gazab ho gayaa
chaa.Ndanii chhup ga_ii chaa.Nd sharmaa gayaa
aap kaa muskuraanaa Gazab ho gayaa

[ruKh=face]

dil kii dha.Dakan merii tez hone lagii
raat aa.Nkho.n me.n kaaNTe.n chubhone lagii
vasl kii raat me.n baat hii baat me.n
yuu.N teraa ruuTh jaanaa Gazab ho gayaa

[vasl=meeting/union]

jhuum kar kaalii kaalii ghaTaa jab uThii
raat apanii to karavaT badalate kaTii
kuchh to mausam ne bechain rakkhaa hame.n
kuchh teraa yaad aanaa Gazab ho gayaa

apane hisse me.n tuufaa.N kii taqadiir thii
zindagii apanii maujo.n kii zanjiir thii
Duub jaane kaa apane hame.n Gam na thaa
us kaa saahil pe aanaa Gazab ho gayaa

[saahil=shore]

aao ki jashn-e-marg-e-muhabbat manaaye.N ham


aatii nahii.n kahii.n se dil-e-zindaa kii sadaa
suune pa.De hai.n kuuchaa-o-baazaar ishq ke
hai shama-e-anjuman kaa nayaa husn-e-jaa.N gudaaz
shaayad nahii.n rahe vo patango.n ke val_vale
taazaa na rakh sakegii rivaayaat-e-dasht-o-dar
vo fitnaasar gaye jinhe.n kaa.NTe.n aziiz the

ab kuchh nahii.n to niind se aa.Nkhe.n jalaaye.N ham
aao ki jashn-e-marg-e-muhabbat manaaye.N ham

sochaa na thaa ki aayegaa ye din bhii phir kabhii
ik baar ham mile hai.n zaraa muskuraa to le.n
kyaa jaane ab na ulfat-e-deriinaa yaad aaye
is husn-e-iKhtiyaar pe aa.Nkhe.n jhukaa to le.n
barasaa labo.n se phuul terii umr ho daraaz
sanbhale hue to hai.n. par zaraa Dagamagaa to le.n

[jashn-e-marg-e-muhabbat=celebration of the death of love]
[gudaaz=melted; val_vale=enthusiasm; fitnaasar=mad]
[ulfat-e-deriinaa=old love]

Tumhain kis nay kaha tha?


Tumhain kis nay kaha tha?
kay dopeher k garam soraj ki taraf dekho
Aur itni dair tak dekho
K beenayi pighal jaye

Tumhain kis nay kaha tha?
Asman say toot’ti, andhi ulajhti bijlion say
Dosti karlo
Aur itni dosti karlo
K ghar ka ghar he jal jaye..

Tumhain kis nay kaha tha?
Aik anjanay safar me
Ajnabi rahi k hamrah dour tak jao
Aur itni dour tak jao!!
K woh rasta he badal jaye!!

SUNO TUM LAUT AOO NAA


Suno tum laut aoo na
Wo dekho chaand nikla hai
sitaray jagmaga rahay hain
Hamari muntazir ankhain
Duaayen mangti ankhain
Tumhain he sochti ankhain
tumhain he dhondhti ankhain
Tumhain wapis bulati hain
Yeh dil jab bhi dharkta hai
Tumhara naam laita hai
Yeh ansoo jab bhi behtay hain
Tumharay dukh me behtay hain
Yeh barish jab bhi hoti hai
Tumhain yaad karti hai
Khushi jo koi ayee bhi
Tumharay bin adhuri hai

SUNO TUM LAUT AOO NAA

ham Gazal me.n teraa charchaa nahii.n hone dete


ham Gazal me.n teraa charchaa nahii.n hone dete
terii yaado.n ko bhii rusavaa nahii.n hone dete

kuchh to ham Khud bhii nahii.n chaahate shoharat apanii
aur kuchh log bhii aisaa nahii.n hone dete

azamate.n apane charaaGo.n kii bachaane ke liye
ham kisii ghar me.n ujaalaa nahii.n hone dete

mujhako thakane nahii.n detaa ye zarort kaa pahaa.D
mere bachche mujhe buu.Dhaa nahii.n hone dete

zaKhm jo aap kii inaayat hai is nishaanii ko kyaa naam de ham


zaKhm jo aap kii inaayat hai is nishaanii ko kyaa naam de ham
pyaar diivaar ban ke rah gayaa hai is kahaanii ko kyaa naam de ham

aap ilzaam dhar gaye ham par ek ehasaan kar gaye ham par
aap kii ye meharabaanii hai meharabaanii ko kyaa naam de ham

aap ko yuu.N hii zindagii samajhaa dhuup ko hamane chaa.Ndanii samajhaa
bhuul hii bhuul jis kii aadat hai ik javaanii ko naam kyaa de ham

raat sapanaa bahaar kaa dekhaa din huaa to Gubaar saa dekhaa
bevafaa vaqt bezubaa.N nikalaa bezubaanii ko naam kyaa de ham

kiyaa hai pyaar jise hamane zindagii kii tarah


kiyaa hai pyaar jise hamane zindagii kii tarah
vo aashanaa bhii milaa hamase ajanabii kii tarah

ba.Daa ke pyaas merii us ne haath chho.D diyaa
vo kar rahaa thaa muravvat bhii dillagii kii tarah

kise Khabar thii ba.Degii kuchh aur taariikii
chhupegaa vo kisii badalii me.n chaa.Ndanii kii tarah

kabhii na sochaa thaa hamane “Qateel” us ke liye
karegaa ham pe sitam vo bhii har kisii kii tarah

koi khwab dasht-e-firaq mai sar-e-sham chehra kusha huwa


koi khwab dasht-e-firaq mai sar-e-sham chehra kusha huwa
meri chashm-e-tar mai ruka nahi kay tha rut jago ka dasa huwa

mery dil ko rakhta tha shadma’n, meray hont rakhta tha gulfisha’n
wohi ek lafz jo ap nay mery kaan mai hai kaha huwa

hai nigah mai meri aj tak woh ek niga’h koi jhuki huwi
woh jo dehan tha kisi deha’n mai, wohi aj bhi hai laga huwa

mery rat-jago’o kay fishar mai, meri khwahisho’n kay gubar mai
wohi ek wada gulab sa sar-e-nakhl-e-jaan hai khila huwa

teri chashm-e-khush ki pana’h mai kisi khwab zar ki rah mai
mery gham ka chand thehar gya kay tha raat bhar ka jaga huwa

hai ye mukhtasir rah-e-ishq par, nahi ap hum rahay hum safar
to ho kis liye ye mubahisa, kaha! kon! kasay! juda huwa

kisi dil kusha si pukar say usi ek bad-e-bhar say
kahi barg barg namo mili, kahi zakhm zakhm hara huwa

tery shehr-e-adal say aj kya sabhi dard-mund chalay gaye!
nahi kaghzi koi perhan, nahi hath koi utha huwa

——————————————————————————–

aa.Nkho.n me.n bas ke dil me.n samaa kar chale gaye


aa.Nkho.n me.n bas ke dil me.n samaa kar chale gaye
Khvaabidaa zindagii thii jagaa kar chale gaye

[Khvaabidaa=lost in dreams/slumbering]

chehare tak aastiin vo laakar chale gaye
kyaa raaz thaa ki jis ko chhipaakar chale gaye

rag rag me.n is tarah vo samaa kar chale gaye
jaise mujh hii ko mujhase churaakar chale gaye

aaye the dil kii pyaas bujhaane ke vaaste
ik aag sii vo aur lagaa kar chale gaye

lab thar-tharaa ke rah gaye lekin vo ai “Jigar”
jaate huye nigaah milaakar chale gaye

daastaan-e-Gam-e-dil unako sunaa_ii na ga_ii


daastaan-e-Gam-e-dil unako sunaa_ii na ga_ii
baat biga.Dii thii kuchh aisii ki banaa_ii na ga_ii

sab ko ham bhuul ga_e josh-e-junuu.N e.n lekin
ek terii yaad thii aisii ki bhulaa_ii na ga_ii

ishq par kuchh na chalaa diidaa-e-tar kaa jaaduu
usane jo aag lagaa dii vo bujhaa_ii na ga_ii

kyaa uThaayegii sabaa Khaak merii us dar se
ye qayaamat to Khud un se bhii uThaa_ii na ga_ii

patthar ke Khudaa patthar ke sanam patthar ke hii insaa.N paaye hai.n


patthar ke Khudaa patthar ke sanam patthar ke hii insaa.N paaye hai.n
tum shahar-e-mohabbat kahate ho ham jaan bachchaakar aaye hai.n

but-Khaanaa samajhate ho jisako puuchcho na vahaa.N kyaa haalat hai
ham log vahii.n se lauTe hai.n bas shukr karo lauT aaye hai.n

ham soch rahe hai.n muddat se ab umr guzaare.n bhii to kahaa.N
seharaa me.n Khushii ke phuul nahii.n shaharo.n me.n Gamon ke saaye hai.n

hoTho.n pe tabassum halqaa saa aa.Nkho.n me.n namii sii hai ‘Faakir’
ham ahl-e-mohabbat par aksar aise bhii zamaane aaye hai.n

phir koii aayaa dil-e-zaar nahii.n koii nahii.n


phir koii aayaa dil-e-zaar nahii.n koii nahii.n
raharau hogaa kahii.n aur chalaa jaayegaa
Dhal chukii raat biKharane lagaa taaro.n kaa Gubaar
la.Dakha.Daane lage aewaano.n me.n Khwaabiidaa chiraaG
so gaii rastaa tak tak ke har ek rahaguzaar
ajanabii Khaak ne dhu.ndalaa diye qadamo.n ke suraaG
gul karo shame.N ba.Daa do mai-o-miinaa-o-ayaaG
apane beKhwaab kiwaa.Do.n ko muqaffal kar lo
ab yahaa.N koii nahii.n, koii nahii.n aayegaa

[raharau=traveller; aewaano.n=palaces; ayaaG=cup, goblet; muqaffal=to lock]

kaun is raah se guzarataa hai


kaun is raah se guzarataa hai
dil yuu.N hii intazaar karataa hai

dekh kar bhii na dekhane vaale
dil tujhe dekh-dekh Darataa hai

shahar-e-gul me.n kaTii hai saarii raat
dekhiye din kahaa.N guzarataa hai

dhyaan kii sii.Diiyo.n pe pichhale pahar
ko_ii chupake se paa.Nv dharataa hai

dil to meraa udaas hai ‘Nasir’
shahar kyo.n saaye.n-saaye.n karataa hai

karuu.N na yaad agar kis tarah bhulaa_uu.N use


karuu.N na yaad agar kis tarah bhulaa_uu.N use
Gazal bahaanaa karuu.N aur gun_gunaa_uu.N use

vo Khaar-Khaar hai shaaKh-e-gulaab kii maanind
mai.n zaKhm-zaKhm huu.N phir bhii gale lagaa_uu.N use

[Khaar=thorn]

ye log tazakare karate hai.n apane logo.n se
mai.n kaise baat karuu.N aur kahaa.N se laa_uu.N use

[tazakare=narration/descrption]

magar vo zuud_faraamosh zuud ranj bhii hai
ke ruuTh jaaye agar yaad kuchh dilaa_uu.N use

vahii jo daulat-e-dil hai vahii jo raahat-e-jaa.N
tumhaarii baat pe ai naasiho ga.Nvaa_uu.N use

jo ham_safar sar-e-manzil bichha.D rahaa hai ‘Faraz’
ajab nahii.n ki agar yaad bhii na aa_uu.N use

zindagii se Darate ho


zindagii se Darate ho
zindagii to tum bhii ho, zindagii to ham bhii hai.n
aadamii se Darate ho
aadamii to tum bhii ho aadamii to ham bhii hai.n
aadamii zubaa.N bhii hai, aadamii bayaa.N bhii hai
is se tum nahii.n Darate
harf aur maanii ke rishte haaye aahan se aadamii hai vaabastaa
aadamii ke daaman se zindagii hai vaabastaa
is se tum nahii.n Darate
ankahii se Darate ho
jo abhii aa_ii nahii.n us gha.Dii se Darate ho
us gha.Dii ke aane kii aag hii se Darate hi
pahale bhii to guzare hai.n
daur naarasaa_ii ke, beriyaa, Khudaa_ii ke
phir bhii ye samajhate ho, hech aazaruumandii
ye shab zubaa.Nbandii, hai rahe Khudaabandii
tum yahii samajhate ho, tum magar ye kyaa jaano
lab agar nahii.n hilate haath jaag uThate hai.n
haath jaag uThate hai.n raah kaa nishaan ban kar
nuur kii zubaa.N ban kar
haath bol uThate hai.n subah kii azaa.N ban kar
roshanii se Darate ho
roshanii to tum bhii ho, roshanii to ham bhii hai.n
roshanii se Darate ho
shahar kii fasiilo.n par
dev kaa jo saayaa thaa, paak ho gayaa aaKhir
az_dahaam-e-afsaa.N se fard kii navaa aa_ii
zaat kii sadaa aa_ii
raah-e-shauq me.n jaise raah_ravii Khuu.N lapake
ik nayaa junuu.N lapake
aadamii chhalak uThe
aadamii ha.Nse dekho, shahar phir base dekho
tum abhii se Darate ho
haa.N abhii to tum bhii ho, haa.N abhii to ham bhii hai.n
tum abhii se Darate ho

[aahan = stone; vaabastaa = related; daur = age]
[naarasaa_ii = incapability/failure; ]
[beriyaa = sincere/without guile; azaa.N = call for prayer]
[fasiil = boundary walls]
[az_dahaam-e-afsaa.N = knife/dagger sharpening tool]
[fard = man; navaa = sound/voice]

zindagii jab bhii terii bazm me.n laatii hai hame.n


zindagii jab bhii terii bazm me.n laatii hai hame.n
ye zamii.n chaa.Nd se behatar nazar aatii hai hame.n

surKh phuulo.n se mahak uThatii hai.n dil kii raahe.n
din Dhale yuu.N terii aavaaz bulaatii hai hame.n

yaad terii kabhii dastak kabhii saragoshii se
raat ke pichhale pahar roz jagaatii hai hame.n

har mulaaqaat kaa anjaam judaa_ii kyuu.N hai
ab to har vaqt yahii baat sataatii hai hame.n

dard kii baarish sahii maddham zaraa aahistaa chal


dard kii baarish sahii maddham zaraa aahistaa chal
dil kii miTTii hai abhii tak nam zaraa aahistaa chal

tere milane aur phir tere bichha.D jaane ke biich
faasalaa rusvaa_ii kaa hai kam zaraa aahistaa chal

apane dil hii me.n nahii.n hai us kii maharuumii kii yaad
us kii aa.Nkho.n me.n bhii hai shabanam zaraa aahistaa chal

ko_ii bhii ho ham-safar ‘Raashid’ na ho Khush is qadar
ab ke logo.n me.n vafaa hai kam zaraa aahistaa chal

na thaa kuchh to Khudaa thaa, kuchh na hotaa to Khudaa hotaa


na thaa kuchh to Khudaa thaa, kuchh na hotaa to Khudaa hotaa
Duboyaa mujh ko hone ne, na hotaa mai.n to kyaa hotaa

huaa jab Gam se yuu.N behis to Gam kyaa sar ke kaTane kaa
na hotaa gar judaa tan se to zaa.Nno.n par dharaa hotaa

[behis=shocked/stunned, zaa.Nno.n=thigh]

huii muddat ke ‘Ghalib’ mar gayaa par yaad aataa hai
wo har ek baat pe kahanaa ke yuu.N hotaa to kyaa hotaa

[muddat=duration/period ]

qadam usii mo.D par jame hai.n


qadam usii mo.D par jame hai.n
nazar sameTe hue kha.Daa huu.N
junuu.N ye majabuur kar rahaa hai palaT ke dekhuu.N
Khudii ye kahatii hai mo.D mu.D jaa
agarche ehasaas kah rahaa hai
khule dariiche ke piichhe do aa.Nkhe.n jhaa.Nkatii hai.n
abhii mere intazaar me.n vo bhii jaagatii hai
kahii.n to us ke goshaa-e-dil me.n dard hogaa
use ye zid hai ki mai.n pukaaruu.N
mujhe taqaazaa hai vo bulaa le
qadam usii mo.D par jame hai.n
nazar samete hue kha.Daa huu.N

[Khudii = self respect; dariichaa = window]
[goshaa = corner; taqaazaa = demand]

baad muddat unhe.n dekh kar yuu.N lagaa


baad muddat unhe.n dekh kar yuu.N lagaa
jaise betaab dil ko qaraar aa gaya
aarazuuo.n ke gul muskuraane lage
jaise gul_shan me.n jaan-e-bahaar aa gayaa

tashnaa nazare.n milii.n shoKh nazaro.n se jab
mai barasane lagii jaam bharane lagaa
saaqiiyaa aaj terii zaruurat nahii.n
bin piye bin pilaaye Khumaar aa gayaa

raat sone lagii subah hone lagii
shammaa bujhane lagii dil machalane lage
vaqt kii raushanii me.n nahaa_ii hu_ii
zindagii pe ajab saa nikhaar aa gayaa

har taraf mastiyaa.N har taraf dil_kashii
muskuraate dilo.n me.n Khushii hii Khushii
kitanaa chaahaa magar phir bhii uTh na sakaa
terii mahafil me.n jo ek baar aa gayaa

mohabbat soz bhii hai saaz bhii hai


mohabbat soz bhii hai saaz bhii hai
Khaamoshii bhii hai aavaaz bhii hai

nasheman ke liye betaab taa_iir
vahaa.N paabandii-e-paravaaz bhii hai

[taa_iir=bird; paabandii-e-paravaaz=restrictions on flight]

Khaamoshii pe bharosaa karane vaalo
Khaamoshii Gam kaa gammaaz bhii hai

[gammaaz=symbol]

merii Khaamoshi-e-dil par na jaao
ki is me.n ruuh kii aavaaz bhii hai

dil-e-begaanaa-Khuu, duniyaa m.n teraa
ko_ii hamadam ko_ii hamaraaz bhii hai

[dil-e-begaanaa-Khuu=heart which is used to belonging to others]

hai meraaj-e-Khirad bhii arsh-e-aziim
junuu.N kaa farsh-e-paa a.ndaaz bhii hai

[meraaj-e-Khirad=height of inteliigence]
[arsh-e-ziim=highest (seventh) sky]

ajanabii cheharo.n me.n ik meraa shanaasaa meraa dil


ajanabii cheharo.n me.n ik meraa shanaasaa meraa dil
Dhuu.NDhataa phirataa hai ko_ii apane jaisaa meraa dil

[shanaasaa = known]

ankahe jazbo.n kii kitanii daastaane.n kah gaye
khoyii khoyii terii aa.Nkhe.n royaa-royaa meraa dil

shahar kii viiraa.N sa.Dak par jalatii bujhatii raushanii
apane hone yaa na hone kaa tamaashaa meraa dil

hijr ke saharaa me.n terii yaad kaa u.Dataa Gubaar
ik musaafir be-sar-o-saamaan-o-tanhaa meraa dul

daaman-e-dariyaa me.n kuu.Njo.n ke utarane kii sadaa
Dubate suuraj kaa manzar Thaharaa-Thaharaa meraa dil

[kuu.Njo.n = a type of bird]

be-hamiiyat zindagaanii be-sadaa apanaa lahuu
karb ke lamho.n ke haatho.n zaKhm sahataa meraa dil

[be-hamiiyat = shameless; karb = sorrow/anguish]

zindagii me.n to sabhii pyaar kiyaa karate hai.n


zindagii me.n to sabhii pyaar kiyaa karate hai.n
mai.n to mar kar bhii merii jaan tujhe chaahuu.Ngaa

tuu milaa hai to ye ehasaas huaa hai mujhako
ye merii umr mohabbat ke liye tho.Dii hai
ik zaraa saa Gam-e-dauraa.N kaa bhii haq hai jis par
mai.n ne wo saa.Ns bhii tere liye rakh chho.Dii hai
tujh pe ho jaauu.Ngaa qurabaan tujhe chaahuu.ngaa

apane jazbaat me.n naGmaat rachaane ke liye
mai.n ne dha.Dakan kii tarah dil me.n basaayaa hai tujhe
mai.n tasavvur bhii judaaii kaa bhalaa kaise karuu.N
mai.n ne qismat kii lakiiro.n se churaayaa hai tujhe
pyaar kaa ban ke nigehabaan tujhe chaahuu.ngaa

terii har chaap se jalate hai.n Khayaalo.n me.n chiraaG
jab bhii tuu aaye jagaataa huaa jaaduu aaye
tujhako chhuu luu.N to phir ae jaan-e-tamannaa mujhako
der tak apane badan se terii Khushbuu aaye
tuu bahaaro.n kaa hai unawaan tujhe chaahuu.Ngaa

Khvaab kii tarah se hai yaad ke tum aaye the


Khvaab kii tarah se hai yaad ke tum aaye the

jis tarah daaman-e-mashriq me.n sahar hotii hai
zarre zarre ko tajallii kii Khabar hotii hai
aur jab nuur kaa sailaab guzar jaataa hai
raat bhar ek andhere me.n basar hotii hai
kuchh isii tarah se hai yaad ke tum aaye the

[mashriq=east; sahar=dawn; zarraa=speck/minute particle]
[tajalii=brilliant light; nuur=light; sailaab=flood/deluge]

jaise gulashan me.n dabe paao.n bahaar aatii hai
pattii pattii ke liye leke nikhaar aatii hai
aur phir vaqt vo aataa hai ke har mauj-e-sabaa
apane daaman me.n liye gard-o-Gubaar aatii hai
kuchh isii tarah se hai yaad ke tum aaye the

[gulashan=garden; mauj=wave; sabaa=gentle breeze]
[gard=dust; Gubaar=dirt/dust; gard-o-Gubaar=(dhuul-miTTii)]

jis tarah mahv-e-safar ho ko_ii viiraane me.n
aur raste me.n kahii.n ko_ii Khiyaabaa.N aa jaaye
chand lamho.n me.n Khiyaabaa.N ke guzar jaane par
saamane phir vohii duniyaa-e-biyaabaa.N aa jaaye
kuchh isii tarah se hai yaad ke tum aaye the

[mahv-e-safar=traveller; viiraanaa=wilderness]
[Khiyaabaa.N=blossoming garden; biyaabaa.N=desert/jungle]

Hawa ko itni khabar kero tum!!


Hawa ko itni khabar kero tum!!
Hawa jo mujh sa ulajh rahi hay!
Hawa jo mitti mein dafan hoti huwi udasi say ajnabi hay
Hawa jo rastay mitta rahi hay
Hawa jo meray ujar dil ka diya bujha rahi hay
Hawa ko itni khabar kero tum!!
K meray ehsas ka asaasa!
Yeh mera dil hay
Yeh mera apna ujar dil hay
JO khaima e jaan k kunj e veeran ka
Akhri kam nafas diya hay!
Yeh hi diya hay
JO shaam e veeran mein
Subh e umeed ka sabab hay
Hawa ko itni khabar kero tum!!
Yeh hi diya kaayinat meri
Yeh hi mata’e hiyaat meri
Udasion say utay huwe dasht e bekaran mein
Yeh hi mera “rakht e shab” hay!!!!!

bhii.D me.n ik ajanabii kaa saamanaa achchhaa lagaa


bhii.D me.n ik ajanabii kaa saamanaa achchhaa lagaa
sab se chup kar vo kisii kaa dekhanaa achchhaa lagaa

surma_ii aa.Nkho.n ke niiche phuul se khilane lage
kahate kahate kuchh kisii kaa sochanaa achchhaa lagaa

baat to kuchh bhii nahii.n thii lekin us kaa ek dam
haath ko ho.nTho.n pe rakh kar rokanaa achchhaa lagaa

chaay me.n chiinii milaanaa us gha.Dii bhaayaa bahut
zer-e lab vo muskuraataa shukriyaa achchhaa lagaa

dil me.n kitane ahad baa.Ndhe the bhulaane ke use
vo milaa to sab iraade to.Danaa achchhaa lagaa

beiraadaa lams kii vo san_sanii pyaarii lagii
kam tavajjo aa.Nkh kaa vo dekhanaa achchhaa lagaa

niim shab kii Khaamushii me.n bhiigatii sa.Dako.n pe kal
terii yaado.n ke jaalo me.n ghuumanaa achchhaa lagaa

us uduu-e-jaa.N ko ‘Amjad’ mai.n buraa kaise kahuu.N
jab bhii aayaa saamane vo bevafaa achchhaa lagaa

mohabbat kii tabiyat me.n


mohabbat kii tabiyat me.n
ye kaisaa bachapanaa qudarat ne rakkhaa hai

ke jitanii puraanii jitanii bhii mazabuut ho jaaye
ise taa_iid-e-taazaa kii zaruurat phir bhii rahatii hai
yaqii.n kii aaKhirii had tak dilo.n me.n lah_lahaatii ho
nigaaho.n se Tapakatii ho lahuu me.n jag_magaatii ho
hazaaro.n tarah se dil_kash hasiin haale banaatii ho
use izhaar ke lafzo.n kii haajat phir bhii rahatii hai

mohabbat maa.Ngatii hai yuu.N gavaahii apane hone kii
ke jaise tifl-e-saadaa shaam ko ik biij boye
aur shab me.n bauraa uThe
zamii.n ko khod kar dekhe
ke paudhaa ab kahaa.N tak hai

mohabbat kii tabiyat me.n ajab takaraar kii Khuu hai
ke ye iqraar ke lafzo.n ko sunane se nahii.n thakatii
bichha.Dane kii gha.Dii ho yaa ko_ii milane kii sa’at ho
ise bas ek hii dhun hai
kaho mujh se mohabbat hai
kaho mujh se mohabbat hai

kuchh aisii besakuunii hai vafaa kii sar_zamii.no.n me.n
ke jo ahal-e-mohabbat ko sadaa bechain rakhatii hai
ke jaise phuul me.n Khsuhbuu ke jaise haath me.n taaraa
ke jaise shaam kaa taaraa
mohabbat karane vaalo.n kii sahar raato.n me.n rahatii hai
gumanaam ke shaaKhcho.n me.n aashiyaa.N banataa hai ulfat kaa
ye ain visaal me.n bhii hijr ke Khadsho.n me.n rahatii hai

mohabbat ke musaafir zindagii jab kaaT chukate hai.n
thakan kii karachiyaa.N chunate vafaa kii ajarake.n pahane
samay kii rah_guzar kii aaKhirii sarhad pe rukate hai.n
to ko_ii Duubatii saa.Nso.n kii Dorii thaam ker
dhiire se kahataa hai
ke ye sach hai naa
hamaarii zindagii ik duusare ke naam likhii thii
dhundhalakaa saa jo aa.Nkho.n ke qariib-o-duur phailaa hai
isii kaa naam chaahat hai
tumhe.n mujh se mohabbat thii
tumhe.n mujh se mohabbat hai

mohabbat kii tabiyat me.n
ye kaisaa bachapanaa qudarat ne rakkhaa hai

kyuu.N


kuchh aise ghaao bhii hote hai.n
jinhe.n zaKhmii aap nahii.n dhote
bin roye huye aa.Nsuo.n kii tarah
siine me.n chhupaa ke rakhate hai.n
aur saarii umr nahii.n rote

[ghaao = wound]

niinde.n bhii muhaiyaa hotii hai.n
sapane bhii duur nahii.n hote
kyuu.N phir bhii jaagate rahate hai.n
kyuu.N saarii raat nahii.n sote

[muhaiyaa = available]

ab kis se kahe.n ai jaan-e-vafaa
ye ahal-e-vafaa kis aag me.n jalate rahate hai.n
kyuu.N bujh ke raakh nahii.n hote

saramaayaa-e-hayaat hai hirmaane-e-aashiqii


paas-e-adab me.n josh-e-tamannaa liye hue
mai.n bhii huu.N ek hubaab me.n dariyaa liye hue

rag-rag me.n aur kuchh na rahaa juz Khayaal-e-dost
us shoKh ko huu.N aaj saraapaa liye hue

saramaayaa-e-hayaat hai hirmaane-e-aashiqii
hai saath ek suurat-e-zebaa liye hue

josh-e-junuu.N me.n chhuuT gayaa aastaan-e-yaar
rote hai.n muu.Nh me.n daaman-e-saharaa liye hue

‘Asghar’ hujuum-e-dard-e-Gariibii me.n usakii yaad
aaii hai ik tilismii tamannaa liye hue

shaam ko subah-e-chaman yaad aa_ii


shaam ko subah-e-chaman yaad aa_ii
kis kii Khushbuu-e-badan yaad aa_ii

jab Khayaalo.n me.n ko_ii mo.D aayaa
tere gesuu kii shikan yaad aa_ii

yaad aaye tere paikar ke Khutuut
apanii kotaahii-e-fan yaad aa_ii

chaa.Nd jab duur ufaq par Duubaa
tere lahaje kii thakan yaad aa_ii

din shuaao.n se ulajhate guzaraa
raat aa_ii to kiran yaad aa_ii

Tha.nDii havaa ke jho.nke chalate hai.n halake halake


Tha.nDii havaa ke jho.nke chalate hai.n halake halake
aise me.n dil na to.Do vaade karo na kal ke

chalate hai.n ye bhii ham se tevar badal badal ke
jin ko sikhaayaa ham ne chalanaa sambhal sambhal ke

saaqii ne aaj mujh ko aisii nazar se dekhaa
mausam huaa gulaabii rangiin jaam chhalake

bistar kii silvaTo.n se ye mahasuus ho rahaa hai
to.Daa hai dam kisii ne karavaT badal badal ke

thakan to agale safar ke liye bahaanaa thaa


thakan to agale safar ke liye bahaanaa thaa
use to yuu.N bhii kisii aur simt jaanaa thaa

vahii chiraaG bujhaa jis kii lau qayaamat thii
usii pe zarb pa.Dii jo shajar puraanaa thaa

[zarb=injury; shajar=tree]

mataa-e-jaa.N kaa badal ek pal kii sar_shaarii
suluuk Khvaab kaa aa.Nkho.n se taaziraanaa thaa

[sar_shaarii=intoxication; taaziraanaa=related to trade]

vahii firaaq kii baate.n vahii hikaayat-e-vasl
na_ii kitaab kaa ek ek varaq puraanaa thaa

[hikaayat-e-vasl=tales of meetings]

qabaa-e-zard nigaar-e-Khizaa.N pe sajatii thii
tabhii to chaal kaa andaaz Khusrovaanaa thaa

[qabaa=long coat open in front; zard=yellow]
[nigaar=beauty; Khizaa.N=autumn (here referring to desolation)]
[Khusrovaanaa=like an emperor]

paas raho – Be near me


paas raho

mere qaatil, mere dildaar, mere paas raho
jis ghaRii raat chale
aasmaanoN kaa lahuu pii kar siyaah raat chale
marham-e-mushk liye nashtar-e-almaas chale
bain kartii hu’ii, haNstii hu’ii, gaatii nikle
dard ke kaasnii paazeb bajaatii nikle
jis ghaRii siinoN meN Duubte hu’e dil
aastiinoN meN nihaaN haathoN kii rah takne lagiiN

aas liye
aur bachchoN ke bilakhne kii tarah qul-qul-e-mai
bahr-e-naasuudgii machle to manaaye na mane
jab ko’ii baat banaaye na bane
jab na ko’ii baat chale
jis ghaRii raat chale
jis ghaRii maatamii, sun-saan, siyaah raat chale
paas raho
mere qaatil, mere dildaar, mere paas raho !

English translation by Agha Shahid Ali from The Rebel’s Silhouette.

Be Near Me

You who demolish me, you whom I love,
be near me. Remain near me when evening,
drunk on the blood of skies,
becomes night, in the other
a sword sheathed in the diamond of stars.

Be near me when night laments or sings,
or when it begins to dance,
its stell-blue anklets ringing with grief.

Be here when longings, long submerged
in the heart’s waters, resurface
and everyone begins to look:
Where is the assasin? In whose sleeve
is hidden the redeeming knife?

And when wine, as it is poured, is the sobbing
of children whom nothing will console–
when nothing holds,
when nothing is:
at that dark hour when night mourns,
be near me, my destroyer, my lover me,
be near me.

laboN pe phool khiltay haiN kisi ke naam se pahle


laboN pe phool khiltay haiN kisi ke naam se pahle
diloN ke deep jalte hain charagh-e shaam se pahle

kabhi manzar badalne par bhi qissa chal nahiN pata
kahani khatam hoti hai kabhi anjaam se pahle

yahi taare tumhaari aankh ki chilman meiN rehte the
yahi sooraj nikalta thaa tumhare baam se pahle

hui hai shaam jungle main parinde laut.te honge
ab in ko kis tarah rokaiN nawaah-e-daam se pahle

ya saare rang murdaa the tumhaari shakl banne tak
ya saare harf muhmal the tumhaare naam se pahle

huaa hai wo agar munsif tou Amjad ihtiyataN ham
sazaa tasleem karte hain kisi ilzam se pahle


Khvaab marate nahii.n
Khvaab dil hai.n na aa.Nkhe.n na saa.Nse.n ke jo
rezaa-rezaa hue to bikhar jaaye.nge
jism kii maut se ye bhii mar jaaye.nge

Khvaab marate nahii.n
Khvaab to raushanii hai.n, navaa hai.n, havaa hai.n
jo kaale pahaa.Do.n se rukate nahii.n
zulm ke dozaKho.n se bhii phukate nahii.n
raushanii aur navaa aur havaa ke aalam
maqtalo.n me.n pahu.Nch kar bhii jhukate nahii.n

Khvaab to harf hai.n
Khvaab to nuur hai.n
Khvaab to suqraat hai.n
Khvaab mansuur hai.n

yaad kisii kii chaa.Ndanii ban kar koThe koThe utarii hai


yaad kisii kii chaa.Ndanii ban kar koThe koThe utarii hai
yaad kisii kii dhuup hu_ii hai ziinaa ziinaa utarii hai

raat kii raanii sahan-e-chaman me.n gesuu khole sotii hai
raat-beraat udhar mat jaanaa ik naagin bhii rahatii hai

tum ko kyaa tum Gazale.n kah kar apanii aag bujhaa loge
us ke jii se puuchho jo patthar kii tarah chup rahatii hai

patthar lekar galiyo.n galiyo.n la.Dake puuchhaa karate hai.n
har bastii me.n mujh se aage shoharat merii pahu.Nchatii hai

muddat se ik la.Dakii ke ruKhsaar kii dhuup nahii.n aa_ii
isii liye mere kamare me.n itanii Tha.nDak rahatii hai

kisii kii chaa.Ndanii ban kar koThe koThe utarii hai
yaad kisii kii dhuup hu_ii hai ziinaa ziinaa utarii hai

raat kii raanii sahan-e-chaman me.n gesuu khole sotii hai
raat-beraat udhar mat jaanaa ik naagin bhii rahatii hai

tum ko kyaa tum Gazale.n kah kar apanii aag bujhaa loge
us ke jii se puuchho jo patthar kii tarah chup rahatii hai

patthar lekar galiyo.n galiyo.n la.Dake puuchhaa karate hai.n
har bastii me.n mujh se aage shoharat merii pahu.Nchatii hai

muddat se ik la.Dakii ke ruKhsaar kii dhuup nahii.n aa_ii
isii liye mere kamare me.n itanii Tha.nDak rahatii hai

safar


phir ek din aisaa aayegaa
aa.Nkho.n ke diye bujh jaaye.nge
haatho.n ke ka.Nval kumhalaaye.nge

aur barg-e-zabaa.N se nataq-va-sadaa
kii har titalii u.D jaayegii

ik kaale samandar kii tah me.n
kaliyo.n kii tarah se khilatii hu_ii
phuulo.n kii tarah se ha.Nsatii hu_ii
saarii shakle.n kho jaaye.ngii

Khuun kii gardish dil kii dha.Dakan
sab rangiiniyaa.N so jaaye.ngii

aur niilii fazaa kii maKhmal par
ha.Nsatii hu_ii hiire kii ye kaanii
ye merii jannat merii zamii.n
is kii subahe.n is kii shaame.n
bejaane hue besamajhe hue
ik musht Gubaar-e-insaa.N par
shabanam kii ro jaaye.ngii

har chiiz bhulaa dii jaayegii
yaado.n ke hasii.n but_Khaane se
har chiiz uThaa dii jaayegii
phir ko_ii nahii.n ye puuchhegaa
‘sardar’ kahaa.N hai mahafil me.n

lekin mai.n yahaa.N phir aa_uu.Ngaa
bachcho.n ke dahan se boluu.Ngaa
chi.Diyo.n kii zabaa.N se gaa_uu.Ngaa

jab biij ha.Nse.nge dharatii me.n
aur ko.npale.n apanii u.Ngalii se
miTTii kii taho.n ko chhe.De.ngii
mai.n pattii pattii kalii kalii
apanii aa.Nkhe.n phir kholuu.Ngaa
sar sabz hathelii par lekar
shabanam ke qatre tuluu.Ngaa

mai.n rang-e-henaa aahang-e-Gazal
andaaz-e-suKhan ban jaa_uu.Ngaa
ruKhsaar-e-uruus-e-nau kii tarah
har aa.Nchal se chhan jaa_uu.Ngaa

jaa.Do.n kii havaaye.n daaman me.n
jab fasal-e-Khazaa.N ko laaye.ngii
rahruu ke javaa.N qadamo.n ke tale
suukhe hue patto.n se mere
ha.Nsane kii sadaaye.n aaye.ngii

dharatii kii sunaharii sab nadiyaa.N
aakaash kii niilii sab jhiile.n
hastii se merii bhar jaaye.ngii

aur saaraa zamaanaa dekhegaa
har qissaa meraa afsaanaa hai
har aashiq hai saradaar yahaa.N
har maashuuqaa sultaanaa hai

mai.n ek gurezaa.N lamhaa huu.N
ayyaam ke afsuu.N_khaane me.n
mai.n ek ta.Dapataa qatraa huu.N
masaruuf-e-safar jo rahataa hai
maazii kii suraahii ke dil se
mustaqbil ke paimaane me.n

mai.n sotaa huu.N aur jaagataa huu.N
aur jaag ke phir so jaataa huu.N
sadiyo.n kaa puraanaa khel huu.N mai.n
mai.n mar ke amar ho jaataa huu.N

Aik Nazm


Bay nigah aaNkhoun say
dekhtay haiN parchay ko

bay khiyaal haathouN say
un-bannay say lafzouN par
ungliyaaN ghummaatay haiN
yaa sawaal naamay ko
dekhtay hee jaatay haiN!

hur taraf kan-ankhiyouN say
bucch buccha kay taktay haiN
doosrouN kay purchouN ko
rehnumma samajhtay haiN

shaayad iss tarah koie,
raasta hee mil jaaey!
bay nishaaN jawaabouN kaa
kuch pata hee chull jaey!

mujh ko dekhtay haiN tau
youn jawaab copy par,
haashiyeh lagatay haiN
daaeray banaatay haiN
jaisay unn ko purchay kay
subb jawaab aatay haiN

iss tarah kay manzar maiN
Imtehaan gaahouN maiN,
dekhtaa hee rehtaa hooN
naqal karnay waalouN kay
nit naaey tareeqouN say
Aap lutf laita thaa,
dostouN say kehtaa thaa
kiss tarah say jaanay yeh
Aaj dil kay aangan maiN
ik khiyaal aayaa hay
sekRouN sawaalouN saa
ik sawaal laayaa hay

Waqt kee adaalat maiN
zindagi kee soorat maiN
yeh jo teray haathouN maiN,
aik sawaalnaama hay
kiss nay yeh banaayaa hay?
Kiss liyeh banaayaa hay?
kuch samajh maiN aayaa hay?

zindagi kay purcchay kay
subb sawaal laazim haiN,
subb sawaal mushkil haiN!
bay nigh aankhouN say
dekhtaa hooN purcchay ko
bay khiyaal haathouN say

un-bannay say lafzouN par
uNgliyaaN ghumaataa hooN
Haashiyeh lagaataa hooN
daairay banaataa hooN,

yaa sawaal naamay ko
dekhtaa he jaataa hooN

(Amjad Islam Amjad)

Khwaab


Khawaab bi aake musafir ki tara hotey hain
Chashm darchashm sada iin ko safer mein rehna
Rang ki mooj mein,khusboo ke aser mein rehna
Iin ki aadat hi nahi
Aake jagah per rukna
Iin ki kismat hi nahi
Aake nager mein rehna

Hum bi ek khawaab hain aye jaan,teri aankhon mein
Chund lamhon ko ju thehrein tu hamein
Apni palkon ki amaan mein rakhna
Saya abr e tawaja ke gumaan mein rakhna
Dheyaan ke taak se hum ko na hatana,jub tak
Raat ke baam pe taron ke diye jaltey hain
Dekhna hum ko,hamein dekhtey jana,jub tak
Hum teri aankh ki wadi mein safer kartey rahein
Khawaab ka shook yehi,khawaab ki kismat bi yehi
Halka reghe rawaan,gard e safer mein rehna
Raang ki mooj mein,khusboo ke aser mein rehna

Hum mager khawaab hain kuch aur tara ke,hum ko
Na koi shooke e safer hai na talash e khusboo
Teri aankhon mein jalyein aur uunhi mein bujh jayein
Chashm darchashm nahi hum ko safer mein rehna!
Hum ko hai teri nazer mein rehna!

Yaad


is moosam main jitne phool khilain ge

un main teri yaad ki khushbuu her su rooshan ho gi

pata pata bhoole basre rangoon ki tasweer banata guzre ga

ik yaad jagata guzre ga

is moosam main jitne taare aasmaan pe zahir hoon ge

un main teri yaad ka paikar, manzar manzr uryaan ho ga

teri jhil mil yaad ka chehra roop dikhata guzre ga

is moosam main

dil duniya main jo bhi aahat ho gi

un main teri yaad ka saaya geet ki soorat dhal jaye ga

shabnam se aawaz mila ker kaliyaan us ko doohraaain gi

teri yaad ki sun gun lene chaand mere ghar uutre ga

aankhain phool bichaayin gi

apni yaad ki khushbuu mujh ko daan kero aur apne dil main aane do

yaa meri jhoolii ko bhar do yaaa mujh ko MARR jaane do

merey hum-safar


Merey jism-o-jaan kay har ik raabtey se muatabar
merey hum-safar
tujhey yaad hay, tujhey yaad hay
woh jo qurbattoN kay suroor maiN
teri aarzoo kay hisaar maiN
meri khuahishoN kay wafoor maiN
kaii zaiqay thay ghulay howey
dar-i-gulistaN se bahaar tak
woh jo raastey thay khiley howey
sar-e-looh-e jaaN
kisi ajnabi si zabaan kay
woh jo khushnuma se haroof thay
woh jo sarkashi ka ghubaar tha chaar soo
jahaN aik dojay kay ro-baroo
humaiN apni roohoN maiN phailti
kisi naghmagi ki khabar mili
kisi roshni ki nazar mili

humeiN roshni ki nazar mili
tou jo raiza raiza se akss thay
woh baham howey
woh baham howey tou pata chala
keh jo aag si hay sharar-fashaN meri khaak maiN
issi aag ka koi an-bujha sa nishaaN hay teri khaak maiN
issi khaak-daan maiN woh khauab hay jissey shakal deney kay waastey
ye jo shaash jo haat ka khail hay woh rawaaN howa
issi roshni se makaan bana, ussi roshni se zamaaN howa
ye jo har gumaaN ka yaqeen hay
woh jo har yaqeen ka gumaan tha
issi daantaan ka biyaan tha

merey hum-safar
kisi dhiyaan ki kisi taaq per
hay dhara howa
woh jo ik rishta-e-dard tha
merey naam ka terey naam se
teri subah ka meri shaam se
sar-e-raah-e-guzar hay paRa howa wohi khuab-e-jaaN
jissey apni aankhoN se dekh lainey kay wastey
kaii laakh taaroN ki seeRiyooN se uter kay aate thee kehkashaN
sar-e-aasmaaN!
ksii abar parey ki oout se
usse chaand takta tha raat bhar

mere hum-safar
ussi ghum-e-rakht ko samaiTtey
ussi khuaab-e-jaaN ko sambhaltey
merey raastey kaii raastoN maiN ulajh gaye
woh chitaagh jo mere saath saath thay, bujh gaye
woh jo manzileiN
kisi aur manzil-e-bay-nishaN kay ghubaar-e-raah main kho gayeeN
kaii vasvasoN kay fishaar maiN shab-e-intizaar si ho gayeeN
woh tanaab-e-dil jo ukhaR gaye
woh khayam-e-jaaN jo ujaR gaye
woh safeer thay ussi daastan-e-hayaat kay
jo warq warq thee bhari howi

mere shooq se terey roop se
kaheen chaa’on se kaheen dhoop se
merey hum-safar tujhey kya khabar
ye jo waqt hay kisi dhoop chaa’on kay khail sa
usse dekhtey, usse jhailtey
meri aankh gard se att gayi
merey khuaab rait maiN kho gaye
merey haath barf se ho gaye

merey hum-safar
merey bay-khabar terey naam per
woh jo phool khiltey thay hoonT per
woh jo deep jaltey thay baam per
woh nahiN rahey
woh nahiN rahey keh jo ik rabt tha darmiyaaN
woh bikher gaya
kisi shaam aisi hawa chali
keh jo barg thay sar-e-shaakh-e-jaaN
woh gir gaye
woh jo harf darJ thay rait per
woh uRR gaye
woh jo raastoN kay yaqeen thay
woh jo manziloN kay ameen thay
woh nishaan-e-pa bhi miTT gaye

merey hum-safar
hay wohi safar
magar aik mooR kay farq se
terey haath se merey haath tak
woh jo haath bhar ka tha faasla
kaii musumoN maiN badal gaya
usse naaptey, usse kaaTtey
mera saara waqt nikal gaya
tu mere safar ka shareek hay
meiN terey safar ka shareek hooN
par jo darmiyan se nikal gaya
ussi faasley kay shumaar maiN
ussi bay-yaqeen se ghubaar maiN
ussi raah-e-guzar kay hisaar maiN
tera raasta koi aur hay
mera raasta koi aur hay

~Amjad Islam Amjad~

mai.n ek dariyaa ke paar utaraa to mai.n ne dekhaa


chaman me.n rang-e-bahaar utaraa to mai.n ne dekhaa
nazar se dil kaa Gubaar utaraa to mai.n ne dekhaa

mai.n niim shab aazamaa ke hasarat ko dekhataa thaa
chaman me.n vo husn zaar utaraa to mai.n ne dekhaa

Khumaar mai thii vo cheharaa kuchh aur lag rahaa thaa
Dam-e-sahar jab Khumaar utaraa to mai.n ne dekhaa

galii ke baahar tamaam ma.nzil badal gaye the
jo saayaa ek kuu-e-yaar utaraa to mai.n ne dekhaa
ik aur dariyaa kaa saamanaa thaa ‘Munir’ mujh ko

mai.n ek dariyaa ke paar utaraa to mai.n ne dekhaa

Tuloo-e-shams-e-mafariqat


Tuloo-e-shams-e-mafariqat

purani kirneiN naey makanoN ke aganoN meiN laraz rahi heiN

faseel-e-shehar-e-wafa ke rozan

chamaktey zarroN se bhar gaye heiN

chamaktey zarrey…

gaye dinoN ki aziz bateiN

nigar subheiN, gulab rateiN

bisat-e-dil bhi ajeeb shey hay

hazar jeeteiN, hazar mateiN

judaiyon ki hawaeiN lamhon ki khushk mitti ura rahi heiN

gayee rutooN ka malal kab tak

chalo ke shakheiN to toot’ti hi heiN

chalo ke qabroon pe khoon rooney sey

apni aankheiN hi phoot’ti heiN

ye mor wo hey jahaaN sey merey tumharey rastey badal gaye heiN

purani rahon ko lotna bhi hamari muqaddar mein nahi

ke rastey bhi hamarey qadmon ke saath agey nikal gaye heiN

tuloo-e-shams-e-mafariqat hey

tum apni aankhoN meiN jhilmilatey huwey sitarooN ko maot dey do

gayi rutooN ke tamam pholon, tamaam kharooN ko maot dey do

naye safar ko hayat bakhsho

ke pichli raahon pe sabt jitney naqoosh-e-pa heiN

wo baar hongey

hawa uraye ke tum urao…!!!