Nida-e-Ghaib


Har ik ool-il-amar ko sadaa do. .

K apni fard-e-amal sambhalay. .

Uthay ga jab jama-e-sir farosha’n. .

Paraingy daar-o-rasann k laalay. .

Koi na ho ga k jo bacha lay. .

Jaza Saza sab yahi’n pe ho gi. .

Yahi’n azab-o-sawab ho ga. .

Yahi’n se uthay ga shor-e-mehshar. .

Yahi’n pe roz-e-hisaab ho ga. . . !

Gar Hay Yehi Maslak-E-Shams-O-Qamar In Shams-O-Qamar Ka Kia Ho Ga


Pehli Aawaz

Ab Saai Ka Imkan Aur Nahin Perwaz Ka Mazmoon Ho Bhi Chuka

Taron Peh Kamandain Phaink Chukay Mehtab Peh Shab Khun Ho Bi Chuka

Ab Aur Kisi Farda Kay Liay In Aankhon Say Kia Paiman Kejay

Kis Khab Kay Jhotay Afsoon Say Taskeen-E-Dil-E-Nadan Kejay

Sherini-A-Lab, Khusbo-E-Dahan, Ab Shoq Ka Unwan Koi Nahin

Shadabi-E-Dil, Tafreeh-E-Nazar, Ab Zeest Ka Darman Koi Nahin

Jeenay Kay Fasanay Rahnay Do Ab In Main Ulajh Kay Kia Lain Gay

Ik Mot Ka Dhanda Baqi Hay Jab Chahain Gay Niptalaingay

Yeh Tera Kafan Woh Mera Kafan Yeh Teri Lahad Who Meri Hay

Dosri Aawaz

Hasti Ki Matai Bay Payan Jageer Teri Hay Na Meri Hay

Iss Bazm Main Apni Mishal-E-Dil Bismil Hay To Kia Rakhshan Hay To Kia

Yeh Bazm Charaghan Rahti Hay Ik Taaq Agar Weeran Hay To Kia

Afsurdah Hain Ayyam Teray Badla Nahin Muslak-E-Sham-O-Sahar

Tthehray Nahin Mosam-E-Gul Kay Qadam, Qayam Hay Jamal-E-Shams-O-Qamar

Aabad Hay Wadi-A-Kakul-O-Lub Shadab-O-Haseen Gulgasht-E-Nazar

Maqsoom Hay Lazzat-E-Dard-E-Jigar, Mojood Hay Nimat-E-Deeda-E-Tar

Iss Deeda-E-Tar Ka Shkr Karo Iss Zoaq-E-Nazar Ka Shkr Karo

Iss Sham-O-Sahar Ka Shkr Karo Iss Shams-O-Qamar Ka Shkr Karo

Pehli Aawaz

Gar Hay Yehi Maslak-E-Shams-O-Qamar In Shams-O-Qamar Ka Kia Ho Ga

Ranai-E-Shab Ka Kia Hoga Andaz-E-Sahar Ka Kia Ho Ga

Jab Khon-E-Jigar Barfab Bana Jab Aankhain Aahan Posh Hoin

Iss Deeda-E-Tar Ka Kia Ho Ga Iss Zoaq-E-Nazar Ka Kia Ho Ga

Jab She’r Kay Khaimay Rakh Hoay Naghmon Ki Tanabain Toot Gain

Yeh Saz Kahan Sar Phorain Gay Iss Kalk-E-Gohar Ka Kia Ho Ga

Jab Kunj-E-Qafas Maskan Tthehra Aur Jaib-O-Garaiban Toq-O-Rasan

Aaiy Keh Na Aaiy Mosam-E-Gul Iss Dard-E-Jigar Ka Kia Ho Ga

Dosri Awaz

Yeh Haath Salamat Hain Jab Tak Iss Khon Main Hararat Hay Jab Tak

Iss Dil Main Sadaqat Hay Jab Tak Iss Nutq Main Taqat Hay Jab Tak

In Toq-O-Salasil Ko Hum Tum Sikhlaingay Shorish-E-Barrabt-O-Nay

Woh Shorish Jiskay Aagay Zuboon Hangama-E-Tabl-E-Qaisar-O-Kay

Azad Hain Apnay Fikr-O-Amal Bharpoor Khazina Himmat Ka

Ik Umr Hay Apni Har Saat Imroze Hay Apna Har Farda

Yeh Sham-O-Sahar Yeh Shams-O-Qamar Yeh Akhtar-O-Kokab Apnay Hain

Yeh Loh-O-Qalam Yeh Tabl-O-Alam Yeh Mal-O-Hasham Sab Apnay Hain

(By Faiz Ahmed Faiz)

meri maut hai meri hamsafar meri zindagi bhi ajeeb hai


meri maut hai meri hamsafar meri zindagi bhi ajeeb hai
meray charo’n tarrf hai jalwa garr teri be rukhi bhi ajeeb hai

mera dard hai lab e aashna teri ranjisho’n k azaab say
meray shair hain meray chara garr meri dil lagi bhi ajeeb hai

jo hai ta’ana zann meri zaat par mujhay unsay koi gila nahee’n
mujhay jaan say hain azeez tarr meri dosti bhi ajeeb hai

mai lahoo jigar say guzar kar, tujhay naql karta hoo’n warq warq
hai qalam ki nauk say mukhtasar teri aagahee bhi ajeeb hai

mai peher ki tapti hawao’n say, karhi dhoop mai kharha be khabar
saray reh-guzar tera muntazar, meri be basi bhi ajeeb hai

Rang pairahan ka, Khushbu zulf lehrane ka naam


Rang pairahan ka, Khushbu zulf lehrane ka naam
Mousam-e gul ha tumhare baam par aane ka naam

Doston us chashm-o-lab ki kuchh kaho jiske baghair
Gulistaan ki baat rangeen na maikhaane ka naam

Phir nazar main phool mehke dil main phir shama jali
Phir tasavvur ne liya us bazm main jaane ka naam

Mohtasib ki khair, ooncha ha usi k naam se
Rind ka, saqi ka, mai ka, khum ka, paimaane ka naam

Ham se kehte hain chaman vaale gharibaan-e chaman
Tum koi achha sa rakh lo apne veeraane ka naam

Faiz unko ha taqaaza-e vafaa ham se jinhen
Aashna k naam se pyaara ha begaane ka naam.

FAIZ AHMAD FAIZ

hairato.n ke sil_sile soz-e-nihaa.N tak aa gaye


hairato.n ke sil_sile soz-e-nihaa.N tak aa gaye
ham nazar tak chaahate the tum to jaa.N tak aa gaye

naamuraadii apanii qismat gum_raahii apanaa nasiib
kaaravaa.N kii Khair ho ham kaaravaa.N tak aa gaye

un kii palako.n par sitaare apane ho.nTho.n pe ha.Nsii
qissaa-e-Gam kahate kahate ham kahaa.N tak aa gaye

apanii apanii justajuu hai apanaa apanaa shauq hai
tum ha.Nsii tak bhii na pahu.Nche ham fuGaa.N tak aa gaye

zulf me.n Khushbuu na thii yaa rang aariz me.n na thaa
aap kis kii aarazuu me.n gulistaa.N tak aa gaye

raftaa raftaa rang laayaa jazbaa-e-Khaamoshii-e-ishq
vo taGaaful karate karate imtihaa.N tak aa gaye

Khud tumhe.n chaak-e-girebaa.N kaa sha_uur aa jaayegaa
tum vahaa.N tak aa to jaao ham jahaa.N tak aa gaye

aaj ‘Qabil’ maikade me.n inqalaab aane ko hai
ahal-e-dil andeshaa-e-suud-o-ziyaa.N tak aa gaye

Qabil Ajmeri

talab ki aag kisi shola-ru se raushan hai


talab ki aag kisi shola-ru se raushan hai
khayal ho ke nazar aarzo se raushan hai

janam janam ke andheron ko de raha hai shikast
vo ik charagh ke apne lahu se raushan hai

kahin hujum-e-havadis main kho ke rah jaata
jamal-e-yaar meri justuju se raushan hai

ye tabish-e-lab-e-lalin ye shola-e-avaz
tamam bazm teri guftugu se raushan hai

visal-e-yaar tau mumkin nahin magar naseh
rukh-e-hayat isi aarzu se raushan hai

(Qabil Ajmeri)

Uzr aane mein bhi hai aur bulaate bhi nahin


Uzr aane mein bhi hai aur bulaate bhi nahin
Baa’is-e-tark-e-mulaaqaat bataate bhi nahin

Khoob parda hai ke chilman se lage baithe hain
Saaf chupte bhi nahi saamane aate bhi nahin

Ho chuka qata ta’lluq toh jafaayen kyon hon
Jinko matalab nahin rahataa hai woh sataate bhi nahin

Zeest se tang ho ae Daagh toh jeetey kyon hon
Jaan pyari bhi nahin jaan se jaate bhi nahin

Daagh Dehlvi