Yeh saraaye hai yahan kis ka thikaana dhoondo


Yeh saraaye hai yahan kis ka thikaana dhoondo
Yaan tou aatay hain musaafir, so chalay jatay hain

Haan yehi naam thaa, kuch aesa hi chehra muhraa
Yaad parrta hai keh aayaa thaa musaafir koii
Soonay aangan main phira karta thaa tanha tanha
Kitni gehrii thii nigaahon kii udaasi uss kii
Log kehtay they keh hoga koii aaseb-zadda
Hum nay aesii bhii koii baat naa uss main dekhii

Yeh bhi himmat na hoii, paas bithaa key poochain
Dil yeh kehta thaa koii dard ka maara hoga
Lout aayaa hai jo aawaaz na uss kii paaii
Jaanay kiss dar peh kissay jaa key pukaara hoga
Yaan tou her roz kii baatain hain yeh jeetain maatain
Yeh bhi chaahat key kisi khail main hara hoga

Aik tasveer thii, kuch aap say miltii jultii
Aik tehreer thii, per iss ka tou qissa chorro
Chand ghazlain theen keh likheen, kabhi likh kar kaateen
Shair achay they, jo sun lo tou kaleja thaamo
Bus yehii haal musaafir ka thaa, hum nay dekhaa
Jaanay kiss raah main kiss shakhs nay loota uss ko

Guzra kartay hain sulagtay howay baaqi ayyaam
Log jub aag lagatay hain bujhaatay bhi nahin
Ajnabi peet kay maaron say kisi ko kya kaam
Bastiyon walay kabhi naaz uthaatay bhi nahin
Cheen laitay hain kisi shakhs say ji ka aaraam
Phir bulaatay bhi nahin, paas bithaatay bhi nahin

Aik din subh jo dekhaa tuo saraaye main na thaa
Jaanay kis dais gyaa hai woh divana dhoondo
Hum say poocho tou na aaye ga woh janay wala
Tum tou na-haq ko bhataknay ka bahaana dhoondo
Yaan tou aayaa jo musaafir younhii shab-bhar thehra
Yeh saraaye hai yahan kis ka thikaana dhoondo

(Ibn-e-Insha)

Woh Jo Hum Mein Tum Mein Qaraar Tha,


Woh Jo Hum Mein Tum Mein Qaraar Tha, Tumhe Yaad Ho Ke Naa Yaad Ho
Wohi Yaani Waada Nibaah Kaa, Tumhe Yaad Ho Ke Naa Yaad Ho

Woh Jo Lutf Mujh Pe The Beshtar, Wok Karam Ke Tha Mere Haal Par
Mujhe Sab Hai Yaad Zaraa Zaraa, Tumhe Yaad Ho Ke Naa Yaad Ho

Woh Naye Gile, Woh Shikaayatei, Woh Maze Maze Ki Hiqaayatei
Woh Har Ek Baat Par Roothnaa, Tumhe Yaad Ho Ke Naa Yaad Ho
[ Hiqaayat = Story ]  [Gila = Compaint]

Kabhi Hum Mein Tum Mein Bhi Chah Thi, Kabhi Hum Se Tum Se Bhi Raah Thi
Kabhi Hum Bhi Tum Se The Ashana, Tumhei Yaad Ho Ke Naa Yaad Ho
[ Ashana = Friendship]

Jise Aap Kehate The Baavafaa, Jise Aap Ginate The Ashana
Main Wahi huu ‘momin-e-mubatala’, Tumhei Yaad Ho Ke Naa Yaad Ho

Momin Khan Momin

Jin ke honton pe hansi


Jin ke honton pe hansee paaon mein chhalay honge
haa wohi log tere chahnay waale honge

mai barastee hai fazaaon pe nashaa taaree hai
mere saaqi ne kahin jaam uchhalay honge

shama le aaye hain hum jalwa-gah-e-jaana se 
ab do-aalam mein ujaalay hi ujaalay honge

hum baday naaz se aaye thay teree mehfil mein
kya khabar thi lab-e-izhaar pe taalay honge

 

Neend se ankh khuli hai


Neend se aankh khuli hai abhi dekha kya hai
Dekh lena abhi kuch der mein duniya kya hai

Bandh rakha hai kisi sonch ne ghar say humko
Varna apna dar-o-deewar se rishta kya hai

Ret ki eent ki pathar ki hun ya mitti ki
Kisi deewar ke saye ka barosa kya hai

Apni daanist me samjhay koi duniya shahid
Warna hatho me lakiro ke ilaawa kya hai