Muhabat Aakhrish Hai Kia?


Main Shaair Hoon To Akser Loog Mujh Se Pochtey Hein
Is Haseen Israar K Baare
Bataain To Bhala Kia Hai?
Muhabat Aakhrish Hai Kia?
Wasi Me Hans K Kehta Hoon
Kisi Pyase Ko Apne Hissey Ka Paani Pilana Bhe
Muhabat Hai
Bhanwar Me Doobte Ko Saahiloon Tak Le K Jana Bhe
Muhabat Hai
Kisi K Waaste Nanhi Si Qurbani Muhabat Hai
Kaheen Hum Raaz Saare Khool Saktey Hoon Mager Phir Bhe
Kisi Ki Bebasi Ko Dekh Ker Khaamosh Reh Jana
Muhabat Hai
Ho Dil Me Dard, Weraani Mager Phir Bhe
Kisi K Waaste Jabran He Hoonto Per Hansi Laana
Zaberdasti He Muskana
Muhabat Hai
Kaheen Barish Me Seh’me, Bheegte Billi K Bachey Ko
Zara Si Deir Ko Ghar Ley K Aana Bhe
Muhabat Hai
Koi Chirya Jo Kamre Me Bhatakti Aan Nikli Ho
To Us Chirya Ko
Pankhey Band Ker K Raasta Bahir Ka Dikhlana
Muhabat Hai
Kisi K Zakhm Sehlana
Kisi Rotey Huwe Ke Dil Ko Behlana
Muhabat Hai
K Meetha Bool , Meethi Baat, Meethey Lafz, Sab Kia Hain?
Muhabbat Hai
Muhabat Aik He Bas Aik He Insaan Ki Khatir
Magan Rehna
Hama Waqt Us Ki Batoon, Khushbowoon Me Dolna Kab Hai
Muhabat Us Ki Zulf K Bul Kholna Kab Hai
Muhabat K Hazaaron Rang
Laakhon Ista’aarey Hein
Kisi Bhe Rang Me Ho Yeh
Mujhey Apna Banati Hai
Yeh Mere Dil Ko Bhaati Hai

kaya usay likhain ‘Mohsin’ kaya usay kahain ‘Mohsin’


us ne door rehnay ka mashwara bhi likha hai
sath hi muhabbat ka wasta bhi likha hai

us ne ye bhi likha hai mere ghar nahin ana
saaf saaf lafzon main rasta bhi likha hai

kuch haroof likhay hain zabt ki naseehat main
kuch haroof main us ne hosla bhi likha hai
shukria bhi likha hai dil se yad karnay ka
dil de dil ka hai kitna faasla bhi likha hai

kaya usay likhain ‘Mohsin’ kaya usay kahain ‘Mohsin’
jis ne kar ke be-jan phir jan-e-jaan bhi likha hai

har gharri dard ki shiddat se sisakti ankhain


har gharri dard ki shiddat se sisakti ankhain

Aur oopar se tery wasl ke khawabon ke azaab

Roz aangan mein kharray pairr sy girty patty

Aur sar-e-shaam parindon pe guzrti aafat

Nabz aur dil ki bghawat se

tarapti hay hayat

Is bharay shehr mein brrhta hua logon ka Qehat

Roz hoti hay merey sath deewaron ki jharrap

Roz ik sans ko phaansi ki saza milti hy

Ab to aa ja meri jan ke pyary dushman

Ab to aa ja K tery hijr k Qaidi ko yahan

Roz is shehr mein marnay ki dua milti hy..!

aaj phir chaand ki peshani se uth’ta hai dhuan,


aaj phir chaand ki peshani se uth’ta hai dhuan,


aaj phir mehki hui raat mein jalna hoga.


aaj phir seene mein uljhee hui vazni sansein,


phat ke bas toot hi jaengee,bikhar jaengee;


aaj phir jaag ke guzregi tere khavab mein raat,


aaj phir chaand ki peshani se uth’ta hai dhuan,


aaj phir mehki huee raat mein jalna hoga.


(Gulzar)

Main rozgaar ke silsile me….


Main rozgaar ke silsile me….

kabhi kabhi uske shaher jata hu….

to guzarta hu us gali se………

wo neem-tariq si gali…

aur usike nukkad pe mota purana sa ik khambha.

usi k niche…

tamam shab intezaar karke..

main chod aaya tha shaher uska.. bahot hi khasta si roshni ko teke..

wo khambha aaj bhi wahi khada hai.

futur hai…magar….

main us khambhe ke paas jakar…

nazar bachake mohallewalo ki…

puch leta hu aaj bhi ye.


ke….

mere jaane k bad bhi…..

wo aayi to nahi thi……..?

wo aayi thi kya…………..?

(Gulzar)

Naat


MUHAMMAD MUSTAFA, mehboob-e-daawar, sarwar-e-aalam
wo, jis k dam sy masjood-e-malayak, ban gya aadam

kia saajid ko shayda, jis ne masjood-e-haqeeqi par
jhukaya abd ko dargaah-e-mabood-e-haqeeqi par

dilaey haq parasto’N ko, haqooq-e-zindagi jis ne
kia baatil ko gharq-e-moja-e-sharmindgi jis ne

ghulamo’N ko sareer-e-saltanat par jis ne bithlaya
yateemo’N k saro’N par kar dia iqbal ka saya

gadao’N ko shehanshahi k qaabil kar dia jis ne
gharoor-e-nasl ka afsoon, baatil kar dia jis ne

wo jis ne takhat ondhy kar diay shaahan-e-jaabir k
barhaey martaby dunia mein har insaan-e-saabir k

wo jis ka zikr hota hy, zameeno’N aasmano’N mein
farishto’N ke duao’N mein, moazzan ke azano’N mein

wo jis k moajzy ne, nazm-e-hasti ko sanwara hy
jo be yaro’N ka yara, be saharo’N ka sahara hy

wo noor-e-lam yazal, jo baais-e-takhleeq-e-aalam hy
khuda k baad jis ka ism-e-azam, ism-e-azam hy

sana khwan jis ka quraa’N hy, sana hy jis ke quraa’N mein
usi par mera eema’N hy, wohi hy mery eema’N mein

ABU-AL-ASAR HAFEEZ JALANDHARI from SHAHNAMA-E-ISLAM

(Contributed by Amaavas)

Khuda Karay Ke Meri Arz-e-Pak Per Utray


Khuda Karay Ke Meri Arz-e-Pak Per Utray
Wo Fasl-e-Gul Jisay Andesha-e-Zawaal Na Ho

Yahan Jo Phool Khilay, Khila Rahay Sadi’on
Yahan Khizaan Ko Guzarnay Ki Bhi Majaal Na Ho

Yahan Jo Sabza Ugay, Hamesha Sabz Rahay
Aur Aisa Sabz Ke Jis Ki Koi Misaal Na Ho

Khuda Karay Ke Na Kham Ho Sir-e-Waqar-e-Watan
Aur Is Ke Husn Ko Tashweesh-e-Mah-o-Saal Na Ho

Her Aik Fard Ho, Tahzeeb-o-Fun Ka Oaj-e-Kamaal
Koi Malool Na Ho, Koi Khasta Haal Na Ho

Khuda Karay Ke Meray Aik Bhi Hum’Watan Ke Leay
Hayaat Jurm Na Ho, Zindagi Wabaal Na Ho

Khuda Karay Ke Meri Arz-e-Pak Per Utray
Wo Fasl-e-Gul Jisay Andesha-e-Zawaal Na Ho

Ahmad Nadeem Qasmi

Jahan per tum nahin hotay


Wahan na phool khilte hein
na hii mosum badalte hein
wahan tu kuch nahin hota
jahaan per tum nahin hotay

yahan wese tu har soghaaT aasanii se miltii haii
par mera dil nhe lagta
yahan tu log sadiyoN ko b lamhoN mei badalte hein
mera ik pal nahin kat-ta
jahan per tum nahin hotay

sabab roonay ka wo pochieN
tu Qaasid itna keh dena

mujhe hansa nahin aata…..
jahan per tum nahin hotay

terii yaad mei sabb guzar gaye. . . .. . shab-0-roz kaya, maah-o-saal kaya.


tujhe naaz haii k main husn hoon
mere gulistaaN ko zawaal kaya
mujhe fakhR haii k mae ishQ hoon
j0 jala na dun tu kamaal kaya

mje zindagii kii dua na de
mujhe zindagii kii talab nhe
merii maut ko jo taal de
is zindagii kii majaal kaya

hamien manziloN kii khabR nhe
hamien rah-guzR kii talaash hei
us rah-guzr pe nikal parrayy
tu urooj kaya, zawaal kaya

tere pyaaR mei shikweyy, gileyy
terii in adaa0N pe marr chalayy
jo hayaaT thii tujhe waaR dii
tu jawab kaya, aur sawal kaya

thii jo ik ada-e-dil-barii
saarii umeR ussii pe waar dii

~terii yaad mei sabb guzar gaye. . . .. . shab-0-roz kaya, maah-o-saal kaya. .. . . .~

sulag raha hoon mein dheery dheery, magar kisi par ayaa’N nahe hy


sulag raha hoon mein dheery dheery, magar kisi par ayaa’N nahe hy
wo aag dil mein lagi hy jis mein, tapish hy lukin dhooa’N nahe hy

tumhary gham ne sikha dia hy, mujhy har ik gham se payar karna
gham-e-jaha’N bhi, yaqeen jano, mizaaj-e-dil par garaa’N nahe hy

khuda ke basti mein har kadam par, koi hy giryaa’N kisi k gham par
yeh dard to dard-e-mushtarak hy, yeh aankh pur namm kaha’N nahe hy

matta-e-umr-e-aziz sari, ganwa chuky, par safar hy jari
ajeeb souda hy aashqi ka, keh fikr-e-sood-o-ziyaa’N nahe hy

meri khamoshi pe hansny walo, yeh bhool kar bhi na soch lena
keh mery pehloo mein dil nahe hy, keh mery munh mein zubaa’N nahe hy

ghazal kaho AITBAAR SAJID, isi tarapti hue navaa mein
yeh tarz, yeh dil gudaaz lehja, samaa’to’N par garaa’N nahe hy

(Aitbaar Sajid from Mujhy Koi Sham Udhaar Do)

(contributed by Amaavas)

kuch muhtasibo’N ke khalwat mein


kuch muhtasibo’N ke khalwat mein, kuch vaa’iz ky ghar jati hy
hum bada kasho’N ky hissy ke, ab jaam mein kam tar jati hy

yoon arz-e-talab se kab ay dil, pathar dil pani hoty hain
tum lakh raza ke khoo dalo, kab khoo-e-sitamgar jati hy

be daad garo’N ke basti hy, yaa’N daad kaha’N, khayraat kaha’N
sar phorti phirti hy nada’N, farayad jo dar dar jati hy

haan, jaa’N ky zayaa’N ke hum ko bhi, tashveesh hy lykin kya ke jiay
har rah jo udhar ko jati hy, maqtal sy guzar kar jati hy

hum ehl-e-qafas tanha bhi nahe, har roz naseem-e-subh-e-watan
yado’N sy muattar aati hy, ashko’N sy munawar jati hy

Faiz Ahmed Faiz from Zandaan Nama

(contributed by Amaavas)

wo jo un khilay sey gulaab they



kisi rah-guzaaR ki dhoop maiN wo jo qaafilay they bahaR k

wo jo un khilay sey gulaab they

wo jo khawaab they meRi aankh maiN

jo sahaab they teRi aankh maiN

wo bikhaaR gaa’ey kahiN raastooN k gubaaR maiN

wo jo lufz they dum-e-waapsi

meRay hoont peR

teRay hoont peR

inhaiN koi b na suN saka

wo jo raang theysaR-e-suRakho jaa’N

teRay naam k

meRay naam k

unhiaN koi bhi na chuN saka


Kis raat ki aankhon main paiman-e-sahar ho ga


Kis raat ki aankhon main paiman-e-sahar ho ga
Yay khwaab jo kompal hai, kis rutt main shajar ho ga

Aanchal ki hawa rakhna, loo iss ki bacha rakhna
Yay shama jidhar ho gi, parwana udhar ho ga

Jab raat kay parday say phir raat nikal ayay
Uss waqt kidhar jayay, jo ehhl-e-nazar ho ga

Tareekh kay chakar main wo morh nahi aata
Jab shaad makee.n hon gay, aabaad nagar ho ga

Bujhtay huay taroon ki jhilmil bhi ghaneemat hai
Iss tehri hui shab main, kuch wehm-e-safar ho ga

Afkaar pay pehra hai, qanoon yay tehra hai
Jo sahib-e-izzat hai wo shehr-e-badar ho ga

Mehsoos yay hota hai, har jalta hua tara
Guzray huay waqton main ik zakhm-e-safar ho ga

Sehmay huay panchi ki awaaz batati hai
Uss ka bhi yaheen koi, jalta hua ghar ho ga …

raastay, manzilaiN, justaju


raastay, manzilaiN, justaju.. aur maiN
ham nafas.. ik teri aarzu.. aur maiN

koi rishta, shanasaai, kuch bhi nahiN
aaina hai mere rubaru.. aur maiN

jugnuoN ki talab ka sila yeh mila
teergi hai mere chaar su.. aur maiN

khwaab ki titliyaN jab uReeN aankh say
reh gai khwahish-e-rang-o-bu.. aur maiN

raat bhar jaagtay haiN sitaroN talay
tera lehja.. teri guftagu.. aur maiN

aankh maiN khwaab ki kirchiyaN reh gayeeN
hath maiN qismatoN ka lahu.. aur maiN

sochti hooN.. kahaN jaooN, kis say kahooN
shehr dushman.. Faza bhi adu.. aur maiN

ik mere ishq ki tishnagi.. aur tu
ik tere hijr ki aabju.. aur maiN

daaman-e-umr main sar chupa kar, bohat
ro diye haiN.. teri aarzu.. aur maiN

raig-e-sehra huwe haiN tere ishq maiN
mere aihsaas ki aabru.. aur maiN

mere saahir.. bichaRtay samay reh gayeeN
teri aankhaiN mere chaar su.. aur maiN

kaash aisa ho.. saahil kanaaray kabhi
!..aur koi na ho.. sirf tu.. aur maiN

(By Mehroo)

mujhay apnay zabt pay naaz tha,sar-e-bazm raat yeh kia hua


such an awesome piece of poetry and beautiful singing  want to share one more time


mujhay apnay zabt pay naaz tha,sar-e-bazm raat yeh kia hua
meri ankh kaisay chalak gai, mujhay gham ha yeh bura hua

meri zindagi ke cheragh ka, ye mezaj kuch naya nahin
abhi roshni abhi teergi, na jala hua na bujha hua

mujhay jo bhi dushman -e-jaan mila, woh pukhta kaar jafa mila
na kisi ki zarb ghulut parri, na kisi ka waar khata hua

mujhay raastay main parra hua, aik ajnabi ka khat milla
kahin khoon-e-dil se likha hua, kahin aansoan se mita hua

mujhay humsafer bhi mila koi,sitem zareef meri tarah
kai manzilon ka thakka hua, kahin raaston ka luta hua

mujhay is ka koi bhi haq nahin, ke main shareek-e-bazm-e-khaloos hoon
na meray pass koi niqab hai, na kuch asteen main chupa huwa

ye jo sir jhuka ke guzar gaye, meray samnay se abhi abhi
meray apnay shehar ke log thay, meray ghar se ghar tha mila huwa

mujhay ap kiyun na samajh sakay ye khud apnay dil se poochiye
meri zindagi ki kitab ka warq warq hai khula huwa

Awara


Shaher ki raat aur main naashaad-o-nakaraa phiru
Jagmagaati jaagati sadakon pe avaara phiru
Gair ki basti hai kab tak dar badar mara phiru
Ai Gam-e-dil kyaa karu, Ai vehshat-e-dil kyaa karu.

Jhilmilate qumqumon ki raah mein zanjeer si
Raat ke haathon mein din ki mohani tasveer si
Mere seene par magar chalati hui shamasheer si
Ai Gam-e-dil kyaa karu, Ai vahashat-e-dil kyaa karu

Ye rupahali chhaaon ye aakaash par taaron ka jaal
Jaise sufi ka tasavvur jaise aashiq ka Khayaal
Aah lekin kaun jaane kaun samajhe ji kaa haal
Ai Gam-e-dil kyaa karu, Ai vehshat-e-dil kyaa karu

Phir vo Toota ik sitara phir vo chuyi phuljhadi
Jaane kis ki god mein aaye ye moti ki ladi
Hounk si seene mein uthi chot si dil par padi
Ai Gam-e-dil kyaa karu, Ai vehshat-e-dil kyaa karu

Raat hans hans kar ye kehti hai ke maikhane mein chal
Phir kisi shahnaaz-e-laalaarukh ke kaashaane mein chal
ye nahin mumkin to phir ai dost viraane mein chal
Ai Gam-e-dil kyaa karu, Ai vehshat-e-dil kyaa karu

Har taraf bikhri hui rangeeniya ranaiya
Har qadam par isharaten leti hui angdaiyan
Badh rahi hai god phailaaye hui rusavaiyan
Ai Gam-e-dil kyaa karu, Ai vehshat-e-dil kyaa karu

Raaste mein ruk ke dam le lun meri aadat nahi
LauT kar vaapas chalaa jaau meri fitrat nahi
Aur koi hamnava mil jaaye ye qismat nahin
Ai Gam-e-dil kyaa karu, Ai vehshat-e-dil kyaa karu

Muntazir hai ek tufaan-e-bala mere liye
Ab bhi jaane kitne darvaaze hai vaha mere liye
Par musibat hai mera ahed-e-vafa mere liye
Ai Gam-e-dil kyaa karu, Ai vehshat-e-dil kyaa karu

Ji mein aata hai ki ab ahed-e-vafa bhi tod du
Un ko pa sakta hu main ye aasara bhi chod du
Haan munasib hai ye zanjeer-e-hava bhi tod du
Ai Gam-e-dil kyaa karu, Ai vehshat-e-dil kyaa karu

Ek mahal ki aaa se nikala vo pila mahtaab
Jaise mullah ka amamaa jaise baniye ki kitaab
Jaise muflis ki javani jaise bevaa ka shabaab
Ai Gam-e-dil kyaa karu, Ai vehshat-e-dil kyaa karu

Dil me ek shola bhadak uthaa hai aakhir kya karu
Meraa paimana chalak uthaa hai aakhir kya karu
Zakhm seene ka mahek uthaa hai aakhir kya karu
Ai Gam-e-dil kyaa karu, Ai vehshat-e-dil kyaa karu

Muflisi aur ye mazahir hain nazar ke saamane
Saikdon changez-o-naadir hain nazar ke saamane
saikdon sultan jabar hain nazar ke saamane
Ai Gam-e-dil kyaa karu, Ai vehshat-e-dil kyaa karu

Le ke ek changez ke haathon se khanjar tod du
Taaj par us ke damakata hai jo patthar tod du
Koi tode ya na tode main hi badhkar tod duu
Ai Gam-e-dil kyaa karu, Ai vehshat-e-dil kyaa karu

Badh ke is indar-sabhaa kaa saaz-o-saamaan phunk du
Is ka gulshan phunk du, us ka shabistan phuk du
Takht-e-sultan kya, main saaraa qasr-e-sultan phunk du
Ai Gam-e-dil kyaa karu, Ai vehshat-e-dil kyaa karu

Ji mein aataa hai ye murdaa chaand-taare noch lu
Is kinaare noch lun aur us kinaare noch lu
Ek do ka zikr kya, saare ke saare noch lu
Ai Gam-e-dil kyaa karu, Ai vehshat-e-dil kyaa karu

Asrar ul Haq Majaz

AIK DARKHWAST


Zindagi ke jitney darwazy hain, mujh par band hain
Dekhna
Hadd-e-nazar se aagy barh kar dekhna bhi jurm hy
Sochna
Apne aqeedo’N aur yaqeeno’N se nikal kar sochna bhi jurm hy
“Kyun” bhi kehna jurm hy
“kese” bhi kehna jurm hy
Sans lene ke to aazadi muyassar hy……..magar
Zianda rehny k liay insaan ko…….kuch “aur” bhi darkaar hy
Aur…….is kuch “aur” bhi ka tazkira bhi jurm hy
Aey hunar mandaan-e-aaeen-o-sayasat
Aey khuda vandaan-e-eewan-e-aqaid
Zindagi ke naam par, bas ik inayat chahiay
Mujh ko in sary jarayam ke ijazat chahiay

(AHMED NADEEM QASMI)
contributed by amaavas

nisar main teri galiyon k ae watan, k jahan


nisar main teri galiyon k ae watan, k jahan
chali hai rasm k koi na sar utha k chale
jo koi chahanewala tawaf ko nikle
nazar chura k chale, jism-o-jan bacha k chale

hai ahl-e-dil k liye ab ye nazm-e-bast-o-kushad
k sang-o-khisht muqayyad hain aur sag azad

bahot hain zulm k dast-e-bahana-ju k liye
jo chand ahl-e-junun tere nam leva hain
bane hain ahl-e-hawas muddai bhi, munsif bhi
kise wakil karen, kis se munsifi chahen

magar guzaranewalon k din guzarte hain
tere firaq main yun subh-o-sham karae hain

bujha jo rauzan-e-zindan to dil ye samajha hai
k teri mang sitaron se bhar gai hogi
chamak uthe hain salasil to hamane jana hai
k ab sahar tere rukh par bikhar gai hogi

garaz tasavvur-e-sham-o-sahar main jite hain
giraft-e-saya-e-diwar-o-dar main jite hain

yun hi hamesha ulajhti rahi hai zulm se khalq
na unki rasm nai hai, na apani rit nai
yun hi hamesha khilaye hain hamne ag main phul
na unki har nai hai na apani jit nai

isi sabab se falak ka gila nahin karte
tere firaq main ham dil bura nahin karte

gar aj tujhse juda hain to kal baham honge
ye rat bhar ki judai to koi bat nahin
gar aj auj pe hai tala-e-raqib to kya
ye char din ki khudai to koi bat nahin

jo tujhase ahd-e-wafa ustavar rakhte hain
ilaj-e-gardish-e-lail-o-nihar rakhte hain

Faiz

Khabar-E-Tahayyur-E-Ishq Sun, Na Junun Rahaa Na Pari Rahi


Khabar-E-Tahayyur-E-Ishq Sun, Na Junun Rahaa Na Pari Rahi
Na To Tu Rahaa, Na To Main Rahaa, Jo Rahi So Bekhabari Rahi

Shaah-E-Bekhudi Ne Ataa Kiyaa Mujhe Ab Libaas-E-Barahanagi
Na Khirad Ki Bakhiyaagari Rahi Na Junun Ki Pardaadari Rahi

Chali Simt-E-Gaib Se Ik Havaa Ki Chaman Zahur Kaa Jal Gayaa
Magar Ek Shaakh-E-Nihaal-E-Gham, Jise Dil Kahen So Hari Rahi

Nazar-E-Tagaaful-E-Yaar Kaa Gilaa Kis Zabaan Son Bayaan Karun
Ki Sharaab-E-Sad-Qadaah Aarazu Khum-E-Dil Mein Thi So Bhari Rahi

Vo Ajab Ghadi Thi Main Jis Ghadi Liyaa Dars-E-Nuskhaa-E-Ishq Kaa
Ki Kitaab-E-Aql Ki Taaq Mein Jyun Dhari Thi Tyun Hi Dhari Rahi

Tere Josh-E-Hairat-E-Husn Kaa Asar Is Qadar Son Yahaan Huaa
Ki Na Aaine Mein Jilaa Rahi, Na Pari Kun Jalvaa-Gari Rahi

Kiyaa Khaak Aatish-E-Ishq Ne Dil-E-Benavaa-E-”Siraj” Kon
Na Khatar Rahaa, Na Hazar Rahaa, Magar Ek Bekhatari Rahi

Poetry: Siraj Aurangabadi

Talab ko ajar na doon, fikar-e-rahguzar na karoon!


Talab ko ajar na doon, fikar-e-rahguzar na karoon!
Safar main ab ke hawa ko bhi hamsafar na karoon

Ubhartay doobtay sooraj se torr loon rishta
Main sham orh ke so jaon aur sahar na karoon

Ab is se barh ke bhala kya ho ehtiyat-e-wafa
Main tere sheher se guzroon, tujhe khaber na karoon!

Ye meray dard ki daulat, meri maata-e-firaaq
In ansu’on ki wazahat main umer bhar na kroon!

Ujar shab ki khalish ban ke bun main kho jaoon
Main chandni ki terha khud ko derbader na karoon!

Wo aik pal ko dikhai to de kaheen Mohsin
Main jan gunwa ke bhi us pal ko mukhtasir na karoon…!!

hum jo tareek rahoon main maray gaye


تیرے ہونٹوں کے پھولوں کی چاہت میں ہم
دار کی خشک ٹہنی پہ وارے گئے
تیرے ہاتھوں کی شمعوں کی حسرت میں ہم
نیم تاریک راہوں‌ میں مارے گئے

سولیوں پر ہمارے لبوں سے پرے
تیرے ہونٹوں کی لالی لپکتی رہی
تیری زلفوں کی مستی برستی رہی
تیرے ہاتھوں کی چاندی دمکتی رہی

جب گھلی تیری راہوں میں شامِ ستم
ہم چلے آئے، لائے جہاں تک قدم
لب پہ حرفِ غزل، دل میں قندیل غم
اپنا غم تھا گواہی تیرے حسن کی
دیکھ قائم رہے اس گواہی پہ ہم
ہم جو تاریک راہوں‌ میں‌ مارے گئے

نار سائی اگر اپنی تقدیر تھی
تیری الفت تو اپنی ہی تدبیر تھی
کس کو شکوہ ہے گر شوق کے سلسلے
ہجر کی قتل گاہوں سے سب جا ملے

قتل گاہوں سے چن کر ہمارے عَلم
اور نکلیں گے عشاق کے قافلے
جن کی راہ طلب سے ہمارے قدم
مختصر کر چلے درد کے فاصلے

کر چلے جن کی خاطر جہاں‌گیر ہم
جاں گنوا کر تری دلبری کا بھرم
ہم جو تاریک راہوں‌ میں ‌مارے گئے

bohat se khwaab dekhe hain kabhi shairoon main dhaalain ge


bohat se khwaab dekhe hain kabhi shairoon main dhalain ge
koi chehra tarashain ge koi soorat nikalain ge

abhi tau paoon ke neechay zameen mehsoos hoti hai
jahan ye khatam howay gi, waheen hum ghar bana lain ge

yehi hai na tumhain hum se bicharr janay ki jaldi hai
kabhi milna tumhare mas’alay ka hal nikaalain ge

abhi chupke se hijar asaar lamha aye ga aur phir
tum apni rah chal do ge, hum apna raasta lain ge

jo apne khoon se apni gawahi khaak per likh de
hum aise admi ko aasmaanon per utha lain ge

hamaray hath jis ke qatal ki sazish main shamil thay
saleem us shaks ke qatil se hum kaya khoon baha lain ge

(Sleem Kausar)

Yaad se naam mitta, zehan se chehra utraa


Panio’N panio’N jab chaand ka haala utraa
Neend kee jheel pe, ik khawab purana utraa

Aazmaish mein kaha’N, ishq bhi poora utraa
Husn ke aagy to, taqdeer ka likha utraa

Dhoop dhalne lagi, deewar se saya utraa
Sat’ha hamvaar hue, payar ka daria utraa

Yaad se naam mitta, zehan se chehra utraa
Chand lamho’N mein nazar se teri, kya kya utraa

Aaj kee shab mein paresha’N hoon to yn lagta hy
Aaj mahtaab ka chehra bhi hy, utraa utraa

Meri vehshat, ram-e-aahoo se kahi’N barh kar thi
Jab meri zaat mein tanhai ka sehraa utraa

Ik shab-e-gham ke andhery pe nahe hy mokoof
Tu ne jo zakhm lagaya hy, wo gehra utraa

(PARVEEN SHAKIR from KHUSHBOO)

Contributed by Amaavas

Dard kuch dair hi rehta hai,buhat dair nahi


Dard kuch dair hi rehta hai,buhat dair nahi
Jis tarah shaakh se toray huay aik pattay ka rang

Mand par jata hai kuch roz alag shaakh se reh kar
Shaakh se toot ker yeh dard jeeye ga kab tak…?
Khatam ho jaye gi jab is ki rasad…
Timtimaye ga zara dair ko bujhtay bujhtay…
Aur phir lambi si aik sans dhuan ki le kar…
Khatam ho jaye ga,yeh dard bhi bujh jaye ga
Dard kuch dair hi rehta hai,buhat dair nahi……!!!!!

(Gulzar)

Tumhain janay ki jaldi thi….


Tumhain janay ki jaldi thi….
So apni jald baazi main
Tum apnay lams ki kirnain..
Nazar k zaviye..
poaron ki shamain
Mere seene main bharakta chhor aye ho…
Wahan takiye k neechay
Kuch sunehray rung ki tooti hui saansain
Kisi nozayeda khushbu k taza khuwabchay
Bistar ki shiknon main giray kuch khoobru lamhay
Dressing room main hanger se latki aik sud rangi hansi ko
Bas achanak hi pas-e-parda latakta chhor aye ho
Tumhain janay ki jaldi thi ab aisa hay k jab bhi
Be-khayali main sahi..!
lekin
kabhi jo is taraf niklo
To itna yaad rakhna…!!
Ghar ki chaabi saddar darwazay k bayen hath par
Aik khoal main rakhi milay gi

Or tumhain maaloom hay
kapron ki almaari hamesha se khuli hay
safe ki chaabi to tum ne khud hi gumm ki thi
So woh tab se khula hay or us main kuch
Tumhari choorian ‘
aik aadh angoothi or un k beech
Kuch zard lamhay
or un lamhon ki girhon main bandhi kuch lams ki kirnain
Nazar k zaviye ‘
poaron ki shamain
or sunehray rung ki tooti hui
Saansain milain gi
Or woh sab kuch jo mera or tumhara
Mushtarka sa ek asasa hay
Simat paye to le jana…………………………………..!!!!
k abb
Mujhay janay ki jaldi hay……!!!

Ayyub Khawar

meri ankhon main ummad aaya hai darya dil ka


meri ankhon main ummad aaya hai darya dil ka
phir kahin toot gaya ho na kinara dil ka

bus muhabbat se riwayat hai kahani dil ki
char harfon se ibarat hai fasana dil ka

us ne dali hi nahin bheek nazar ke aur main
liye ankhon main kharra reh gaya kaasa dil ka

saans rukti hai tau phir jaan ka khayal aata hai
dil dharakta hai tau lag jata hai dharhka dil ka

issi koshish main buhat umar ganwa di main ne
phir bhi poora na huwa mujh se khasaara dil ka

meri payaab tamanna’in batati hain mujhay
sookh jaye ga koi roz main darya dil ka

badli badli si sada deti hai dharkan dil ki
hijr main aur hi ho jata hai lehja dil ka

kiyun na aye dost abhi tark-e muhabbat kar lain
iss se pehlay ke badal jaye iraada dil ka

fikr-e-dunya main mere dil ko bhulanay walay
teri dunya se ziada hai asaasa dil ka

us ki ankhon ne kaha chupke se, khul ja sum sum
khul gaya ain ussi waqt dareecha dil ka

ishq katay ga abhi aur chatanain "sagar"
aqal dekhi gi abhi aur tamasha dil ka 

Na intazaar ke lazzat, na aarzu ke thakan


Na intazaar ke lazzat, na aarzu ke thakan
Bujhi hain dard ke shamein, k so gya hy badan

Sulag rahi hain na jany, kis aanch se aankhein
Na aansooan ke talab hy, na rat jago’N ke thakan

Dil-e-freb zada, dawat-e-nazar pe na ja
Yeh aj k qad-o-gaisoo hain, kal k dar-o-rasan

Bahar-e-qurb se pehly, ujaarh deti hain
Judaion ke hawain, mahabbato’N k chaman

Phir aaj shab tery kadmo’N ke chaap k humraah
Sunai de hy dil-e-na muraad ke dharkan

Yeh zulm dekh k tu jaan-e-shairi hy magar
Meri ghazal mein tera naam bhi hy jurm-e-sukhan

Ameer-e-shehar, ghareebo’N ko loot leta hy
Kabhi ba heela-e-mazhab, kabhi ba naam-e-watan

Hawa-e-dehar se dil ka chiragh kya bujhta
Magar FARAZ salamat hy, yaar ka daaman

(AHMED FARAZ from the book dard-e-aashob)

(contributed by Amaavas)

 

kidhar sey ho ke bahaaroN ke kaarwaaN guzrey


Chaman ka haal to ye hey ke khaak urrti hey
kidhar sey ho ke bahaaroN ke kaarwaaN guzrey
dayaar-e-yaar ka saara safar anokha tha
qadam, qadam pe naya dey ke imtehaaN guzrey
saba bhi aai to phooloN ke muNh jhulsa ke gai
yahaaN sey abr bhi barsaa ke bijliyaaN guzrey
kabhi to waar raqeeboN ke de gaey the mazaa
kabhi to pyar azeezoN ke bhi giraaN guzrey
aey dil sambhal ke kisi ko hisaab deyna hey
ke zindagaani ke lamhey kahaN, kahaN guzrey

Abhi wo dard baqi hey


Abhi wo dard baqi hey
agarche waqt marham hey
magar kuch waqt lagta hey
kisi ko bhool janey meiN
dobara dil basaney meiN
abhi kuch waqt lagna hey
abhi wo dard baqi hey
meiN kaise nai ulfat meiN
apni zaat ko gum kar dooN
ke mere jism-o-wajdaaN meiN
abhi wo fard baqi hey
abhi us shakhs ki mujh per
nigah-e-sard baqi hey
abhi to ishq ke rastoN ki
mujh per gard baqi hey!!!

دعائے نیم شب


دعائے نیم شب

صدائے آرزو

وصالِ یار کے

خیال و خواب میں

جو ہو گئی مگن

تو لفظ کھو گئے

دعائے نیم شب

ادھوری رہ گئی

جو بات تھی بہت

ضروری رہ گئی

Dua-e-neem shab
Sada-e-aarzo
Wisaal-e-yaar ke
Khayal-o-Khwab main
Jo ho gayi magan
To lafz kho gaye
Dua-e-neem shab
Adhoori reh gayi
Jo baat thi buhat
Zaroori, reh gayi

Kaash aa jaaye, mujhe jaan se guzarte dekhe


Kaash aa jaaye, mujhe jaan se guzarte dekhe
us ki khwaahish thi kabhi mujkho bikharte dekhe

wo saleeqay se huwa mujh se gureyzaN warna
log to saaf mohabbat se mukarte dekhe

tum ney dekha hey nikalta huwa sooraj logo
tum ne kuch khwaab suhaanay nahi marte dekhe

waqt hota hey har ik zakhm ka marham shayed
phir bhi kuch zakhm thay aesey jo na bhartay dekhe

aek sehmey huwey sahil ki tarha aankhoN ne
kitne charhtey huwey toofan utarte dekhay

تم آئے ہو، نہ شبِ انتظار گزری ہے


تم آئے ہو، نہ شبِ انتظار گزری ہے
تلاش میں ہے سحر، بار بار گزری ہے

جنوں میں جتنی بھی گزری، بکار گزری ہے
اگرچہ دل پہ خرابی ہزار گزری ہے

ہوئی ہے حضرتِ ناصح سے گفتگو جس شب
وہ شب ضرور سرِ کوئے یار گزری ہے

وہ بات سارے فسانے میں جس کا ذکر نہ تھا
وہ بات اُن کو بہت ناگوار گزری ہے

نہ گل کھلے ہیں، نہ اُن سے ملے، نہ مے پی ہے
عجیب رنگ میں اب کے بہار گزری ہے

چمن میں غارتِ گلچیں سے جانے کیا گزری
قفس سے آج صبا بے قرار گزری ہے

Be – bassi . . .!


meray dil k nehaaN khanoN maiN kitney lafz..
chilatey huwey, yuN ba’in kertay haiN..
keh meray her taraf cheekho’n ka
wehshatnaak shorish.. phail jata hai, satata hai..
magar jab siskiyaaN letay huwey yeh lafz maiN..
kaghaz ki aghosh-e-meherbaaN meiN
chupaanay k liye, tarteeb deti hoon..
achanak ye sabhi alfaaz yu’n chup sadh letay hain,
k goya boltey na hon..
meiN khaali warq pe nazrein jamaaey
qarb ki gehri andheri khamoshi ko..
apnay ander yun chupaati hooN..
k jesay koi apnay zakhm ko un se chuhpata hai
jo ussay pyar kertay hain!
magar is aik koshish say, na dil ka dard jata hai
na koi hal nikalta hey
bus ik wehshat ka saaya hai
jo har suu phail jata hai..!!